Ejikele 46:15 - Bibilia Buk na Ŋun nagon koti luŋu a

¹⁵ Nyen a kilolor, ko ’bolot nagon a ’dokesi se ko welet kodyo wukine temba i ko ’bure a rubaŋga lo ’yu ’yura ’buluŋ ŋupi.

Ejikele 46:15 ပူးပေါင်းရင်းမြစ်များ

Yuörö 29:38

Nyenagon kine a ŋo nagon do ködyö wuwukin i pirit ’yuret na rubaŋgajin loki; kweja adi do wukiŋdya yisi murek logon ko kiŋa geleŋ kulo temba i lor ŋupi ŋupi.

Yuörö 29:42

A nye ködyö gwe a rubaŋga lo ’yu ’yura ’buluŋ lo yeyeŋon i nyakwariat kasu; ŋilo rubaŋga ’yura i kötumit na kemia torumet köyö i komor nan MATAT na momori nan ko ta nyu, i jambu ko do.

Kenet 28:6

A nye gwe a rubaŋga lo ’yu ’yura ’buluŋ lo yeŋon kona, logon a saraki i mere Sinai anyen möara paleleŋ, ŋilo a rubaŋga lo ’yuraki MATAT.

Ebere 7:27

Koanejin dumalak wukiŋdya rubaŋgajin temba i lor; a kokwe a lo toronjin kase a kirut gwe a ti toronjin ti ŋutu, ama kulya ti Yesu ’bayin i koŋdya sona, kogwon lepeŋ aje koŋdya daŋ geleŋ a tine nyoggu na wukiŋdye nye mugun nanyit i tatua nu.

Ebere 9:26

kogwon ko ködyö gwon sona, a lepeŋ ködyö aje nyöggu ŋoŋga daŋin jore suluja i gweya na kak. Ama lepeŋ soŋinana aje pukun daŋ geleŋ asut i diŋit na ’dutet anyen tiŋdu mugun nanyit a rubaŋga i tutuŋgö na toronjin liŋ.