Ejikele 37:24 - Bibilia Buk na Ŋun nagon koti luŋu a

²⁴ A köliŋönit lio Dawidi mo lo gwe a mor lose, a se liŋ mo gwe ko kayukunit geleŋ. A se mo kebbi jujuwesi kwe, a tirikuni ’debba saresi kwe lo wurö.

Ejikele 37:24 ပူးပေါင်းရင်းမြစ်များ

Saumajin 80:1

Pon Kayukunit lo Yisaraele, tindi swö i yiŋga, do logon meyaddu kötumit na Yosepa gwoso teŋ na toro ’bo, yiŋge yi; do logon si ’da i kerubajin loki lo,

Tolupesi 9:6

Kölöki ŋuto lu ’boŋ, a do mo gwolore gwolor, ko woroni i kiko lo kurundyö na kulya.

Katokuönit 12:11

Tamesi ti ŋutu lokoŋ a lopi gwoso loya, ko gwoso musumar logon a ’bikiki go. Kilo a jamesi logon a pepena lo jam kayukunit geleŋ.

Yisaya 32:1

Mete, a mor mo tumatyane ko löti lo rigwo, a kimak mo ’saŋi ko saret lo rigwo.

Yisaya 40:11

Nye mo yukuddu teŋ nanyit gwoso kayukunit lo yidin, a nye mo tutunuŋdye yisi kanyit i könisi, nye mo ’dokoddi lepeŋat kanyit i kido, nye mo meyaddi katunökök madaŋ madaŋ.

Yeremia 23:5

Nan MATAT lo kulya adi, Mete, perok molu popo logon nan mo towiluŋdye Kene na löti lo rigwo i kumut na Dawidi, a ŋina Kene mo gwe a mor logon saŋu ko koŋon, a mo ’duŋge putesi jojo, a mo koŋdi kulya na rigwo i jur.

Yeremia 30:21

A matat lose mo gwe a ŋuto lose, iŋkoi, a lele lose mo puku i saŋuna se. A nan mo tiŋdi lepeŋ i mijun köyö nyona, a nye mo poŋdi köyö nyona, ko ’bayin sona, a ŋa logon papakanyit pukun i kalet no kiŋdya ru nanyit i po köyö nyona? ŋilo a nan MATAT lo pija.

Yeremia 30:9

Ama a se mo kitakiŋdye nan MATAT Ŋun lose se ko Dawidi mor lose logon mo titiki kase ŋerot lo.

Yeremia 31:33

Nan MATAT lo kulya adi, Na a tomoret nagon nan mo teten ko kötumit na Yisaraele i mukök na kilo perok, kweja adi, Nan mo titin saresi kwe ko lepeŋat lukata, iŋkoi, nan mo wuwurökin se kase i töilyet; a nan mo gwe a ŋun lose, a se mo gwe a ŋutu kwe.

Yeremia 32:39

A nan mo tiŋdi se töili geleŋ ko kiko geleŋ anyen se böŋö kukujönö nan ŋupi, anyen gwon a na ’but kase ko i nyakwariat kase.

Yeremia 33:22

A nan mo tupöije nyakwariat ti Dawidi köliŋönit lio se ko koanejin Lewijin logon kitakiŋdya nan kilo anyen se gwon jore gwoso kaser ti ki logon ti bulö kena kulo, ko gwoso sese nagon ti bulö tema na gwon i kijit na tör na.

Ejikele 20:40

Nan MATAT Ŋun lo kulya adi, Ta kötumit na Yisaraele liŋ mo kitakiŋdya nan i jur losu i mere lio loke lo rurwan logon a mere lojo lo Yisaraele. A nan mo wuji ta nyu ko ’busan; a nan mo luŋgi ta anyen gwe-gwelakiŋdya nan ŋo kasu, ko ’dokesi kasu na nyunyumwe, se ko rubaŋgajin kasu liŋ loke.

Ejikele 21:27

Söpuket! Sopuket! Nan mo kökon söpuket a duma nagon köju a ko gwon sona, tojo kasaranit a po logon ŋo liŋ a kanyit lo, a nan mo tiŋdi lepeŋ kine ŋo liŋ.

Ejikele 36:27

a nan mo tiŋdi mulökötyo lio kasu i mugunya, a nan mo tiŋdi ta i wörö köyö i saresi lo wurö kulo, ko i tiriku i ’debba na jujuwesi kwe.

Ejikele 37:22

A nan mo koŋdi se a jur geleŋ i kak nase i merya ti Yisaraele, a lepeŋat liŋ mo gwe ko mor geleŋ; a lepeŋat köti mo tine gwon a jurön murek, kode kora a tumatyanjin murek.

Ejikele 37:25

A se mo gwolore i jur logon nan aje tikin köliŋönit lio Yakobo. (Ŋilo a jur logon merenyejin kasu si ’da kata lo.) A ŋutu ti Yisaraele ko ŋwajik kase se ko nyakwariat kase mo si ’dani nyu ŋupi ŋupi; a köliŋönit lio Dawidi mo gwe a kasaranit lose ŋupi.

Ejikele 45:7

A koret na kasaranit ködyö gwe i lele swot lo kak nake na rurwan nagon didiŋö ko kak nagon a na köji na ko i lele swöt, kweja adi nene kak ’dakara i swöt lo tokotyaŋ na kak nake na rurwan nagon didiŋö ko kak nagon a na köji na, a nene ’dakara i swöt lo ’yure lo ŋina kak. A jolan nan kak na kasaranit ködyö gwe jojo ko kak jin nagon a koraki gwoso i ’duŋesi ti kötumit na Yisaraele, a ŋina kak nanyit suluje i lokökorit lo gwon i swöt lo tokotyaŋ tojo ko lokökorit lo gwon i swöt lo ’yure lo jur.

Osea 3:5

A i mukok a ŋutu ti Yisaraele mo yitwene i ga ’yu na MATAT Ŋun lose se ko Dawidi mor lose; a se mo ŋoŋdi ko Matai ni bobonuŋdyo yinuŋdyo kulya kanyit na ’but ti molu nu.

Mika 5:2

Ama ta ŋutu ti Beteleme na gwon i jur lo Eparata, ma ’di kodyo kotumit nasu a na ’dit i kiden na kotumiton ti Yuda, ama lele ŋuto mo pupukun kasu kiden a lio logon a kasaranit lo Yisaraele, logon pipiluŋdya ’beron koju nu, i perok ti ’beron kulu.

Mika 5:4

A nye mo gwo ’de gwo ’dan ko riŋit na MATAT i yuggu na yidin kanyit, i todumalan na karin ti MATAT Ŋun lonyit. A se mo si ’dani ’bak kujono, kogwon riŋit nanyit aje yegga tojo ko ’dutesi ti kak;

Jakaria 13:7

Nan MATAT lo kurumi lo kulya adi, Do baŋdu, piki ki i mörö ko kayu-kunit lio ko i marate lio. Gwutöki ŋilo kayukunit kak, a yidin kwe mo reki rekin; a nan mo gwuddye kayukuk lo ’di ’dik.

Luka 1:32

a nye mo gwe a duma, a nye mo luguni a ŋuro lo Katoŋanit lo ki liŋ, a MATAT Ŋun mo tiŋdi lepeŋ si ’daet na tumatyan na merenye lonyit Dawidi.

Yoane 10:11

Nan a kayukunit lo ’but. Kayukunit lo ’but pakiŋdya ru nanyit kogwon yidin kanyit.

1 Korinto 11:2

Nan pupurja ta kogwon ta ŋupi yeye nan, a ta ’depakiŋdye i saresi logon yeŋon a keri logon nan aje todinikin ta kilo.

Epeso 2:10

Kogwon yi a tobodwan nanyit; yi a gweki ko Kristo Yesu i mugun anyen koŋdya konesi na ’but nagon Ŋun a tetenakin a kokwe kunu, anyen yi böŋö wörö kata.

Nyökit 30:6

a MATAT Ŋun losu mo taweŋi ’böriköt na muggö töilyet kasu ko töilyet ti ŋwajik kasu, anyen ta böŋö mo nyaŋu MATAT Ŋun losu ko töilyet kasu liŋ se ko ködu dwölön kasu liŋ anyen ta böŋö gwon jörun.

Nyökit 6:1

A kilo gwe a todinesi, ko saresi lo wurö, ko kulya na ’duŋö nagoŋ MATAT ŋun losu a saŋi nan i todini-kiŋdyö na ta, anyen ta boŋo koŋdya se i lu jur logon ta mo laŋaddu kata i morga na lepeŋ lu;

Ebere 13:20

Ŋun a toŋiju Matat likaŋ Yesu i twan, logon a kayukunit duma lo yidin kogwon ’bukwe na rima kanyit i tomoret nagon Ŋun a torukökin koyi ko milye lo yeŋ nyin.

1 Petero 5:4

A na pukuŋdye Kayukunit duma nu, a ta mo wuji Iŋguya telet logon a bulet lo ti riŋön.

1 Yoane 2:6

ŋuto logon kulya adi nye gwon ko Ŋun i mugun lo a ti nye ködyö wöröni gwoso na wöröri Kristo na.