Ejikele 40:46 - Bibilia Buk na Ŋun nagon koti luŋu a

⁴⁶ A nene kadi nagon diraddu i swot lo lobot na gwe a na koanejin logon meddya kita i pirit ’yuret na rubaŋgajin; kilo koanejin a nyakwariat ti Sadok. 1 kiden na kötumit na Lewi nyakwariat ti Sadok ka ’de logon a ’buruki i mijörö nyona ko MATAT i kitakiŋdya na lepeŋ.

Ejikele 40:46 ပူးပေါင်းရင်းမြစ်များ

1 Moran 2:35

A mor tiŋdi Benaya ŋuro lo Yoyada a duma lo kamörök, i ruddya na pirit na Yöaba, a mor tiŋdi koane Sadok i ruddya na pirit na Abyatar.

Ejikele 40:17

A kirut ŋilo ŋuto joŋgi nan lukata i ’baŋ lo gwon kaŋo na kadi na ŊUN, a nan meddi kadijik na ’di ’dik ko pirit na ’du nagon a linyö ko ŋurupö lolorga ’baŋ; a kadijik na ’di ’dik merya musala gwe i loki nanyit.

Ejikele 40:38

A nene kadi na ’dit gwe kata nagon kötumit nanyit auŋdya i baraŋöa na gwon i kadi najo na gwon i kötumit na. ŋina kadi lokore na rubaŋga lo ’yu ’yura ’buluŋ lalai kata.

Ejikele 42:13

A kirut ŋilo ŋuto takiŋdye nan adi, Kine kadijik na gwon i swöt lo lobot ko na gwon i swöt lo loki komorga pirit nagon a kölöki kana a ’baŋ kune a nake na rurwan, nagon koanejin logon mijun nyona ko MATAT kulo mo nyesi rubaŋgajin loke parik lo rurwan mo ’de ’yi rubaŋgajin loke parik lo rurwan nyu, kweja adi ’doket na ’bolot, ko rubaŋga lo toron, se ko lo lyaŋan, kogwon ŋina pirit a nake na rurwan.

Ejikele 43:19

A do ködyö tiŋdi Lewijin koanejin logon a ti kötumit na Sadok logon mijun köyö nyona i kitakiŋdya na nan kulo, dwöt lo ’dit anyen wuki nan a rubaŋga lo toron. Kilo a kulyaesi kwe ti MATAT ŊUN.

Ejikele 44:15

Ama koanejin logon a Lewijin logon a nyakwariat ti Sadok, se lo tiju pirit nio nake na rurwan i diŋit na giraddi ŋutu ti Yisaraele kaŋo köyö nu; kilo ŋutu ködyö lo mijun köyö ni i kitakiŋdya na nan, a se molu gwo ’de köyö i komor anyen wukiŋdya nan lokorio nagon a welesi se ko rima. Kilo a kulyaesi kwe ti MATAT ŊUN.

Ejikele 45:4

A ŋina pirit ködyö ko-rwene a nake na rurwan na jur, a nye ködyö gwe a na koanejin lo kita i pirit nake na rurwan logon mijun nyona i kitakiŋdya na nan MATAT. Iŋkoi, ŋina pirit ködyö gwon a na kadijik kase mora ko pirit nagon kadi nake na rurwan ’duköki kata.

Ejikele 48:11

A ŋina pirit ködyö gwe a na nyakwariat ti Sadok logon a ’boroki a koanejin, logon a tiju ’debba saresi kwe kulo, a gwe a ko girara i toron gwoso na koŋdi Lewijin i diŋit na giraddi ŋutu ti Yisaraele i toron nu.

Lewi 10:3

A kirut Mose kulyani ko Arona adi, ŋina a ŋo nagon MATAT aje kulyari adi, Nan ködyö gelwe a loke lo rurwan i se logon a ŋun köyö nyona kulo, a nan ködyo bulani bula i komor na ŋutu liŋ. A Arona yiŋani taliŋ.

Lewi 6:2

Ko lele ŋuto a toroŋdya ko a ’bele-ŋgu saret lo MATAT, i mumulugga na marate lonyit i kulya ti ŋo nagon tiki lepeŋ anyen ’de ’de kune kode nagon tiki a togwoet, ko lepeŋ a koko ’ya, kode ko nye aje ru ’ya marate lonyit,

Lewi 6:6

A nye jakiŋdye koane rubaŋga lonyit lo konaki MATAT i kulya ti lyaŋan. ŋilo rubaŋ ködyö gwon a lopijot köbilityo logon ’bak yuyuket, lo dumwe i teŋa yidin kata, gwoso i kenet inot na ropet na rubaŋga i kulya ti lyaŋan;

Kenet 16:40

anyen gwon a toyeyeet i ŋutu ti Yisaraele, adi ŋuto logon a leŋe koane, kode a leŋe lo nyakwariat ti Arona, ti gwe ti mijun nyona i ’yuŋa na bökur ko MATAT i komor, an nye wora gwoso Korak ko teŋ nanyit— gwoso na kulyari MATAT ko Elejara ko Mose i kutuk nu.

Kenet 16:5

a nye kulyani ko Korak ko teŋ nanyit liŋ adi, Ko ’bure MATAT kwekwe ŋuto logon a lonyit ko logon a loke, a nye mo tomijuŋdye lepeŋ kanyit nyona; iŋkoi ŋuto logon nye a wulun lo a nye mo tomijuŋdye lepeŋ kanyit nyona.

Kenet 18:5

A ta ködyö kitani kitajin ti pirit nake na rurwan ko kitajin ti pirit ’yuret na rubaŋgajin, an woran ko pokin köti ko ŋutu ti Yisaraele loki.

Epeso 2:13

Ama soŋinana ko Kristo Yesu i mugun ta logon köju gwon pajo kilo rima ti Kristo aje jon ta nyona.