Ejikele 47:14 - Bibilia Buk na Ŋun nagon koti luŋu a

¹⁴ Kak nagon nan aje milyeju i tiŋdu na merenyejin kasu nu ta ködyö kokorakiŋdya ’börik jojo; iŋkoi, ŋina kak ’dukin kasu a lomoriot i guba na guralan.

Ejikele 47:14 ပူးပေါင်းရင်းမြစ်များ

Suluet 12:7

a MATAT puköki ko Abarama, a kulyani adi, Nan titin nyakwariat kulök lo jur. A Abarama dipakiŋdye MATAT ’yuret na rubaŋgajin nyu, ŋilo a MATAT logon a pukökin ko lepeŋ lo.

Suluet 13:15

kogwon kak liŋ nagon do memet nu, nan mo titikin do ko i nyakwariat kulok ŋupi ŋupi.

Suluet 15:7

a nye kulyani ko lepeŋ adi, Nan a MATAT lo joŋdya do kaŋo i Ur na Ŋutu ti Kaledea, i tiŋdu na do lo jur a lomore.

Suluet 17:8

A nan mo tiŋdi do se ko nyakwariat kulok lo gwon konut i mukök kilo, jur lo mönuŋdye do kata lu, iŋkoi, jur lo Kanana liŋ, anyen gwon a lomore lo yeŋ nyin; a nan mo gwe a Ŋun lose.

Suluet 26:3

Si ’dani i lo jur, a nan mo gwe ko do, a mo ’boroji do; kogwon nan mo tiŋdu do kilo juron liŋ a kulök ko i nyakwariat kulök, a nan mo togwi ’dikiŋdye milye go logon nan a milyekin monye ilot Abarayama lo.

Suluet 28:13

Mete, a MATAT gwo ’de gwo ’dan kanyit nyona, a kulyani adi, Nan a MATAT Ŋun lo munyi Abarayama, ko a Ŋun lo Yisaka; nan mo titikin do se ko nyakwariat kulök kak nagon do a piriki kata ŋina;

Yuörö 6:8

A nan mo tolupödöi ta i ŋilu jur logon nan a ’doggu könin lio ki i milyekiŋdyo tiŋdu Abarayama, ko Yisaka, se ko Yakobo lu; a nan mo tiŋdi ta ŋilu jur a lomore losu. Nan logon a MATAT.

Tolupesi 16:33

Guralan ŋuba i lukata na boŋgo muit nagoŋ a gudula, ama ’dutet na kulya MATAT lo dendya ka ’de.

Ejikele 20:28

Kogwon na joŋdi nan se köju i jur logon nan a milyeju i tiŋdu na se lu, a se iŋge meddya lurwat liŋ lojo, se ko kaden liŋ logon ko koropo jore, a se wukiŋdye rubaŋgajin kase nyu, a tiŋdi ’dokesi kase nyu nagon towoŋa nan; köti a se wukiŋdye ’dokesi na mon paleleŋ a ’bukökiŋdye rubaŋgajin ’bu ’bukesi nyu.

Ejikele 20:42

A ta mo dene den adi nan a MATAT na joŋdi nan ta i jur lo Yisaraele nu, kweja adi ŋilo a jur logon nan koju a milyekin tiŋdu merenyejin kasu lu.

Ejikele 36:12

Iŋkoi, a nan mo tiŋdi ŋutu i wörö kasu loki, kweja adi kilo a ŋutu kwe Yisaraele, a lepeŋat mo ’debbi ta a lomoriot kase, a ta mo köti tine toliki-ŋdyö ŋwajik kase kwöŋ.

Ejikele 48:29

Ŋina a kak nagon ta ködyo kökorakin i kötumitön ti Yisaraele a lomoriot kase, kweja adi kine a koresi kase. Kilo a kulyaesi kwe ti MATAT ŊUN.

Kenet 14:16

MATAT ti bulö tolupödöu kulo ŋutu tojo i lu jur lo milyekin nye i tiŋdu na se lu, nyenagoŋ a nye tatuje se i yöbu nyu.

Kenet 14:30

mo tine lupö i lu jur logon nan a milyekin adi nan mo tin ta i si ’da nyu lu, ake Kaleba ŋuro lo Yepune se ko Yosua ŋulo lo Nun lo lupö.

Nyökit 1:8

Meddi ta, nan aje tiŋdu ta lo jur kasu i komor; lupöni ta lukata ko morgi ta lu jur logon nan MATAT aje milyekin tiŋdu merenyejin kasu, logon a ko Abarayama, ko Yisaka, ko Yakobo, ko nyakwariat kase i mukök kilo.