Ejikele 37:26 - Bibilia Buk na Ŋun nagon koti luŋu a

²⁶ A nan mo teteŋdi tomoret na taliŋ ko lepeŋat, a ŋina tomoret mo yeŋe ko lepeŋat ŋupi, a nan mo tiŋdi lepeŋat i gwolor nyu a mo tuŋdije se, a nan mo tiŋdi pirit nio nake na rurwan kase kiden ŋupi.

Ejikele 37:26 ပူးပေါင်းရင်းမြစ်များ

Suluet 17:7

A nan mo togwi ’dikiŋdye tomoret nio go i kiden nikaŋ ko do, se ko nyakwariat kulök lo gwon konut i mukök kilo i nyakwariat kase liŋ. ŋina tomoret a tomoret na yeŋ nyin, kweja adi nan mo gwon a Ŋun ilot ko a lo nyakwariat kulök konut i mukök kilo.

Suluet 9:16

A görigöri mo gwe nyu i ’dikolo, a nan mo meddi nye anyen nan böŋö yiyiuŋdyö tomoret na yeŋ nyin i kiden nio na Ŋun ko na ŋo liŋ lo gwon jörun ti gweyarijin liŋ lo gwon i kak ni kulo.

2 Samuele 23:5

’Diri kötumit nio gwon sona ko Ŋun i swöt. Kogwon lepeŋ aje milyekiŋdyö nan tomoret na yeŋ nyin, nagon jojo i po liŋ ko a gwo ’dan ŋina a lwökit nio liŋ ko a ŋo nagon nan ’de ’dekan.

Saumajin 68:18

Na tiri nye ki nu, nye nyömöddu ŋutu jore lo momo-ka, a nye iŋge wuju ’dokesi nagon ŋutu karenyak a tin lepeŋ kune. MATAT Ŋun si ’da kata.

Yuörö 15:17

Pon MATAT, do mo tolupödöu Ŋutu kulök nyin a mo ’yutukiŋdye se i mere ilot lomore anyen raradan, i nu pirit nagon do a tetenakin mugun a si ’daet nu, iŋkoi, i nu pirit nake na rurwan nagon könisi kulök aje togwo ’ya go nu pon MATAT.

Yuörö 25:8

Ti se tetenakiŋdye nan pirit nake na rurwan, anyen nan böŋö gwon kase kiden.

Yisaya 27:6

A i kilu perok lo popo kulu a kötumit na Yakobo mo ’bekoddi kokorite nanyit kak, a ŋina kötumit na Yisaraele mo turöne turö, a wile wilan, a mo töjoreji kak ko ludweki.

Yisaya 49:21

Nyena a do mo kulyani konut i töili adi, Ŋa na yugwekiŋdyö nan kulo ŋwajik? Nan a tolikiŋdyö ŋwajik a nan gwe kana, nan a lwakatyo ko a payaji, ama ŋa na wowoja kulo? Meddi, nan aje kolöki geleŋ; nyena kilo ŋwajik pukun ya?

Yisaya 55:3

Togwo ’yi ta swö kasu ko poŋdi ta köyö ni; yiŋge ta nan, anyen ta böŋö ruru; a nan mo teteŋdi tomoret na yeŋ nyin ko ta, i nyaŋu na ta ko to ’diri gwoso na nyaŋi nan Dawidi köju nu.

Yeremia 30:19

A pupuresi se ko gworolo ti kalyöŋök mo kuörö kaŋo i kine köjinö lukata. A nan mo tuŋdije kilo ŋutu, a se mo tine kakaruŋdya ku ’dik. A nan mo tiŋdi lepeŋat i bula, a se mo tine lawe.

Yeremia 31:27

Nan MATAT lo kulya adi, Perok kilo popo logon nan mo weja kötumit na Yisaraele se ko na Yuda ko nyomot logon a ŋutu se ko logon a toro ’bo.

Yeremia 31:31

Nan MATAT lo kulya adi, Perok kilo popo logon nan mo teteŋdi tomoret ludukötyo ko kötumit na Yisaraele se ko na Yuda.

Yeremia 32:40

A nan mo teteŋdi tomoret na yeŋ nyin ko se adi nan mo ti löpuköddu kaŋo i konakiŋdya na se ŋo na ’but; a nan mo tiŋdi se i kujönö na nan kase i töilyet; anyen se gwon ti löpuköddu kaŋo köyö.

Ejikele 11:16

Nyenagon kulyani adi, MATAT ŊUN lo kulya adi, Ma ’di nan a son kulu ŋutu pajo i kiden na gweyajin ti ŋutu, ma ’di nan a torekin se i jurön, ama nan a gwon kase a pirit nake na rurwan ko diŋit a na ’dit i jurön logon se a joŋa kata kulu.

Ejikele 16:60

Ama kölumbö nan mo yeye tomoret na teten nan ko do i diŋit nagon do köju nyuŋ a na ’dit nu, a nan ko do mo togwi ’dikiŋdye go tomoret na yeŋ nyin.

Ejikele 16:62

A nan mo togwi ’dikiŋdye go tomoret nio ko do, a do mo dene den adi nan logon a MATAT.

Ejikele 20:37

A nan mo keŋdi ta i lupö i goro lo tomoret ko ture lio lo kayukunit.

Ejikele 20:40

Nan MATAT Ŋun lo kulya adi, Ta kötumit na Yisaraele liŋ mo kitakiŋdya nan i jur losu i mere lio loke lo rurwan logon a mere lojo lo Yisaraele. A nan mo wuji ta nyu ko ’busan; a nan mo luŋgi ta anyen gwe-gwelakiŋdya nan ŋo kasu, ko ’dokesi kasu na nyunyumwe, se ko rubaŋgajin kasu liŋ loke.

Ejikele 34:25

A nan ko se mo teteŋdi tomoret na taliŋ; a nan mo tu ’baka ’yi gwuruŋin i jur, anyen ŋutu kwe böŋö gwolor ’bura i yöbu a dotoni ’bura i ruduö.

Ejikele 36:10

A nan mo tupöije ŋutu anyen si ’da kasu pini, kweja adi kilo a ŋutu ti kötumit na Yisaraele ’bukuluŋ. A köjinö mo si’darikin si ’darikin, a piritön nagon a rubajin kune mo nyököni ’dukö.

Ejikele 36:11

A nan mo tuŋdije ŋutu ko kijakwa kasu pini, a se mo ŋdine ŋdi jore parik, a nan mo tiŋdi ta i si ’darikin gwoso i diŋit na ’beron köju nu, a nan mo konakiŋdye ta ’bura lwölwöŋ na köju nu, a kirut ta mo deŋdi adi nan logon a MATAT.

Ejikele 36:37

Nan MATAT ŊUN lo kulya adi, Nan mo köti rurukökin kötumit na Yisaraele i pija na nan i kitakiŋdya na lepeŋat. Iŋkoi, nan mo tutuŋdi ŋutu kase gwoso teŋ na yidin.

Ejikele 43:7

a ŋilo gworo takiŋdye nan adi, Ŋuro lo ŋuto, na a pirit na si ’daet nio na tumatyan, ko a pirit nio nagon nan gwogwo ’di ’e, nagon nan mo gwo-gwolorgi i kiden na ŋutu ti Yisaraele ŋupi na. A ma ’di lepeŋat kode moran kase mo köti tine köŋu karin kwe ko towutön nase se ko öpuö ti moran kase.

Ejikele 43:9

Nyena ti se wusara towutön nase se ko öpuö ti moran kase pajo ko nan, a nan mo gwolore kase kiden ŋupi.

Ejikele 48:35

A temet na köji ’bukuluŋ gwe a lokiliŋan aliŋan puök wot budok. Nyena suluja i ŋilu lor tojo ko ŋupi, a ŋina köji mo luŋuni adi MATAT-kata-ni.

Jepania 3:15

MATAT aje jöŋga kaŋö ’duŋesi nagon a ’duŋöki ŋutu kulök arabat kune, nye aje rikoddu merok kulök kaŋö. MATAT logon a mor lo Yisaraele gwon konut kiden, a ŋutu kulök mo köti tine kujönö nene ŋö naron kwöŋ.

Jakaria 2:5

Kogwon MATAT lo kulya adi, Nan mo gwon kanyit a mariŋ nagon a kimaŋ, a nan mo gwe a minyo kanyit kiden.

Kenet 25:12

Nyenagoŋ kulyani adi, Mete nan a tikin lepeŋ tomoret nio na taliŋ;

Yoane 14:27

Taliŋ nagon po köyö na nan aje kölökin ta a ’doket. Taliŋ nagon nan titin ta na ti gwon gwoso na tiŋdi ŋutu ti na kak kulo na. Ti töilyet kasu gwe ti delya, ti se gwe ti kujönö.

2 Korinto 6:16

Kadi na Ŋun ŋona bubulö gwon a ŋo geleŋ ko nyömuejin le? Kogwon yi a kadi na Ŋun lo gwon jörun; gwoso na kulyari ŋun nu adi, Nan mo gwolor ko se, a mo wöröni ko se; a nan mo gwe a ŋun lose, a se mo gwe a ŋutu kwe.

Ebere 6:14

A lepeŋ milyeji adi, ’Diri ’diri, nan mo ’bo ’boro do, a tiŋdi do nyakwariat jore.