Ejikele 37:21 - Bibilia Buk na Ŋun nagon koti luŋu a

²¹ A kirut kulyani ko lepeŋat adi, MATAT ŊUN lo kulya adi, Mete ta, nan mo jojon ŋutu ti Yisaraele kaŋo i jurön logon lepeŋat aje tu kata kulu, a nan mo momoruŋdye lepeŋat i swötön liŋ, a nan mo nyökuŋdye lepeŋat i jur lose.

Ejikele 37:21 ပူးပေါင်းရင်းမြစ်များ

Yisaya 49:12

Meddi, kulye ŋutu mo popo pajo, ko meddi, kulye mo i swöt lo lobot ko i tokotyaŋ, ko kulye köti i jur lo Sinim.

Yeremia 16:15

ama a se mo milyeji adi, ’Diri ’diri gwoso na gwoŋdi MATAT na loron a joŋdya ŋutu ti Yisaraele kaŋo i jur lo lobot se ko i jurön liŋ loron nye a riköddi lepeŋat kata kulu. Kogwon nan mo nyönyökun lepeŋat bot i jur lose loron nan köju a tikin merenyejin kase lu.

Yeremia 23:3

a kirut nan ko mugun nio mo tutuŋdye pitönö ti teŋ na köbilu kwe i jurön liŋ logon nan köju a rikoddi se kata kulu, a nan mo nyökuŋdye se kase i ŋoro, a se mo rade radan, a mo ŋdine ŋdi.

Yeremia 23:8

ama a se mo milyeji adi, ’Diri ’diri gwoso na gwoŋdi MATAT na logon a joŋdya ko a nyömuŋdyö nyakwariat ti Yisaraele kaŋo i jur lo lobot, se ko i jurön liŋ logon nye a riköddu lepeŋat kata kulu. A se mo köti si ’dani i jur lose.

Yeremia 29:14

Nan MATAT lo kulya adi, Iŋkoi, ta mo ryöryö nan, a nan mo löpuköddi to ’dupien nasu kaŋo, a nan mo pepenuŋdye ta i jurön liŋ ko i piritön liŋ nagon nan aje riköddu ta kata kunu, a nan mo nyökuŋdye ta bot i nu pirit nagon nan köju a tin ta i momoka kata a ’dupi nu, ŋilo a nan MATAT lo jambu.

Yeremia 30:10

Do Yakobo köliŋönit lio, an do ko kujönö, iŋkoi, do Yisaraele, an do ko delya, ŋilo a nan MATAT lo jambu.Kogwon nan mo lwölwökun do pajo nyu, iŋkoi, nan mo lwölwökun nyakwa­riat kulök i jur lo gwoŋdi se a ’dupi lu. Kötumit inot na Yakobo mo yiyitwe, a mo si ’dani ’bura ko taliŋ, a lele ŋuto mo gwe ’bayin lo tokujöŋdu se.

Yeremia 30:18

Nan MATAT lo kulya adi, Mete, nan mo nyönyökökin kötu­mit na Yakobo kadijik kase, iŋkoi, nan mo wowon konyen ko piritön kase si ’daesi, a köjinö mo nyököni ’dukö kase i sudiet, iŋkoi, kadijik temejik mo nyökö ’dukö kase i piritön ti köju kunu.

Yeremia 30:3

Kogwon mete, nan MATAT lo kulya adi, Perok mo popo logon nan mo nyökuŋdye ŋutu kwe Yisaraele se ko Yuda bot i to ’dupien, a nan mo toyituŋdye se i jur logon nan köju aje tin merenyejin kase lo, a se mo ruddye lepeŋ. ŋilo a nan MATAT lo jambu.

Yeremia 31:16

MATAT lo kulya adi, Kö ’yi lulujö, seji ŋolitan kaŋo konut i konyen; kogwon kita inot mo roropa, a ŋwajik kulök mo poŋdi kaŋo i jur lo merok, ŋilo a MATAT lo jambu.

Yeremia 31:17

Nan MATAT lo kulya adi, Do mo yeyeŋdu ŋo ti ŋerot, a ŋwajik kulök mo yitwene bot kase i jur.

Yeremia 32:37

Mete, nan mo pepenun lepeŋat i jurön liŋ logon nan a riköddu se kata ko ŋoma ko yulön se ko woran duma kulu; a nan mo nyökuŋdye se bot i na pirit, a nan mo tiŋdi se i gwolor ’bura ’bak nene ŋo.

Yeremia 33:11

Nyena gworolo ti lyöŋön, ko ti nyola, ko ti kayemak, ko ti se na yeyema kune mo köti yiyipa i na pirit; iŋkoi, gworolo ti ŋutu lo joŋdya rubaŋgajin ti tinate i kadi nio na MATAT kulo yoyolo adi, Tiŋdi ta MATAT lo kurumi tinate, kogwon MATAT a lo ’but, kogwon nyaŋu nanyit yeyeŋon ŋupi. Kogwon nan mo nyökuŋdyö kulya ti lo jur gwoso na kokwe nu, ŋilo a nan MATAT lo jambu.

Yeremia 33:7

A nan mo nyökuŋdye kötumit na Yuda ko na Yisaraele bot, a mo nyöggi gweuŋdya se ki gwoso na kokwe nu.

Yeremia 50:19

A nan mo nyökuŋdye ŋutu ti Yisaraele kase i pirit yukit, a se mo nyesi nyesu i mere Karmela ko i jur lo Basan, iŋkoi, a se mo nyesi nyesu a yimönö i merya ti Epuraima ko i jur lo Gilada.

Ejikele 34:13

A nan mo joŋdi lepeŋat kaŋo i gweyajin ti ŋutu, a nan mo pepenuŋdye lepeŋat i jurön, a nan mo toyituŋdye lepeŋat i lukata na jur lose; a nan mo tunyeji lepeŋat i loki na merya ti Yisaraele nyona ko karya ko i piritön liŋ ti jur nagon sisi ’darikin kune.

Ejikele 36:10

A nan mo tupöije ŋutu anyen si ’da kasu pini, kweja adi kilo a ŋutu ti kötumit na Yisaraele ’bukuluŋ. A köjinö mo si’darikin si ’darikin, a piritön nagon a rubajin kune mo nyököni ’dukö.

Ejikele 36:24

a nan mo joŋdi ta kaŋo i jurön, a pepenuŋdye ta kaŋo i jurön liŋ, a nyökuŋdye ta kasu i jur.

Ejikele 37:20

A turya lo wur do kulo mo gwe konut i könin anyen lepeŋat memet.

Ejikele 38:8

A i mukök na perok jore a ta mo lupuni lupu i mörö; iŋkoi, a i kiŋajin ti ’dutet a ta mo lupöni i mörö ko jur logon a nyököki i gwolor nanyit na kokwe i mukök na mörö, kweja adi ŋilo a jur logon ŋutu kanyit aje po kaŋo i jurön jore a momorakiŋdye i merya ti Yisaraele logon yeŋon a rubajin ko diŋit a najo kulo. Kilo ŋutu köju a jwe kaŋo i jurön, lepeŋat liŋ soŋinana si ’dani ’bura ’bak kujönö;

Ejikele 39:25

Nyenagon nan MATAT ŊUN lo kulya adi, Soŋinana nan de nyönyökun ŋutu ti Yakobo bot i to ’dupien, iŋkoi, nan wowon konyen ko kötumit na Yisaraele ’bukuluŋ; a nan mo yinöni kogwon karin kwe nake na rurwan.

Ejikele 39:27

A i diŋit na momoruŋdye nan se kaŋo i jurön ti merok kase, i kiden na gweyajin ti ŋutu a joŋdi se mede nu, a nan mo kweji mugun a loke kogwon kulya kase a jurön jore memeddya.

Ejikele 39:28

A lepeŋat mo deŋdi adi nan logon a MATAT ŊUN lose, kogwon nan köju a son lepeŋat i to ’dupien i kiden na jurön, a nan mo nyökuŋdye se bot i pirit na geleŋ kase i jur lomore. A nan mo tine pitökin lele lose bot kwöŋ i kiden na jurön.

Osea 1:11

A ŋutu ti Yuda ko ti Yisaraele mo momori i ŋirit na geleŋ, a se mo wulokiŋdye ’borik duma lose geleŋ; a se mo puputuru ŋerot ’bura i jur, kogwon molu gwon a lor duma lo Yejerele.

Mika 4:6

Nan MATAT lo kulya adi, I ŋilu lor nan mo tutun ŋutu lo bata kulo i pirit na geleŋ, a nan mo momoruŋdye ŋutu i pirit na geleŋ logon aje riköji kaŋo, se ko ŋutu logon nan a sasan kulo.

Naum 2:2

(Kogwon MATAT mo nyonyo-kökin todumalan na Yakobo bot jojo ko todumalan na Yisaraele, kogwon karyakak a ryaggu se, a iŋge kor kenia kase.)

Jepania 3:20

I ŋinu diŋit a nan mo momoruŋdye ta a joŋdi ta mede, a nan mo tiŋdi ta i pupura ko i kono i kiden na gweyajin lio ti ŋutu ti kak, i diŋit nagon nan nyökuŋdye ta bot i to ’dupien nu, a ta mo mete met kine kulya. Kilo a kulyaesi kwe ti MATAT.