Ejikele 46:16 - Bibilia Buk na Ŋun nagon koti luŋu a

¹⁶ A nan Matat ŋun kulyani adi, Ko kasaranit a ’doŋga lele lo ŋwajik kanyit ko swot lo kak nanyit lomore, a mo gwe a na ŋwajik kanyit, kogwon ŋina a kak nagon se mo rurut.

Ejikele 46:16 ပူးပေါင်းရင်းမြစ်များ

2 Dekat 21:3

A monye lose iŋge tikin lepeŋat ’dokesi temejik, nagon a pödö ko dakap se ko kunie ŋo na gworo go, se ko köjino ti Yuda nagon a gomo ko mariŋan nago; ama a lepeŋ tiŋdi Yorama tumatyan kogwon lepeŋ a ŋuro kayu.

Saumajin 37:18

MATAT deden perok ti ŋutu logon ’bak kulya, a se mo yeŋe yeŋon i lomoriot kase ŋupi.

Ejikele 45:7

A koret na kasaranit ködyö gwe i lele swot lo kak nake na rurwan nagon didiŋö ko kak nagon a na köji na ko i lele swöt, kweja adi nene kak ’dakara i swöt lo tokotyaŋ na kak nake na rurwan nagon didiŋö ko kak nagon a na köji na, a nene ’dakara i swöt lo ’yure lo ŋina kak. A jolan nan kak na kasaranit ködyö gwe jojo ko kak jin nagon a koraki gwoso i ’duŋesi ti kötumit na Yisaraele, a ŋina kak nanyit suluje i lokökorit lo gwon i swöt lo tokotyaŋ tojo ko lokökorit lo gwon i swöt lo ’yure lo jur.

Matayo 25:34

a kirut nan Mor mo kulyani ko se lo gwon köyö i swöt lo lutaten kulo adi, Po ta, ta logon Baba aje ’boroja kilo, wuji ta kido anyen ta gwon a ŋutu ti Tumatyan nagon aje tetenaki ta köju ’beron suluja i gweya na kak;

Luka 10:42

Ŋo geleŋ na ’dekarikin tuŋ. Maria aje wuluŋdyö swöt lo ’but logon mo ti ’dumaji kaŋo kanyit kwöŋ.

Galatia 4:7

Nyena do soŋinana köti tine gwon a ’dupiet, ama do gwe a ŋuro lo mede; a ko do gwe a Ŋuro lo mede, a Ŋun mo tiŋdi do i gwon a kawuyunit lo ŋo liŋ nagon a ti ŋwajik kanyit kune.