Ejikele 37:25 - Bibilia Buk na Ŋun nagon koti luŋu a

²⁵ A se mo gwolore i jur logon nan aje tikin köliŋönit lio Yakobo. (Ŋilo a jur logon merenyejin kasu si ’da kata lo.) A ŋutu ti Yisaraele ko ŋwajik kase se ko nyakwariat kase mo si ’dani nyu ŋupi ŋupi; a köliŋönit lio Dawidi mo gwe a kasaranit lose ŋupi.

Ejikele 37:25 ပူးပေါင်းရင်းမြစ်များ

Suluet 48:4

a kulyani ko nan adi, Nan mo titin do i yuŋwe parik a nan mo tuŋdije do, a nan mo tiŋdi do i wora a lodir lo gweyajin ti Ŋutu, a mo tiŋdi ŋilo jur i nyakwariat kulök logon popo konut i mukök kilo a lomore lose ŋupi ŋupi.

2 Samuele 7:13

A nye mo ’duŋge kadi kogwon karin kwe, a nan mo togwo ’yi si ’daet na tumatyan nanyit go ŋupi ŋupi.

2 Samuele 7:16

A kotumit inot ko tumatyan inot mo yeŋe go ŋupi ŋupi koyo i komor; a si ’daet na tumatyan inot mo togwi ’dikine go ŋupi ŋupi.

Yisaya 11:1

A kene mo wilu i kumut na Yisai, a kene mo ŋunu kaŋo i kokori kanyit.

Yisaya 30:19

Ta ŋutu ti Siona logön si ’da Yerusalema; ta mo ti gwien köti, Nye ’diri mo gwon kasu a ka ’buse i yiŋga na gwiesi kasu; na yiŋge nye ta nu a nye mo ruŋge ta.

Yisaya 55:4

Mete, nan köju a tiridu lepeŋ i gwon a katokuönit i gweyajin ti ŋutu, ko a kanyömönit ko a kasaranit lo gweyajin ti ŋutu.

Yisaya 60:21

A ŋutu kulök liŋ koti mo gwe a lo rigwo; a se i riŋ morgi jur ŋupi, kilo logon a kene ria wilun nagon nan a ’yutukin kak, ko a kita na könisi kwe, anyen nan böŋö bubula.

Yisaya 66:22

Nan MATAT lo kulya adi, Gwoso nagon ki ludukötyo ko kak ludukötyo nagon nan mo gwegwe kune mo yeyeŋon köyö i komor, nyena a nyakwariat kasu ko karin kasu mo yeŋe yeŋon ŋupi.

Yeremia 30:3

Kogwon mete, nan MATAT lo kulya adi, Perok mo popo logon nan mo nyökuŋdye ŋutu kwe Yisaraele se ko Yuda bot i to ’dupien, a nan mo toyituŋdye se i jur logon nan köju aje tin merenyejin kase lo, a se mo ruddye lepeŋ. ŋilo a nan MATAT lo jambu.

Yeremia 30:9

Ama a se mo kitakiŋdye nan MATAT Ŋun lose se ko Dawidi mor lose logon mo titiki kase ŋerot lo.

Yeremia 31:24

A ŋutu ti Yuda ko ti köjinö kase liŋ mo si ’dani nyu i pirit na geleŋ, mora ko kakuruk se ko ŋutu lo meyaddu yidin kase.

Yeremia 32:39

A nan mo tiŋdi se töili geleŋ ko kiko geleŋ anyen se böŋö kukujönö nan ŋupi, anyen gwon a na ’but kase ko i nyakwariat kase.

Yeremia 32:41

A nan mo lyöŋi lyöŋön i konakiŋdya na se ’bura, a nan ’diri mo ’deke ’dekan i ’yuddu na se i lo jur ko töili lio liŋ se ko ködudwö nio liŋ.

Ejikele 28:25

Nan MATAT ŊUN lo kulya adi, I diŋit na pepenuŋdye nan kötumit na Yisaraele i gweyajin ti ŋutu logon lepeŋat a tore aji kata kulu nu, a nan mo kwekiŋdye kelan nio kase kiden a ŋutu ti jurön memeddya, a kirut lepeŋat mo si ’dani i jur lose logon nan köju a tikin köliŋönit lio Yakobo lu.

Ejikele 34:24

A nan MATAT mo gwe a ŊUN lose, a koliŋonit lio Dawidi mo gwe a kasaranit kase kiden. Nan MATAT aje jambu.

Ejikele 36:28

A ta mo gwolore i jur logon nan aje tikin merenyejin kasu lu, a ta mo gwe a ŋutu kwe, a nan mo gwe a ŊUN losu.

Ejikele 37:21

A kirut kulyani ko lepeŋat adi, MATAT ŊUN lo kulya adi, Mete ta, nan mo jojon ŋutu ti Yisaraele kaŋo i jurön logon lepeŋat aje tu kata kulu, a nan mo momoruŋdye lepeŋat i swötön liŋ, a nan mo nyökuŋdye lepeŋat i jur lose.

Ejikele 37:24

A köliŋönit lio Dawidi mo lo gwe a mor lose, a se liŋ mo gwe ko kayukunit geleŋ. A se mo kebbi jujuwesi kwe, a tirikuni ’debba saresi kwe lo wurö.

Ejikele 37:26

A nan mo teteŋdi tomoret na taliŋ ko lepeŋat, a ŋina tomoret mo yeŋe ko lepeŋat ŋupi, a nan mo tiŋdi lepeŋat i gwolor nyu a mo tuŋdije se, a nan mo tiŋdi pirit nio nake na rurwan kase kiden ŋupi.

Ejikele 44:3

Ake kasaranit tuŋ ködyö bubulö si ’da kata i nyesu na kinyo köyö i komor nan MATAT; lepeŋ bubulö lupöri baraŋöa na gwon i kadi najo na gwon i kötumit na, a yitöri kiko lo geleŋ.

Yoele 3:20

Ama a Yuda mo si ’darikin si’darikin ŋupi, a nyakwariat liŋ mo si ’dani Yeru-salema.

Amosa 9:15

A nan mo nyöggi ’yuddu lepepat kase i jur, a lepepat mo köti tine gwunye kaŋo kwön i jur logon nan aje tikin lepeŋat lo. Kilo a kulyaesi kwe ti MATAT Ŋun losu.

Jakaria 10:7

A ŋutu ti Epuraima mo gwe gwoso walan dumalak, a töilyet kase mo lyöŋi lyöŋön gwoso nagon se a waŋgu binyo. A ŋwajik kase mo meddi meddya a lyöŋi lyöŋön, a töilyet kase mo nyolani nyola ko nan MATAT.

Jakaria 14:11

A se mo si ’dani lukata, kogwon tukaret mo tine gwon köti; ama a Yerusalema mo gwolore taliŋ.

Jakaria 8:8

a nan mo joŋdi se, a se mo gwolore i kiden na Yerusalema; a se mo gwe a ŋutu kwe a nan mo gwe a ŋun lose i to ’diri ko i löti lo rigwo.

Yoane 12:34

A lodir lo ŋutu waddi lepeŋ adi, Yi aje yiŋ i Saresi ti Mose adi, Masia yeyeŋon ŋupi. Nyo do jambu adi, Ŋuro lo ŋuto agu ködyö ’bi ’biliki ki? Ŋilo Ŋuro lo ŋuto a ŋa?

Ebere 7:2

Nyena a Abarayama tiŋdi lepeŋ swot topuökit na ŋo liŋ na ryakwe i gor kune. Togeleŋ, karin ti Melekisedek nyönyökö adi, mor lo loti lo rigwo, koti lepeŋ a mor lo Salem, logon nyönyökö adi, mor lo taliŋ.

Ebere 7:21

Ama Yesu a kona a koane ko milye logon adi, Nan Matat a milyeju nan mo ti lopuggo, adi, Do a koane lo yeŋ nyin.