Ejikele 40:38 - Bibilia Buk na Ŋun nagon koti luŋu a

³⁸ A nene kadi na ’dit gwe kata nagon kötumit nanyit auŋdya i baraŋöa na gwon i kadi najo na gwon i kötumit na. ŋina kadi lokore na rubaŋga lo ’yu ’yura ’buluŋ lalai kata.

Ejikele 40:38 ပူးပေါင်းရင်းမြစ်များ

1 Moran 6:8

A kötumit na kadi na gwon kak na gwe i swöt lo loki lo kadi na MATAT; ŋuto bubulö kija ko kiyesi tojo ko koŋilore na gwon i kiden, a kirut i ŋina koŋilore tojo i koŋilore tomusala.

1 Dekat 28:12

A nye köti tiŋdi lepeŋ miret na ŋo liŋ nagon nye a yeyeju teteŋdya i ’bapin ti kadi na MATAT i mariŋ lukata, ko kadijik na ’di ’dik na lorga kadi na MATAT, ko kadijik ’delesi ti tukwörien na kadi na Ŋun, ko kunie ’delesi ti ŋo liagon a wuki a ’dokesi.

2 Dekat 4:6

A nye köti teteŋdi mu ’dajin lalaesi puök, a nye tiŋdi mukanat i swot lo lutaten lo kadi ko kulye mukanat i swot lo kadoŋe. A se lalaji tito nagon a kitarikin rubaŋgajin lo ’yu ’yura ’buluŋ i kilo mu ’dajin, a popo nu gwe a na koanejin anyen se lalaju kata.

Nemaya 13:5

a Eliasiba wulökiŋdye Tobia kadi duma nagon köju ’delarikin ’dokesi ti ’bolot, ko bökur, ko tito, se ko swötön topuökisi ti ’bolot, ko ti binyo, ko ti welet nagon a saraki adi ködyö a ti Lewijin, ko a ti kayolok, ko a ti katiyuk ti kötumitön, se ko koresi ti kinyojin nagon a ti koanejin.

Nemaya 13:9

A kirut nan tiŋdi saret anyen lepeŋat totoke kadijik na ’di ’dik; a iŋge toyitun tito ti kadi na Ŋun i lukata nase, se ko ’dokesi ti ’bolot ko bökur.

Yeremia 35:4

A nan joŋdi se i lukata na kadi na MATAT i kadi na ŋwajik ti Kanan ŋuro lo Yigedalia ŋuto lo Ŋun. Ŋina kadi gwon i koŋilore, i loki na kadi na Maseya ŋuro lo Salum katiyunit lo kötumit, diŋö ko kadi na temejik.

Yeremia 36:10

A kirut Baruk kenakiŋdye ŋutu liŋ kulya­esi ti Yeremia logon a wuröki i waraga na pudula kulo, i kadi na MATAT. Lepeŋ keŋdya i kadi na Gemaria ŋuro lo Sapana kawurönit na gwon i lukata na ’baŋ lo ’du, i lupet na kötumit ludukötyo na kadi na MATAT.

Ejikele 40:12

A i komor na kine kadijik na gwon i swötön murek kune gwe a goroma na ’di ’dik nagon temet nase a lokiliŋan geleŋ geleŋ i koŋa na se ko pirit wöriet. A temet na kine kadijik na gwon i swötön murek kune gwe a lokiliŋan buker buker.

Ejikele 40:17

A kirut ŋilo ŋuto joŋgi nan lukata i ’baŋ lo gwon kaŋo na kadi na ŊUN, a nan meddi kadijik na ’di ’dik ko pirit na ’du nagon a linyö ko ŋurupö lolorga ’baŋ; a kadijik na ’di ’dik merya musala gwe i loki nanyit.

Ejikele 40:44

A kirut ŋilo ŋuto joŋgi nan i ’baŋ lo gwon lukata, a nan meddi kadijik na ’di ’dik murek i lukata na ’baŋ. Nene kadi geleŋ gwon i merete lo kadi najo na gwon i kötumit na gwon i swöt lo lobot na, ŋina kadi diraddu i swöt lo loki; a nene na gwe i merete lo kadi najo na gwon i kötumit na gwon i swöt lo loki, ŋina kadi diraddu i swot lo lobot.

Ejikele 40:45

A lepeŋ takiŋdye nan adi, Na kadi nagon diraddu i swöt lo loki na a na koanejin logon meddya kita na kadi na ŊUN.

Ejikele 40:46

A nene kadi nagon diraddu i swot lo lobot na gwe a na koanejin logon meddya kita i pirit ’yuret na rubaŋgajin; kilo koanejin a nyakwariat ti Sadok. 1 kiden na kötumit na Lewi nyakwariat ti Sadok ka ’de logon a ’buruki i mijörö nyona ko MATAT i kitakiŋdya na lepeŋ.

Ejikele 42:13

A kirut ŋilo ŋuto takiŋdye nan adi, Kine kadijik na gwon i swöt lo lobot ko na gwon i swöt lo loki komorga pirit nagon a kölöki kana a ’baŋ kune a nake na rurwan, nagon koanejin logon mijun nyona ko MATAT kulo mo nyesi rubaŋgajin loke parik lo rurwan mo ’de ’yi rubaŋgajin loke parik lo rurwan nyu, kweja adi ’doket na ’bolot, ko rubaŋga lo toron, se ko lo lyaŋan, kogwon ŋina pirit a nake na rurwan.

Lewi 1:13

ama a nye lalaji monyet kanyit se ko ŋutukujin kanyit ko pioŋ. A koane ködyö wukiŋdye ŋo ’bukuluŋ, a ’yuŋe lepeŋ i pirit ’yuret na rubaŋ-gajin; ŋilo a rubaŋga lo ’yu ’yura ’buluŋ ko kimaŋ, anyen möara paleleŋ ko MATAT yu.

Lewi 1:9

ama a nye lalaji monyet se ko ŋutukujin kanyit ko pioŋ. A koane ködyö ’yuŋe ŋo ’bukuluŋ i pirit ’yuret na rubaŋgajin loki, ŋilo a rubaŋga lo ’yu ’yura ’buluŋ ko kimaŋ, anyen möara paleleŋ ko MATAT yu.

Lewi 8:21

A nye lalaji monyet ko ŋutukujin ko pioŋ, a Mose ’yuŋe lu lopijot ’bukuluŋ i pirit ’yuret na rubaŋgajin loki a rubaŋga lo ’yu ’yura ’buluŋ, anyen möara paleleŋ, a ŋo nagon ’yuraki MATAT, gwoso na saŋi MATAT Mose nu.

Ebere 10:22

nyena ti yi mijörö ta nyona ko Ŋun yu ko töilyet ti to ’diri logon ko yupet a duma, töilyet kaŋ logon deden adi yi a koŋdya toron kulo aje tokela, a mugunya kaŋ iŋge lalai ko piŋo nake adi lor.