Ejikele 48:13 - Bibilia Buk na Ŋun nagon koti luŋu a

¹³ A kak na Lewijin ko na koanejin riöddi ’börik jojo, kweja adi temet nanyit a lolikipan aliŋan merya murek wot mukanat i tojolan nanyit, a tugalaŋ nanyit gwe a lokiliŋan aliŋan puök.

Ejikele 48:13 ပူးပေါင်းရင်းမြစ်များ

Yuörö 23:19

Ta ködyo joŋdya kinyojin lo pera a kokwe a wapesi ti kak nasu kulo i kadi na MATAT Ŋun losu. Ta ködyö ti deŋa kilolor ko le ti ŋote.

Ejikele 45:3

A i ŋina kak nake a ta ködyö temuŋdye nene pitit nagon jolan nanyit a lokiliŋan aliŋan merya murek wot mukanat, a tugalaŋ nanyit gwe a lokiliŋan aliŋan puök, anyen pirit nake na rurwan na totopuŋdya gwon kata.

Ejikele 45:5

A nene pirit nagon jolan nanyit a lokiliŋan aliŋan merya murek wot mukanat, ko tugalaŋ nanyit a lokiliŋan aliŋan puök na kodyö gwe a na Lewijin lo kita köyö i kadi kulo; a köjinö nagon se sisi ’dari kune kodyo gwe i ŋina pirit.

Ejikele 48:12

A pirit na koraki koanejin i koret na gelaki nan MATAT na ködyö gwe a nake parik na rurwan, nyona ko kak na Lewijin.

Ejikele 48:14

Lepeŋat ködyö ti tugwör kode togwöja ko lele swöt lo ŋina kak kode tiŋdu lwakatyo ŋina kak nagon a na ’but na, kogwon nye a nake na rurwan nio na MATAT.

Lewi 25:34

Ama a piritön na gwon kana na lologga köjinö kase kune tine bulö tugwörö; kogwon a lomoriot kase ŋupi.

Luka 10:7

Si ’dani ta i nina kadi, nyesi ta ko möji ta po nagon a tiki ta kune, kogwon kakitanit ködyö roröpaki kita nanyit. An ta ko wöröji abur i midijik.

Nyökit 12:19

Kunyar ta, an ta ko pa Lewijin i perok liŋ lo gwoŋdi ta i lu jur losu kulo.