Ejikele 38:13 - Bibilia Buk na Ŋun nagon koti luŋu a

¹³ A ŋutu ti Seba, ko ti Dedan, se ko katu-gwörök lo gwon Tarasisa kulo, ko katujarak kase liŋ mo pipije do adi, Do po i ryaggu le? Do aje momoruŋdya tepon kunök i yekaddu na ryakat, ko i ’dokoddu na pödö ko dakap, ko i meyaddu na toro ’bo, ko i yekaddu na tito, kweja adi ta po i ryaggu na po jore, ’bayin sona le?

Ejikele 38:13 ပူးပေါင်းရင်းမြစ်များ

Saumajin 57:4

Nan a piriki i kiden na komiruöt logon wi ’yo ŋutu adi mot; kala kase a goro ko a loya, ŋedep a kase a bandujin lori.

Yisaya 10:6

Nan a soŋdu lepeŋ i möro ko jur logon ti twoju nan Ŋun, a nan yökije lepeŋ i möro ko ŋutu logon nan wowori ko se kulo, adi, Ti nye ryakaddi ko ti riŋaddi tito kase, ko ti nye ryokaddi se kak gwoso wo ’do ’do ti kikolin.

Yisaya 33:23

Nekenesi kunök-a nakölökak; se ti bulö ’depakiŋdya kudini go kanyit i pirit, kode resakiŋdya boŋgo na wuköji ’e ki ’bo. A tojore na go na ’rigwe ko na ryakwe kune mo Kökoratu; ma ’di lu bata i mokosi mo joŋga go na rigwe.

Yeremia 15:13

Nan mo titikin karyakak monoja nasu se ko tukwörien nasu ’bak ropet, i koret na jur losu ’bukuluŋ, kogwon toronjin kasu liŋ.

Yeremia 50:17

Ŋutu ti Yisaraele a köbilu na totogora nagon kömiruöt a rikörö kaŋo. A kokwe mor lo Asura lo koja lepeŋat, i mukök a Nebukadaresar mor lo Babela lo pije kuyu kase.

Yeremia 51:38

Lepeŋat mo rurumön i pirit na geleŋ gwoso kömiruöt; iŋkoi, se mo wowoŋon gwoso torela ti kömiruöt.

Ejikele 25:13

nyenagon nan MATAT ŊUN lo kulya adi, Nan mo ririörö könin lio i jur lo Edom, a mo tu ’baka ’yi ŋutu se ko kijakwa i lukata nanyit. A nan mo koŋdi lepeŋ a murwö suluja Teman ma ’di tojo ko Dedan, a se mo totokoni kak ko baŋdujin.

Ejikele 27:12

Ŋutu lo po Tarasisa po konut ni i tujaŋu kogwon tukwörien inot duma na ŋo liŋ ka ’de ka ’de; kweja adi pödö, ko witiöt, ko bödili, se ko risasi, anyen togwouŋdya ŋo kunök na tutugwörö.

Ejikele 27:15

Ŋutu ti Dedan po konut ni i tujaŋu; jurön jore lo gwon i tikönyö a piritön kunök tujaresi, a ŋutu kase iŋge jakiŋdya do kala ti tomya, se ko kaden na luŋu a pöyitiöt.

Ejikele 27:20

A ŋutu lo po Dedan poŋdi konut ni i tujaŋu joŋdya boŋgwat na peta i ki ’dirinö ti kusanjin anyen ŋutu jojo si ’daki i loki nase.

Ejikele 27:25

A ki ’bojin logon dööddu Tarasisa kulo ’dokoddi tito kunök na tutugwörö. Nyena do Turo gwon gwoso ki ’bo logon a tojore ko a sopa pömöni i kiden na tör duma na ’balaŋ.

Ejikele 32:2

ŋuro lo ŋuto, yo ’yi köli delyaet i kulya ti Paro mor lo Ejipeto, yuluki lepeŋ adi, Wöidiö do kömiru titinti i kiden na jurön! Do gwe gwoso kinyoŋ lo gwon i Supiri, a do buŋe pioŋ ko kume ilot, a do köbuŋe pioŋ ko mokosi kulök, a kököröji pioŋ ti kinasi ti Supiri.

Yoele 3:8

A nan mo tugwö-rökiŋdye ŋwajik kasu lyan se ko nawate i könisi ti ŋutu ti Yuda, a lepeŋat mo tugwörökiŋdye ŋutu ti jur lo Sabea lo gwon pajo kulu; kogwon nan MATAT aje jambu.

Jakaria 11:3

Yiŋge ta kayukuk i lulujö, kogwon minyo lose aje körö! Yiŋge ta kömiruöt i rumön, kogwon yöbu na Yardene aje körö!