Ejikele 43:20 - Bibilia Buk na Ŋun nagon koti luŋu a

²⁰ A do ködyö ’dumuŋdye kunie rima ti ŋilo dwöt, a ’bulukiŋdye i oŋgwora iŋwan ti pirit ’yuret na rubaŋgajin kulo, ko i tusesi iŋwan ti kutuk nanyit logon lolorga lepeŋ kulo; nyena a do lalaji pirit ’yuret na rubaŋgajin sona, i toke ’ya na lepeŋ.

Ejikele 43:20 ပူးပေါင်းရင်းမြစ်များ

Yuörö 29:12

A do ’dumuŋdye kunie rima ti dwöt, a do ’bulukiŋdye se i oŋgwora ti pirit ’yuret na rubaŋgajin ko morinet ilot; a do ’bukökiŋdye kunie rima na pituŋdyö kune i mukök na pirit ’yuret na rubaŋgajin.

Yuörö 29:36

Temba i lor a do ködyö tiŋdi dwöt a rubaŋga tokelet lo toron. A na tiŋdi do lu rubaŋga tokelet nu, a do gwe i toke ’ya na pirit ’yuret na rubaŋgajin, a do welakiŋdye lepeŋ i geluŋdya na lepeŋ a nake na rurwan.

Yuörö 29:37

a do toke ’yi pirit ’yuret na rubaŋgajin ko perok buryo, i geluŋdya na lepeŋ a nake na rurwan, a pirit ’yuret na rubaŋgajin ködyö gwe a nake parik na rurwan; a ŋo liŋ logon a ’bo ’yu pirit ’yuret na rubaŋgajin kulo gelwene kaŋo a loke.

Ejikele 43:14

A ŋina ködyö gwe a tojolan na pirit ’yuret na rubaŋgajin, kweja adi suluja kak i gwo ’diet tojo ko i mukök na ŋurupit lobot gwe a lokiliŋan murek ki, a tugalaŋ nanyit i tuset gwe a lokiliŋ geleŋ; a suluje i mukök na ŋurupit lobot tojo ko mukök na ŋurupit lo ’dutet gwe a lokiliŋan iŋwan ki, a tugalaŋ nanyit i tuset gwe a lokiliŋ geleŋ;

Ejikele 43:22

A i lor tomurek a do wukiŋdye lopijot meetyo logon ’bak yuyuket a lo rubaŋga lo toron; a lepeŋat ködyö lalaji pirit ’yuret na rubaŋgajin gwoso na lalaji se ko dwöt na.

Ejikele 43:26

A koanejin ködyö joŋgi perok buryo i toke ’ya na pirit ’yuret na rubaŋgajin, anyen nye lupu a nake, a se ködyö geluŋdye nye a nake na rurwan.

Ejikele 45:18

Nan MATAT ŊUN lo kulya adi, I lor geleŋ lo yapa togeleŋ, do ködyo ’dumuŋdya dwöt lo ’dit logon ’bak yuyuket anyen toke ’yi pirit nake na rurwan.

Ejikele 45:19

A koane kodyö ’dumuŋdye kunie rima nagon a ti rubaŋga lo toron, a ’bulukiŋdye se i kaden ti kötumit na kadi nio, ko i tusesi iŋwan ti pirit ’yuret na rubaŋgajin, se ko i kaden ti kotumit nagon lupörikin i ’baŋ lo lukata.

Lewi 16:18

A nye ködyö lupöni kaŋo tojo i nu pirit ’yuret na rubaŋgajin na gwon ko MATAT i komor nu a toke ’yi nu pirit ’yuret, a nye ’dumuŋdye kunie rima ti dwöt ko kunie rima ti meetyo, a sekiŋdye se i oŋgwora ti nu pirit ’yuret na rubaŋgajin i mara kanyit.

Lewi 16:19

A nye gwatakiŋdye kunie rima kanyit ko morinet lonyit daŋin buryo i loki na Ŋina pirit ’yuret, a nye toke ’yi lepeŋ a geluŋdye lepeŋ a nake i tolutesi ti ŋutu ti Yisaraele.

Lewi 4:25

a koane ködyö ’dumuŋdye ko morinet lonyit kunie rima ti lo rubaŋga lo toron, a sekiŋdye se i pogwora ti pirit ’yuret na rubaŋgajin lo ’yu ’yura ’buluŋ, a ’bukökiŋdye pitönö ti rima kanyit kune i mukök na pirit ’yuret na rubaŋgajin lo ’yu ’yura ’buluŋ.

Lewi 4:30

A koane ködyö ’dumuŋdye kunie ti kine rima ko morinet lonyit, a sekiŋdye lepeŋat i pogwora ti pirit ’yuret na rubaŋgajin lo ’yu ’yura ’buluŋ, a ’bukökiŋdye pitönö ti rima kanyit kune i mukök na pirit ’yuret na rubaŋgajin.

Lewi 4:34

a koane ködyö ’dumuŋdye kunie ti rima ti rubaŋga lo toron ko morinet lonyit, a sekiŋdye lepeŋat i pogwora ti nu pirit ’yuret na rubaŋgajin lo ’yu ’yura ’buluŋ, a ’bukökiŋdye pitönö ti rima kanyit kune i mukök na ’yuret na rubaŋga.

Lewi 8:14

A nye joŋdi dwöt a lo rubaŋga lo toron; a Arona ko ŋwajik kanyit sopakiŋdye könisi kase i kwe na dwöt lo rubaŋga lo toron lo.

Lewi 8:15

A Mose ’duŋge lepeŋ, a ’dumuŋdye rima, a sekiŋdye ko morinet lonyit i oŋgwora ti pirit ’yuret na rubaŋgajin kanyit i mara, a toke ’yi nu pirit ’yuret, a ’bukökiŋdye rima i mukök na pirit ’yuret na rubaŋgajin, a geluŋdye lepeŋ a nake na rurwan, anyen lepeŋ totokela,

Lewi 9:9

A ŋwajik ti Arona wukiŋdye lepeŋ rima, a nye sukiŋdye morinet lonyit i kine rima a sekiŋdye lepeŋat i oŋgwora ti pirit ’yuret na rubaŋgajin, a nye ’bukökiŋdye kine rima i mukök na pirit ’yuret na rubaŋgajin;