Ejira 1:1 - Bibilia Buk na Ŋun nagon koti luŋu a

¹ A i kiŋa lo kokwe lo Korese moriŋ Parasa, a MATAT tonije yeyeesi ti Korese anyen kulyaet lonyit lo MATAT böŋö kökona gwoso na jambi Yeremia nu, anyen Korese mor lo Parasa tiŋdu lalyet i tumatyan nanyit liŋ. A kine kulya köti iŋge wuröki kak:

Ejira 1:1 ပူးပေါင်းရင်းမြစ်များ

Ejira 1:5

A kirut kusik ti kotumiton ti merenyejin logon a ti Yuda ko ti Benyamina, ko koanejin se ko Lewijin poki i teteŋdya na ’borik, kilo a ŋutu logon ŋun a toŋiju yeyeesi kase anyen tu nyoggu ’duggo kadi na MATAT na gwon Yerusalema yu.

Ejira 4:3

Ama Jerubabela ko Yesu a se ko kulye kusik ti kotumiton ti merenyejin ti Yisaraele waddi se adi, ’Bayin a kulya kasu i ’dukokiŋdyo na Ŋun likaŋ kadi, ama yi ka ’de lo ’dukokiŋdyö MATAT Ŋun lo Yisaraele kadi, gwoso nagon Korese mor lo Parasa a sarakiŋdye yi nu.

Ejira 6:14

A temejik ti Yudayaki möröddi ŋerot ’bura i ’duggö nase gwoso i jujuwesi keyeesi ti nebi Kagai ko Takaria ŋuro lo Ido. A se tutuŋge ’duggö gwoso na sarakiŋdye Ŋun lo Yisaraele se nu, ko köti gwoso i saresi ti Korese, ko Dario, ko Aretasaseta mor lo Parasa.

Ejira 6:22

A se koŋdi rorwe lo ambata nagon ’bak kape ko perok buryo ko lyöpön; kogwon MATAT a tiŋdu lepeŋat i lyöpön ko a löpukun töili lo mor lo Asura ko lepeŋat ni, anyen parakiŋdya lepeŋat i kita na kadi na Ŋun logon a lo Yisaraele.

Ejira 6:3

Adi i kiŋa togeleŋ lo gwoŋdi Korese a mor nu, a nye iŋge tiŋdu saret i kulya ti kadi na ŋun na gwon Yerusalema yu, adi ti nye nyököni nyökö ’dukö anyen gwon a pirit wukiet na rubaŋgajin se ko rubaŋgajin lo ’yu ’yura ’buluŋ. Ti tojolan nanyit ki gwe a lokiliŋan merya buket se ko tugalaŋ nanyit a lokiliŋan merya buker köti,

Ejira 7:27

Ti MATAT Ŋun lo merenyejin kaŋ purani pura, logon a tiŋdu yeyeet gwoso ŋina ko mor i töili anyen tokweleŋdu kadi nanyit na MATAT na gwon Yeru­salema nu.

Saumajin 106:46

A nye tindi ŋutu liŋ lo joŋga lepeŋat a ’duŋi kulo i won konyen ko se.

Tolupesi 21:1

Toili lo mor gwon ko MATAT i könin gwoso kikolin ti pioŋ i melesen; a nye lopuköddi lepeŋ i pirit nagon nye ’de ’deggi gwoso pioŋ na ’bulöki i melesen.

Yisaya 44:28

Nan nye lo jambu i kulya gi Korese, adi, Nye logon a kayukunit lo ŋutu kwe, a nye mo koŋdi ŋo liŋ nagon nan ’de ’dekan; a nan jambi i kulya ti Yerusalema adi, Ti nye ’duköni ’dukö, ko i kulya ti kadi nio na MATAT adi, Do mo pipilu köti.

Yisaya 45:1

MATAT lo kulya ko Korese lo welaki lonyit, logon könin lonyit lo lutaten nye aje mok lo, i te ’ya na jurön kanyit i komor, ko i laŋgu na mukökö ti moran, i ŋaju na kötumitön kanyit i komor, a kötumitön mo tine kinu.

Yeremia 1:1

Kilo a kulyaesi ti Yeremia ŋurolo Kilikia, lele lo koanejin lo gwon Anatot i jur lo Benyamina.

Yeremia 29:10

Kogwon nan MATAT lo kulya adi, I mukök nagon kiŋajin merya buryo aje ’baka Babela nu, a nan mo ’yö ’yi ta, a nan mo konakiŋdye ta milye lio, a mo nyökuŋdye ta bot i na pirit.

Ejikele 38:5

Ŋutu ti Parasa, ko ti Kusa, ko ti Put gwon ko ŋutu kulök i pirit na geleŋ; lepeŋat liŋ gwon ko ’bukwö ko tere-bukan logon a witiöt.

Daniele 1:21

A Daniele gwolore nyu tojo ko kiŋa togeleŋ lo gwoŋdi Korese a mor lu.

Daniele 2:1

A i kiŋa tomurek lo gwoŋdi Nebukadanesar a mor lu, a Nebukadanesar iŋge rudwe rudweesi; a toili lonyit iŋge yo yoŋo, a doto gwe ’bayin kanyit i konyeŋ.

Daniele 6:25

A kirut mor Dario wurökiŋdye waraga i ŋutu ti gweyajin liŋ, ko jurön, se ko ŋutu lo jambu kutusen ka ’de ka ’de lo gwolor i kak ni ’bukuluŋ kulo adi, Ti taliŋ ŋdine ŋdi kasu.

Daniele 9:2

i kiŋa lo kokwe lo saŋu nanyit nan Daniele gwon i keŋdya na bukon ti Ŋun. A nan kuruŋdye i kulyaesi ti MATAT lo jama ko nebi Yeremia kulo adi, Yerusalema mo kölöki a murwö tojo ko kiŋajin merya buryo a ’duddyö.

Yoane 1:23

A Yoane waddi gwoso na kulyari nebi Yisaya köju nu adi, Nan a gworo lo ŋuto lo wowoŋon i yöbu adi, Rine ta kiko lo MATAT gwogwo.