Ejikele 45:9 - Bibilia Buk na Ŋun nagon koti luŋu a

⁹ Nan MATAT ŊUN lo kulya sona adi, Ta kasarak ti Yisaraele, aje jo! Kölöki ta ŋonyan se ko ryaggu nasu ŋina, ’duŋge ta putesi gwogwo, koŋdi ta ko torigwo; kölöki ta ririkijö na ŋutu kwe i kak jin kase na kukuru, ŋilo a nan MATAT ŊUN lo jambu.

Ejikele 45:9 ပူးပေါင်းရင်းမြစ်များ

Eyobo 20:19

Kogwon nye a ryogga lomerika a kölökiŋdye se sonu, a nye aje riŋaddu kadijik nagon nye a ko ’duk kune.

Eyobo 22:9

Do a soŋdu karu ’bejin kaŋo ko könisi kana, a do ’be ’beleŋgi könisi ti kikijikö.

Yisaya 1:17

jujumbi ta koŋdya ’bura; ga ’yi ta lilija rigwo, tiŋdi ta karudak i tu gwogwo; ’duŋgeta kulya tikikijikö ’bura, juŋdye ta karu ’bejin.

Yeremia 22:3

MATAT lo kulya adi, ’Duŋge ta putesi jojo ko torigwo, lwökuŋdye ta ŋutu i konisi ti karudak logon a ryaggu se kulo. Ko koŋdya ta a naron, ko mörö ta ko ŋutu lo si ’da a lepelok, kode ko kikijikö kode ko karu ’bejin, köti an ta ko ’buköddu ta rima na mamaŋa i na pirit.

Yeremia 6:7

Toronjin lelekun a ludukö kanyit lukata, gwoso kidi logon pioŋ kanyit lelekun a ludukö; ryaggu ko tukaŋu yiŋa kanyit lukata; diŋitan liŋ nan memet twana ko ’dikasin.

Ejikele 44:6

Taki ŋutu karerenyak ti kötumit na Yisaraele adi, MATAT ŊUN lo kulya adi, Ta kötumit na Yisaraele, to ’duddye ta po kasu liŋ na mamana kine.

Ejikele 7:11

Mörö aje ’duruŋdyö ki anyen gwon a ture lo kulya narok; lele lose ’bayin logon mo pipituŋdyö, kode toro ’bo kase jore kode tukwörienjin kase, a ŋutu gwe ’bayin kase kiden logon sisira.

Ejikele 7:23

Teteŋdi toŋot, kogwon jur aje jore ko ’buggö na rima, köji aje jore ko kulya narok.

Ejikele 8:17

A lepeŋ pipije nan adi, ŋuro lo ŋuto, do aje met kine kulya? Kötumit na Yuda ŋona yeyeju adi ŋina a ŋo na pölilyö i koŋdya na ŋo na mamana i na pirit? Kilo ŋutu a tojoreju jur ko ŋonyesi a lepeŋat ’ya ’yi towoŋa nan bia parik. Mete, lepeŋat ’bo ’yu kumesikö kase ko kenia!

Amosa 5:15

Maŋdi ta kulya narok, nyaŋi ta kulya na ’but, ’duŋge ta putesi gwogwo i piriton ti putesi; kode ŋona MATAT ŊUN lo kurumi mo wowon konyen ko ŋutu lo pituŋdyö ti kötumit na Yosepa.

Amosa 5:24

Ama ti ’duŋo na putesi gwogwo konani kona parik gwoso karya lo ’bukuŋdyo kak, ko ti loti lo rigwo konani kona parik gwoso kare lo ’do ’dokon ŋupi.

Mika 2:9

Ta rikun wate ti ŋutu kwe kaŋo kase i kadijik na nyanyara, a ta riŋuŋdye bulet nio kaŋo asut i ŋwajik kase lo ’di ’dik.

Mika 6:10

Nan ŋona bubulo boŋga mu ’diŋ anyen gwon ti meddya tojore na toronjin na gwon i kadijik ti ŋutu lorok, se ko temesi mumulukesi na mamana nagon temuŋdya ku ’dik le?

Jakaria 7:9

MATAT lo kurumi lo kulya adi, ’Duŋge ta putesi rigwo, koti ŋutu liŋ ge-leŋ geleŋ kwekiŋdye ’borik nyaŋu kowon na konyen,

Jakaria 8:16

Sekine ŋo nagon ta ködyö kökon, kweja adi, Tambi ta kulya nagon a gwak kasu kiden, ko ’duŋge ta gwogwo ko ’duŋet na taliŋ kasu i rinö,

Luka 3:14

A kamörök köti pije lepeŋ adi, Yi köti ködyö koŋdya nyo? A nye waddi lepeŋat adi, An ta ko riŋuŋdya ta gurut ti lele ŋuto ko riŋit kode ko ’burönö; ama yimönöni ta ko gurut na ropaki ta.

1 Petero 4:3

Diŋit na lwöŋgu aje temakindya ta i koŋdya na ŋo nagon paganojin ’de ’dekan. Ta aje gwon i koŋdya na ŋo ti yu na kwe, ko i ’dekesi ti mugun, ko i memeri, ko i to ’betan ko yawa, ko i mömöjutu na yawa i roriot, ko i koŋdya na ŋo na mamana nagon a twöju na nyömuejin logon a ŋunyen.