Ejikele 37:28 - Bibilia Buk na Ŋun nagon koti luŋu a

²⁸ A jurön mo dene den adi nan MATAT a tiŋdu ŋutu ti Yisaraele i gwon a ŋutu kwe loke lomore, kogwon pirit nio nake na rurwan gwon kase kiden ŋupi.

Ejikele 37:28 ပူးပေါင်းရင်းမြစ်များ

Saumajin 102:15

Nyena a jurön mo kujönöni karin kunök ŋon MATAT, iŋkoi, moran liŋ ti kak mo kuku-jönö bula inot.

Saumajin 126:2

I nu diŋit a yi nyolani nyola parik, a sirani sira ko lyöŋön! Nyena a ŋutu ti jurön jambi i kulya kaŋ adi, MATAT a konakindya se ŋo dumalak.

Saumajin 79:10

Ko nyo ŋutu ti jurön ködyö jambu adi, Liya Ŋun lose? Ti yi mete met do i ropakindya na ŋutu ti jurön kogwon se a ’bukundyö rima ti köliŋönök kulök.

Yuörö 15:17

Pon MATAT, do mo tolupödöu Ŋutu kulök nyin a mo ’yutukiŋdye se i mere ilot lomore anyen raradan, i nu pirit nagon do a tetenakin mugun a si ’daet nu, iŋkoi, i nu pirit nake na rurwan nagon könisi kulök aje togwo ’ya go nu pon MATAT.

Yuörö 25:8

Ti se tetenakiŋdye nan pirit nake na rurwan, anyen nan böŋö gwon kase kiden.

Yuörö 31:13

Taki Ŋutu ti Yisaraele adi, Ta ködyö ’de ’deŋ sabatajin kwe ’bura, kogwon ŋina a kweyet i kiden nikaŋ ko ta i nyakwariat kasu liŋ, anyen böŋö dedena adi nan lo gwon a MATAT logon a geluŋdya ta kaŋo a loke lo.

Yisaya 30:19

Ta ŋutu ti Siona logön si ’da Yerusalema; ta mo ti gwien köti, Nye ’diri mo gwon kasu a ka ’buse i yiŋga na gwiesi kasu; na yiŋge nye ta nu a nye mo ruŋge ta.

Ejikele 20:12

Nan köti a tikin se sabatajin kwe, anyen gwon a kweyet nio ko se, anyen se ködyö deden adi nan MATAT lo geluŋdya se a ŋutu kwe loke.

Ejikele 36:23

A nan mo kwekiŋdye adi karin kwe nakukwön a nake na rurwan. Kine karin kwe a körö i kiden na jurön, kilo a ta lo köŋu kine karin i kiden na kilo juron. A i diŋit nagon nan mo kweji mugun a loke kogwon kulya kasu a ŋutu ti juron memeddya nu, a lepeŋat mo deŋdi adi nan logon a MATAT, ŋilo a nan MATAT ŊUN lo jambu.

Ejikele 36:36

A kirut ŋutu ti jurön logon mo kölöki kasu nyona kulo mo deŋdi adi nan MATAT aje nyöggu ’duggö piritön nagon a kökörötu, ko aje nyöggu ’yuddu meleseno nagon a murwöki. Nan MATAT aje jambu kine kulya, a nan mo kone kon se.

Ejikele 38:1

A kulyaet lo MATAT poki köyö adi,

Ejikele 38:23

Nyena a nan mo kweji todumalan nio se ko kelan nio, a nan mo tiŋdi mugun i dena ko ŋutu jore i komor. A kirut lepeŋat mo deŋdi adi nan logon a MATAT.

Ejikele 39:23

A jurön mo deŋdi adi kötumit na Yisaraele aje joŋa i to ’dupien kogwon toronjin kase, kogwon lepeŋat a dudumuja nan. Nyena a nan iŋge ’de ’ya komor nio ko lepeŋat, a ŋutukiŋdye lepeŋat i könisi ti merok kase, a lepeŋat liŋ totokoni kak ko baŋdujin.

Ejikele 39:7

A nan mo tiŋdi ŋutu kwe Yisaraele i deŋdya na karin kwe nake na rurwan, a nan mo tine kölökiŋdyö karin kwe nake na rurwan i körö köti kwöŋ, a jurön mo deŋdi adi nan logon a MATAT ŋilo Loke lo Yisaraele.

Ejikele 43:7

a ŋilo gworo takiŋdye nan adi, Ŋuro lo ŋuto, na a pirit na si ’daet nio na tumatyan, ko a pirit nio nagon nan gwogwo ’di ’e, nagon nan mo gwo-gwolorgi i kiden na ŋutu ti Yisaraele ŋupi na. A ma ’di lepeŋat kode moran kase mo köti tine köŋu karin kwe ko towutön nase se ko öpuö ti moran kase.

Ejikele 48:35

A temet na köji ’bukuluŋ gwe a lokiliŋan aliŋan puök wot budok. Nyena suluja i ŋilu lor tojo ko ŋupi, a ŋina köji mo luŋuni adi MATAT-kata-ni.

Lewi 20:8

A ta ködyö ’debbi saresi kwe lo wurö a koŋdi lepeŋat; nan logon a MATAT logon a geluŋdya ta a loke.

Lewi 21:8

A do ködyö geluŋdye lepeŋ kaŋo, kogwon nye lo wukiŋdya Ŋun losu kinyo; a nye ködyö gwe a loke kasu; kogwon nan MATAT logon a geluŋdya ta lo, nan a loke.

Lewi 26:11

A nan mo tiŋdi kemia nio kasu kiden, a nan mo tine maŋdu ta.

Jepania 3:15

MATAT aje jöŋga kaŋö ’duŋesi nagon a ’duŋöki ŋutu kulök arabat kune, nye aje rikoddu merok kulök kaŋö. MATAT logon a mor lo Yisaraele gwon konut kiden, a ŋutu kulök mo köti tine kujönö nene ŋö naron kwöŋ.

Matayo 23:17

Ta ŋutu lu ’böŋ ko a mo ’dokeno! Nan nagon lwölwöŋgu parik, dakap kode Kadi na Ŋun nagon tiŋdu dakap i gwon a nake na rurwan?

Roma 11:15

Kogwon ko ködyö paya nase a tiŋdu kak ’bukuluŋ i tomora ko Ŋun, a wuyu nase mo tiŋdi ŋutu lo twatwa kulo i gwon jörun!

1 Korinto 1:30

Ŋina a kita na Ŋun nagon ta gwon ko Kristo Yesu i mugun na. Ŋun a tiŋdu Kristo i gwon a koŋon nikao, nye a tiŋdu yi gwon rigwo kanyit i komor kogwon Kristo. Nye aje tiŋdu yi i gwon a Ŋutu kanyit loke, ko aje Iwoggu yi. Kine ŋo liŋ Ŋun a kon ko Kristo i mugun.

Epeso 5:26

Lepeŋ a koŋdya sona anyen nye böŋö lalaju se ko pioŋ se ko kulyaet lonyit a gwe a loke,

1 Tesalonike 5:23

Nyena ti Ŋun ko mugun nanyit logon taliŋ liŋ gwon ko lepeŋ lo, tiŋdi ta i gwon a loke liŋ. Ti nye gaji ta ’bura kasu i toilyet ko i kodudwolon ko i mugunya ’bak yuyuket i po na Matat likaŋ Yesu Kristo.