Ejikele 44:30 - Bibilia Buk na Ŋun nagon koti luŋu a

³⁰ A ki-nyojin waŋesi ti kokwe ti gweyarijin liŋ ka ’de ka ’de, se ko ŋo liŋ nagon ’du-mwe i ŋo nagon ta a wukin kune ködyo gwe a ti koanejin; a ta ködyö köti tiŋdi koanejin ’bolot na rarayaka nagon a waŋesi ti kokwe, anyen ta ko midijik kasu böŋö ’bo ’boria.

Ejikele 44:30 ပူးပေါင်းရင်းမြစ်များ

2 Dekat 31:10

A Ajaria koane duma lo kotumit na Sadok waddi lepeŋ adi, Suluja i diŋit na yekuŋdye se ’dokesi i kadi na MATAT nu yi a nyesu ko a yimönö ko a pitöki jore; kogwon MATAT a ’boroja ŋutu kanyit ama yi nyuŋ gwon ko kinyo a duma logon a pitöki yi.

Yuörö 13:12

a do mo gelakiŋdye MATAT kayujin liŋ lo ŋaju pelela kilo. A kayujin liŋ logon a mönikön ti toro ’bo kulök kilo ködyö gwe a ti MATAT.

Yuörö 13:2

Gelaki nan kayujin liŋ, kweja adi se liŋ logon ŋaju pelela ko Ŋutu ti Yisaraele kiden, kode ti Ŋutu, kode ti toro ’bo, kilo a kwe.

Yuörö 22:29

Do ködyö ti jaran wukiŋdya ’dokesi i ludweki kulök lojore ko i binyo kunök najore. Do ködyö tikin nan kayu lo ŋwajik kulök lulyan.

Yuörö 23:19

Ta ködyo joŋdya kinyojin lo pera a kokwe a wapesi ti kak nasu kulo i kadi na MATAT Ŋun losu. Ta ködyö ti deŋa kilolor ko le ti ŋote.

Kenet 3:13

kogwon i ŋilu lor lo tatuje nan kayujin liŋ ti jur lo Ejipeto nu, a nan joŋgi kayujin liŋ a go kwe; kweja adi nan a gelakiŋdya mugun kayujin liŋ ti Yisaraele kode a ti ŋutu kode a ti toro ’bo; a se gwe a go kwe; nan logon a MATAT.

Roma 11:16

A ko tupet togeleŋ na ambata na nunutu a wuki Ŋun anyen gwon a nake, a ambata ’bukuluŋ gwe a nanyit nake. A ko kokori a nake a kenia köti gwe a nake.

Nyökit 18:4

A ta ködyö tiŋdi lepeŋat waŋesi ti ’bolot kasu, ko ti binyo kasu, ko ti welet nasu, ko kupir ti köbilityo na ŋera a kokwe na köbilu kunök.

Yakobo 1:18

A nye yuŋuŋdye yi gwoso na ’deggi nye na kogwon kulyaet lo to ’diri, anyen yi ködyö gwon gwoso ludweki waŋesi i ŋo liŋ na gwe nye kune.