Ejikele 37:19 - Bibilia Buk na Ŋun nagon koti luŋu a

¹⁹ taki lepeŋat adi, MATAT ŊUN lo kulya adi, Mete ta, nan ’du ’dumun ture logon a lo Yosepa ko a lo kötumitön ti Yisaraele logon mora ko lepeŋ kulo (ŋilo ture Epuraima lo ’debba), a nan tomorakiŋdye ture lo Yuda i lepeŋ, a kilo turya murek mo gwe a ture geleŋ köyö i könin.

Ejikele 37:19 ပူးပေါင်းရင်းမြစ်များ

Yeremia 3:18

A i kilu perok a kötumit na Yuda molu morakiŋdye i kötumit na Yisaraele, a lepeŋat liŋ mo poŋdi kaŋo i jur lo lobot tojo i jur logon nan aje tikin merenyejin kasu a lomore lo.

Ejikele 37:18

A nagon ŋutu kasu pija do anyen kwekiŋdya se ko ŋina ŋo kweja nyo nu,

Ejikele 37:20

A turya lo wur do kulo mo gwe konut i könin anyen lepeŋat memet.

Jakaria 10:6

A nan mo togo ’yi kötumit na Yuda, a nan mo tiŋdi kötumit na Yosepa a katelak. A nan mo toyituŋdye se kogwon nan a won konyen ko se, a se mo gwe gwoso nagon nan a ko pa se; kogwon nan a MATAT ŋun lose a nan mo yiŋge se.

Kolosai 3:11

Nyena ko ŋina kwe tuka ’de gwe ’bayin i kiden na Giriki ko na Yudayaki, kode i kiden na ŋutu logon a tawero ko na logon a ko tawero, iŋkoi, lwaka ko ŋutu logon a ko todinö, ko ’dupi ko lui, liŋ gwon jojo, kweja adi Kristo lo gwon a ŋo liŋ, köti nye lo gwon i ŋo liŋ.