Ejikele 46:13 - Bibilia Buk na Ŋun nagon koti luŋu a

¹³ Temba i lor a do kodyo tiŋdi kilolor lo kiŋa geleŋ logon ’bak yuyuket a rubaŋga lo ’yuraki nan Matat ’buluŋ, iŋkoi, do tiŋdu kilolor temba i ko ’bure.

Ejikele 46:13 ပူးပေါင်းရင်းမြစ်များ

Saumajin 92:2

A na ’but i tuköddu na nyaŋu inot nagon ti ’duddyö kwöŋ na i ko ’bure, ko i tuköddu na kulya kunök ti to ’diri temba i tukwaje.

Yuörö 12:5

A yisi kasu ködyö gwe a mönikön ti kiŋa geleŋ logon ’bak yuyuket; a ta ködyö ’dumuŋdye se i kiden na köbilu kode i kiden na melon;

Yisaya 50:4

MATAT Ŋun aje todiŋdyö nan anyen nan böŋö kukuruŋdyö pamakiŋdya na ŋutu lo dara kulo kulyaesi togolesi. Temba i ko ’bure a nye tiŋdi swö kwe a lopi i yiŋga gwoso se logon totodinö kilo.

Lewi 12:6

A ko perok kanyit tokelesi aje temakiŋdya, kode se a ti ŋuro lulalet kode a ti ŋuro nanakwan, a nye ködyö joŋdi kilolor lo kiŋa geleŋ ko koane ni i kömit na kemia torumet a rubaŋga lo ’yu ’yura ’buluŋ, se ko tore lo luguri, kode a gure a lo rubaŋga lo toron,

Kenet 28:10

Ŋio a rubaŋga lo ’yu ’yura ’buluŋ temba i sabatajin liŋ, mora ko rubaŋga lo ’yu ’yura ’buluŋ lo yeŋon kona se ko rubaŋga ’bu ’buket logon wuki ko lepeŋ i pirit na geleŋ.

Yoane 1:29

A kotumalu Yoane meddi Yesu i po kanyit ni, a kulyani adi, Meddi ta Kilolor lo ŋun lo joŋga toronjin ti ŋutu ti na kak kapo malu!

Kweyatti 13:8

A ŋutu liŋ lo gwolor i kak ni kulo mo twoji lepeŋ, kweja adi se liŋ logon karin kase koju suluja i gweya na na kak a ko wuröki i buk na ŋutu lo gwon jörun na, nagon a buk na Kilolor lo tatua lo.