Ejira 1:11 - Bibilia Buk na Ŋun nagon koti luŋu a

¹¹ A toro ’bo nagon a dakap ko a pödö liŋ momori a aliŋan mukanat ko miajin iŋwan. A Sese-basar iŋge yekara kine ŋo liŋ i diŋit na yitöri ŋutu kaŋo i to ’dupien i jur lo Babela anyen tu tojo Yerusalema.

Ejira 1:11 ပူးပေါင်းရင်းမြစ်များ

2 Moran 25:15

A duma lo katiyuk joŋgi ta ’do-ka se ko kalabajin, kweja adi ŋo liŋ nagon a tetena ko dakap ko ŋo liŋ nagon a tetena ko pödö kune.

Ejira 1:10

ko kunie kalabajin merya musala nagon a dakap, ko kunie kala­bajin nagon a podo miajin iŋwan ko puök se ko kunie toro ’bo aliŋ geleŋ.

Ejira 2:1

Kilo a ŋutu ti mödöria na Yudalo yitwe i to ’dupien. Lepeŋat a kulye kase logon Nebukadanesar mor lo Babela köju a momokara a joŋgi tojo ko jur lo Babela. Kilo ŋutu a yitwe Yerusalema ko Yuda, ŋutu liŋ geleŋ geleŋ kase i köjinö.

Ejira 4:1

Nyena a merok ti kotumit na Yuda ko na Benyamina ko yiŋge adi ŋutu lo yitwe i to ’dupien kulo kulu ’dukokiŋdyo MATAT Ŋun lo Yisaraele kadi,

Ejira 6:19

A ŋutu lo yitwe i to ’dupien kulo koŋdi rorwe lo Pasaka i perok puök wot iŋwan ti yapa togeleŋ.

Saumajin 126:1

I diŋit nagon MATAT a toyitundyö bot yi ŋutu ti Siona i to ’duŋien nu, a yi gwe gwoso ŋutu lo rurudwe!

Saumajin 85:1

Pon MATAT, do a gwon ko ŋele na ’but ko Jur ilot; do a toyitundyö kulya ti kötumit na Yakobo i gwon ’bura.

Yeremia 27:21

Nan MATAT lo kurumi Ŋun lo Yisaraele lo jambu i kulya ti tito nagon a pitöki i kadi nio na MATAT, ko nagon a pitöki i kadi na mor lo Yuda, se ko nagon a pitöki i Yerusalema kune adi,

Roma 9:23

Lepeŋ koŋdya sona anyen kwekiŋdya tukworien na minyo lonyit i ŋutu logon nye ’dek won konyen ko se kulo, logon nye köju a tetenakin a ti minyo.