Ejikele 40:48 - Bibilia Buk na Ŋun nagon koti luŋu a

⁴⁸ A kirut lepeŋ joŋgi nan i baraŋöa na kadi na ŊUN, a tembi togwi ’diesi logon a tomoraki i ’dutesi ti goroma ti baraŋöa kulo, a gwe a lokiliŋan mukanat i lele swöt, ko lele swöt sona. A tugalaŋ na lupet na kötumit gwe a lokiliŋan puök wot iŋwan; a goroma na gwon i swöton murek ti lupet na kötumit kune gwe a lokiliŋan musala musala.

Ejikele 40:48 ပူးပေါင်းရင်းမြစ်များ

1 Moran 6:3

A kadi na MATAT gwe ko kadi najo, a ŋina kadi najo gwe ko baraŋöa, a tojolan na ŋina baraŋöa gwe jojo ko tugalaŋ na kadi nagon a lokiliŋan merya murek, a tugalaŋ nanyit i komor na kadi gwe a lokiliŋan puök.

2 Dekat 3:4

A kadi na ŋun gwe ko kadi najo, a ŋina kadi najo gwe ko baraŋöa, a tojolan na ŋina baraŋöa gwe jojo ko tugalaŋ na kadi nagon a lokiliŋan merya murek; a tojolan nanyit ki gwe a lokili ŋan mia geleŋ ko merya murek. A nye muluje lukata nanyit ko dakap nake.

Ejikele 41:24

Kine kötumitön a tetena swötön murek murek nagon wiwiŋgö.

Ejikele 41:26

A kwilisesi nagon tulöddu kaŋo a nagusulak gwe kata nagon pöjinö ti kaden ti tömur a gigiruki i swötön kase liŋ i mara ti baraŋöa.

Ejikele 41:3

A kirut lepeŋ lupöni i toŋkwet, a tembi togwi ’diesi logon a tomoraki i ’dutesi ti goroma i kötumit na ŋinu toŋkwet, a gwe a lokiliŋan murek murek. A nye tembi kötumit, a tugalaŋ nanyit gwe a lokiliŋan buker, a goroma na gwon i swötön kanyit murek kune gwe a lokiliŋan buryo buryo.