Ejikele 8:10 - Bibilia Buk na Ŋun nagon koti luŋu a

¹⁰ Nyena a nan lupöni lukata, a nan iŋge meddya ŋojino ti gweyajin liŋ ti ŋo lo gwogwo-ŋtu, ko ti kijakwa lo mamana, se ko nyömuejin liŋ ti ŋunyen ti kötumit na Yisaraele a wuröki lorga gorom.

Ejikele 8:10 ပူးပေါင်းရင်းမြစ်များ

Yuörö 20:4

Do ködyö ti tetenakiŋdya mugun nene nyömue na gigiru a gwuluet na ŋo ti ki yu, kode ŋo ti kak ni, kode ŋo ti pioŋ lukata;

Yisaya 44:13

A kakepanit lo kaden rikiŋdye temet, a kökoroji lepeŋ ko wuret; a nye wöŋi lepeŋ ko woresi, a wuwuŋe lepeŋ ko wuret logon Wuŋo a lite; a nye teteŋdi lepeŋ gwoso ŋuto; ko kwelert na ŋutö, alyen si ’da kadi lukaia.

Yeremia 16:18

A nan mo kiyaŋ riŋge lepeŋat daŋin murek kogwon konesi kase narok se ko toronjin kase, kogwon se aje toluddya jur lio lomore ko nyömuejin kase loron köŋu keri a iŋge tojore lepeŋ ko kitajin kase na mamana.

Yeremia 3:9

Kogwon lepeŋ lalaun toluŋ na, a lepeŋ iŋge tolut jur a biryeri mugun gwoso kalupe i twöju na ŋurupö se ko kaden.

Yeremia 44:21

Ta yeyeju adi MATAT ŋona a böpö bökurön logon ta ko merenyejin kasu, ko moran kasu, ko temejik kasu, se ko ŋutu ti jur aje ’yur i köjinö ti Yuda, ko i kikolin ti Yerusalema kulo le? Kine kulya ŋona a ko lupö kanyit i töili i tomijö na lepeŋ le?

Yeremia 44:4

Ama kölumbö nan a ko jaran i sunyukiŋdyo na ta köliŋönök kwe liŋ logon a nebijin i kulya adi, An ta ko koŋdya ta kine ŋo narok parik nagon nan maman kune!

Ejikele 11:12

a ta mo kirut dene den adi nan a MATAT; kogwon ta a ko wörö i saresi kwe lo wurö a gwe a ko ’depakiŋdya i jujuwesi kwe, ama kölu-mbö a ta koŋdi gwoso i jujuwesi ti ŋutu ti jurön logon kasu i mara kilo.

Ejikele 23:14

Kölumbö a Oliba ’ya ’yi towutön nanyit, kogwon nye a meddya ŋöjinö ti ŋutu lyan a gigiriki i gorom, kweja adi kine a ŋöjinö ti ŋutu ti Kaledea a buyala ko buya lotor.

Ejikele 8:11

A ŋutu temejik merya buryo ti kötumit na Yisaraele gwo ’de i komor na kine ŋo, a Yajania ŋuro lo Sapana gwo ’de kase kiden. Ŋutu liŋ geleŋ geleŋ ’debba ta ’doka kase i könisi, a köpuröt lo bökur lo mon paleleŋ gwululuöddi ki i kine ta ’doka.

Ejikele 8:9

A lepeŋ takiŋdye nan adi, Lupöni lukata, ko memete memet ŋo narok na mamana nagon se kökon ni kune.

Roma 1:23

a Iöpuŋge kwakwasa na Ŋun lo minyo lo yeŋ nyin a kwakwaddi nyomuejin ti gweya na ŋutu logon mugunya ’bu ’buron, ko ti kwen, ko ti kijakwa se ko ti ŋo lo gwoŋtu kak.

Nyökit 14:3

Ta ködyö ti nyesu nene ŋo na mamana.

Nyökit 4:16

ama an ta ko koŋu ’börik i tetenakiŋdya na ’börik nene nyömue na gigiru i gwuluet na nene gweyari, kode i gwuluet na ŋuto lulalet kode nanakwan,

Nyökit 4:18

kode i gwuluet na nene ŋo na gwögwöŋtu kak, kode i gwuluet na nene sumuti na gwon i pioŋ lukata.

Nyökit 4:23

Kunyar ta ’börik, an ta böŋö tomoret na MATAT ŋun losu nagoŋ nye aje teten ko ta na, i gweja na nyömue na gigiru i gwuluet na nene ŋo nagoŋ MATAT ŋun losu a saŋi ta adi ti gwe ti kona na.

Nyökit 4:25

A na yuŋuŋdye ta ŋwajik se ko nyakwariat kasu, a joŋgi diŋit a najo i lu jur nu, ko ta ködyö mo köŋu ’börik, a teteŋdi nene nyomue na gigiru nagoŋ a gwuluet na nene ŋo, a ta koŋdi ŋo nagoŋ a naron ko MATAT ŋun losu i komor i towoŋa na nye.