Ejikele 43:4 - Bibilia Buk na Ŋun nagon koti luŋu a

⁴ A minyo lo MATAT lupöni i kadi nanyit tiri kötumit na diraddu i swöt lo ’yure na.

Ejikele 43:4 ပူးပေါင်းရင်းမြစ်များ

Yuörö 40:34

A kirut a luru muŋge kemia torumet, a minyo lo MATAT töjoreji kemia.

Yuörö 40:35

A Mose tine bulö lupö i lukata na kemia torumet kogwon luru lo gwon i kemia loki lo, a minyo lo MATAT töjoreji nu kemia.

Yisaya 60:1

Ŋine ki, pararakiŋdye; kogwon parara inot aje po, a bulet na MATAT aje nyerakin konut loki.

Ejikele 1:28

A parara na lolorga lepeŋ na metani gwoso görigöri i ’diko i lor lo kudu; kweja adi meta gwoso minyo lo MATAT.

Ejikele 11:23

A minyo lo MATAT ŋiörö ki i kiden na köji, a gwi ’diki i mere loki lo gwon i swöt lo ’yure na köji.

Ejikele 3:12

A kirut mulökötyo lo po ko Ŋun ’dukuŋdye nan ki, a nan yiŋge woŋon duma nagon wuŋun ko riŋit köyö i ki ’diŋ, i diŋit nagon minyo lo MATAT a pukun kaŋo kanyit i pirit gwiliŋit nu.

Ejikele 43:1

A i mukök a lepeŋ joŋgi nan i kötumit, kweja adi ŋina a kötumit nagon diraddu i swöt lo ’yure na.

Ejikele 43:2

A nan meddi minyo lo ŊUN lo Yisaraele popo i swöt lo ’yure, a woŋon na po nanyit gwe gwoso woŋon na karya jore adi wunu, a kak iŋge pararaju ko minyo lonyit.

Ejikele 44:2

A MATAT takiŋdye nan adi, Na kötumit nagon gwon kinu na ködyö yeŋon kinu, ŋuto ködyö ’bayin lo lupöri nyin; kogwon nan MATAT ŊUN lo Yisaraele aje lupöri nyin; nyenagon lepeŋ ködyö yeŋon kinu.

Ejikele 44:4

A kirut lepeŋ joŋgi nan lukata tiri kötumit na gwon i swöt lo lobot tojo i komor na kadi na MATAT; a nan boŋgi boŋga, a nan meddi minyo lo MATAT a jore i kadi na MATAT, a nan ’dorone kak rupu.