Ejikele 38:14 - Bibilia Buk na Ŋun nagon koti luŋu a

¹⁴ Nyenagon ŋuro lo ŋuto, keŋ keju, taki Goga adi, MATAT ŊUN lo kulya adi, I lor logon ŋutu kwe Yisaraele si ’dari ’bura ’bak kujönö lu, do mo deden, ’bayin sona le?

Ejikele 38:14 ပူးပေါင်းရင်းမြစ်များ

Yeremia 23:6

A i perok kanyit a Yuda mo lwököni lwökö, a Yisaraele mo si ’dani ko taliŋ. A karin nagon luŋurikin lepeŋ kune mo gwe adi MATAT a löti lo rigwo likaŋ.

Ejikele 37:28

A jurön mo dene den adi nan MATAT a tiŋdu ŋutu ti Yisaraele i gwon a ŋutu kwe loke lomore, kogwon pirit nio nake na rurwan gwon kase kiden ŋupi.

Ejikele 38:11

A do mo kulyani adi do mo tu i mörö ko jur logon turön kanyit a ko gömö ko goroma nagon a maripan, a do mo ’dorone i ŋutu logon ti mörö, logon si ’da kata ’bura ’bak kujönö kulo, kweja adi, kilo a ŋutu logon si ’da ’bak goroma nagon a maripan a gwe ’bak kötumitön ko rigilesi kulo.

Ejikele 38:2

Ŋuro lo ŋuto, komorgi Goga kasaranit lo Rosi, ko lo Meseke, ko lo Tubala yu i jur lo Mago-ga, ko keŋ kulya narok i kulya kanyit.

Ejikele 38:8

A i mukök na perok jore a ta mo lupuni lupu i mörö; iŋkoi, a i kiŋajin ti ’dutet a ta mo lupöni i mörö ko jur logon a nyököki i gwolor nanyit na kokwe i mukök na mörö, kweja adi ŋilo a jur logon ŋutu kanyit aje po kaŋo i jurön jore a momorakiŋdye i merya ti Yisaraele logon yeŋon a rubajin ko diŋit a najo kulo. Kilo ŋutu köju a jwe kaŋo i jurön, lepeŋat liŋ soŋinana si ’dani ’bura ’bak kujönö;

Yoele 3:1

Kogwon mete, i kiden na kilu perok ko i ŋinu diŋit na nyokuŋdye nan ŋutu ti Yuda ko ti Yerusalema kaŋo i to ’dupien nu,

Jepania 3:8

Nyenagon MATAT lo kulya adi, Moŋdi ta nan. mömöŋdi ta ŋilu lor logon nan mo pije ki i tökoŋu na kulya kasu arabat lu, kogwon nan aje lilija adi nan mo lo moruŋdya jurön i pirit na geleŋ, a momoruŋdye tumatyanjin, anyen ’bukokiŋdyo lepeŋat woran nio na pape liŋ; a kak liŋ mo tume tumön ko kimaŋ na yinö nio.

Jakaria 2:5

Kogwon MATAT lo kulya adi, Nan mo gwon kanyit a mariŋ nagon a kimaŋ, a nan mo gwe a minyo kanyit kiden.

Jakaria 2:8

A MATAT lo kurumi kulyani sona i diŋit nagon nye soŋdi nan i koŋdya na kita na kukwon i kulu gweyarijin ti ŋutu logon a ryaggu ta kulu, kogwon nye logon a ’bo ’yu ta lo aje ’bo ’yu kiden na kone lonyit lo MATAT,