Ejikele 46:20 - Bibilia Buk na Ŋun nagon koti luŋu a

²⁰ A lepeŋ takiŋdye nan adi, Na a pirit nagon koanejiŋ kodyo deŋi rubaŋgajin ti lyaŋan se ko rubaŋgajin ti toron, a ke ’yi ’bolot nagon a ’dokesi; se kodyo ti joŋ lepeŋat i ’baŋ lo kaŋo an se joŋga kelan na rurwan na Ŋun i ŋutu kata.

Ejikele 46:20 ပူးပေါင်းရင်းမြစ်များ

2 Dekat 35:13

A se pe ’yi yisi a ti Pasaka gwoso na saraki ’e nu, a se deŋi po nake na rurwan i sapya, ko i mu ’dajin, se ko i ta ’doka, a se nyoŋgi yekakiŋdya i ŋutu liŋ logon ’bayin a koanejin.

Yuörö 29:31

A do ’dumuŋdye lopijot ’boriet, a deŋi lokore nanyit i nene pirit nake na rurwan;

Ejikele 44:19

A nagon se iti kaŋo ko ŋutu yu i ’baŋ lo kaŋo nu, a se ködyö rusuŋdye boŋgwat nagon se kikitari kune kaŋo a kolö-kiŋdye se i kadijik na ’di ’dik nagon a nake na rurwan kune; a se ködyö jupukiŋdye kunie boŋgwat ka ’de, an se joŋga kelan na rurwan na ŊUN i ŋutu kata ko boŋgwat kase.

Ejikele 44:29

Ama lepeŋat bubulö nyesu ’bolot logon a ’dokesi, ko rubaŋga lo toron, se ko rubaŋga lo lyaŋan, a ŋo liŋ ti Yisaraele nagon a korwe adi a kwe ti ŊUN kune ködyö gwe a kase.

Ejikele 46:21

A kirut lepeŋ joŋgi nan kaŋo i ’baŋ lo gwon kaŋo, a tuwöröddi nan i tusesi iŋwan ti ’baŋ; a tusesi liŋ ti ’baŋ gwe ko kulye ’baŋin geleŋ geleŋ.

Ejikele 46:24

a kirut lepeŋ takiŋdye nan adi, Kine a piriton deresi nagon ŋutu lo kita i kadi na Ŋun kulo kodyo derakiŋdye ŋutu rubaŋgajin.

Lewi 2:1

A ko lele ŋuto a joŋdya ’doket na ’bolot anyen wukin MATAT, a ’doket nanyit ködyö gwe a ’bolot na jiŋ a naliliŋök; a nye ’bukökiŋdye welet kase loki, a tiŋdi bökur lokwe loki,

Lewi 2:10

A ŋo na pituŋdyö i ŋina ’doket na ’bolot kune ködyö gwe a ti Arona ko ŋwajik kanyit, ŋina a swöt na ŋo nake parik na rurwan na ’yuraki MATAT.

Lewi 2:3

A ŋo na pituŋdyö i ŋina ’doket na ’bolot mo gwe a ti Arona ko ŋwajik kanyit; ŋina a swöt na ŋo nake parik na rurwan na ’yuraki MATAT.

Jakaria 14:20

A i ŋilu lor a kilo kulyaesi mowurö-kine i luŋwö ti kusanjin adi, A gelwe a loke ti MATAT. A sapya ti kadi na MATAT mo gwe gwoso kalabajin nagon kitarikin i pirit ’yuret na rubaŋgajin,