Ejikele 43:27 - Bibilia Buk na Ŋun nagon koti luŋu a

²⁷ A nagon kilo perok aje ’baka nu, a suluje i lor tobudök tojo ko ŋerot, a koanejin ködyö wukiŋdye rubaŋgajin kasu lo ’yu ’yura ’buluŋ se ko rubaŋgajin kasu ti taliŋ i loki na ŋina pirit ’yuret, a nan mo wuji ta. Kilo a kulyaesi kwe ti MATAT ŊUN.

Ejikele 43:27 ပူးပေါင်းရင်းမြစ်များ

Eyobo 42:8

Nyenagon ’dumuŋdye ta dwönin buryo ko lopijoki köbilu buryo, iti ta ko köliŋönit liŋ Eyobo yu, ko wukiŋdye ta rubaŋga lo ’yu ’yura ’buluŋ a lo toron nasu; a köliŋönit liŋ Eyobo de kwakwasakiŋdye ta, a nan de ruŋge kwakwasesi kanyit a gwe ti riŋga ta gwoso i tu ’böpön nasu; kogwon ta a ko jambu po na ’but i kulya kwe, gwoso na jambi köliŋönit liŋ Eyobo na.

Ejikele 43:26

A koanejin ködyö joŋgi perok buryo i toke ’ya na pirit ’yuret na rubaŋgajin, anyen nye lupu a nake, a se ködyö geluŋdye nye a nake na rurwan.

Ejikele 45:17

A ŋina ködyö gwe a kita na kasaranit i tiŋdu na ŋo ti rubaŋgajin lo ’yu ’yura ’buluŋ, ko ’bolot nagon a ’dokesi, se ko rubaŋgajin ’bu ’bukesi i diŋit naroriot, ko i diŋit na yapala wilo, ko i sabatajin, kweja adi i roriot liŋ lo wulwe ti kötumit na Yisaraele; iŋkoi, lepeŋ ködyö tiŋdu ŋo ti rubaŋgajin ti toron, ko ’bolot nagon a ’dokesi, ko rubaŋgajin lo ’yu ’yura ’buluŋ se ko rubaŋgajin ti taliŋ a tokelesi ti kötumit na Yisaraele.

Osea 8:13

Ma ’di se a ’duŋgö lokoriŋ a rubaŋgajin kwe, a nyesi se, nan MATAT mo ti wu se kwöŋ Nan mo yeye lyaŋesi kase, a nan mo riŋge se i toronjin kase; a se mo yitöni Ejipeto.

Lewi 17:5

Kine kulya saraki sona anyen ŋutu ti Yisaraele böŋö joŋdya rubaŋgajin kase lo ’duŋ se mu ’diŋ kulo ko MATAT ni, ko koane ni i kömit na kemia torumet, i ’duŋgö na se a rubaŋgajin ti taliŋ ti MATAT.

Lewi 3:1

A ko ŋuto a ’duŋgö rubaŋga lonyit a lo taliŋ, a ko nye a tiŋdu kiteŋ, kode a mönik, kode a nanakwan, a nye ködyö wukiŋdye lepeŋ ’bak yuyuket ko MATAT i komor.

Lewi 9:1

A ko gwe sona i lor tobudök lonyit, a Mose luŋgi Arona ko ŋwajik kanyit ko temejik ti Yisaraele;

Lewi 9:4

se ko dwöt ko lopijot logon a ti rubaŋgajin ti taliŋ, anyen ’du ’duŋö ko MATAT i komor, se ko ’doket na ’bolot na ŋola ko welet; kogwon i lo lor MATAT de pupukökin kasu.

Roma 12:1

Nyenagon luŋasirik kwe, ko-gwon Ŋun a won konyen koyi, nan mo ’yu ta anyen ta wukiŋdya lepeŋ mugunya kasu gwoso rubaŋga loke, ti gwon i tatua, ama anyen gwon jörun i tulyöŋgu na lepeŋ.Ŋina a twöju gwak nagon ködyö lupuŋdyö kasu i töilyet.

Roma 15:16

anyen nan gwon a köliŋönit lo Kristo Yesu, anyen nan kita i swöt lo ŋutu ti jurön i tokukiŋdyö na se Loŋe Lo ’but lo Ŋun. Nan gwon gwoso koane anyen wukiŋdya Ŋun ŋutu ti jurön a rubaŋga lo tulyöŋgu lepeŋ, ŋilo rubaŋga a tokela ko Mulökötyo Loke.

Epeso 1:6

Lepeŋ a kondya sona anyen yi pupurja kwelen na ’busan nanyit nagon nye a ’doggi yi kana na ko Ŋuro lonyit lo nyanyara i mugun.

Pilipoi 2:17

Ta wukiŋdya Ŋun yupet nasu gwoso rubaŋga, nyena ko ködyö rima kwe a ’yalaiki kata gwoso rubaŋga ’bu ’buket, a nan ködyö nyolani nyola ko a lyöŋi lyöŋön ko ta liŋ i pirit na geleŋ.

Ebere 13:15

Nyenagon kogwon kulya ti Yesu, ti yi ŋupi wukiŋdye Ŋun rubaŋga pupuret logon lupuŋdyö kayaŋ i kutusen i ’diŋdya na karin kanyit.

1 Petero 2:5

anyen ta ’dukö gwoso ŋurupö lo gwon jörun a kadi na Mulö kötyo, anyen ta gwon a koanejin loke, i wukiŋdya na rubaŋgajin ti töilyet kasu logon Ŋun a ruk kogwon Yesu Kristo.