Ejikele 38:12 - Bibilia Buk na Ŋun nagon koti luŋu a

¹² A do mo iti i ryaggu na toro ’bo a yekaddi se kaŋo, a do mo iti i mörö ko ŋutu logon si ’da i piritön nagon köju a rubajin ama soŋinana si ’darikin si ’darikin kune. Kweja adi do mörö ko ŋutu logon a momoruŋdya kaŋo i jurön, logon a ryeju toro ’bo ko tito, kilo a ŋutu logon si ’da i kiden na kak.

Ejikele 38:12 ပူးပေါင်းရင်းမြစ်များ

Yisaya 10:6

Nan a soŋdu lepeŋ i möro ko jur logon ti twoju nan Ŋun, a nan yökije lepeŋ i möro ko ŋutu logon nan wowori ko se kulo, adi, Ti nye ryakaddi ko ti riŋaddi tito kase, ko ti nye ryokaddi se kak gwoso wo ’do ’do ti kikolin.

Yeremia 30:16

Nyenagon ŋutu liŋ logon tutuŋgö do kilo mo tutuŋö, a merok kulök liŋ mo joŋani i to ’dupien, iŋkoi, ŋutu logon a ryaggu do kulo mo ryaryaka, ’diri, ŋutu logon kokoja do gwoso gwuruŋin kulo nan mo titin se i koa.

Ejikele 29:19

Nyenagon nan MATAT ŊUN lo kulya adi, Mete, nan titikin Nebukadaresar mor lo Babela jur lo Ejipeto, a nye mo ’dokoddi tukwörien nanyit, a köŋi nye, a ryaggi nye; a ŋina tukwörien mo roparikin ŋutu kanyit kamörök.

Ejikele 38:8

A i mukök na perok jore a ta mo lupuni lupu i mörö; iŋkoi, a i kiŋajin ti ’dutet a ta mo lupöni i mörö ko jur logon a nyököki i gwolor nanyit na kokwe i mukök na mörö, kweja adi ŋilo a jur logon ŋutu kanyit aje po kaŋo i jurön jore a momorakiŋdye i merya ti Yisaraele logon yeŋon a rubajin ko diŋit a najo kulo. Kilo ŋutu köju a jwe kaŋo i jurön, lepeŋat liŋ soŋinana si ’dani ’bura ’bak kujönö;

Amosa 1:8

A nan mo tukaŋi ŋutu lo si ’da Asedoda, se ko nye lo morga ture lo tumatyan Asekelon yu. A nan mo konakiŋdye Ekron arabat, a ŋutu ti Pelesete mo tine pituŋdyö kwoŋ. Kilo a kulyaesi kwe ti MATAT.

Jakaria 1:12

A malaikatat lo MATAT pipije adi, Pon MATAT lo kurumi, diŋit ŋornan nagon do tine won konyen ko Yerusa-lema se ko köjino ti Yuda, kogwon do aje woran ko se kilo kiŋajin merya buryo?

Jakaria 1:17

Laije koti adi, MATAT lo kurumi lo kulya adi, Kojino kwe koti mo babara-ŋdu kogwon kulya na ’but, a nan MATAT koti mo togo ’yi Siona, a mo koti wuluŋdye Yerusalema.

Jakaria 13:7

Nan MATAT lo kurumi lo kulya adi, Do baŋdu, piki ki i mörö ko kayu-kunit lio ko i marate lio. Gwutöki ŋilo kayukunit kak, a yidin kwe mo reki rekin; a nan mo gwuddye kayukuk lo ’di ’dik.

Ka’duŋök 9:37

a Gala köti kulyani adi, Meddi ŋutu i lulurun kak i kapolet na jur, ko nene teŋ köti popo i swöt lo ködini logon a ri lo ’bunuk.