Ejikele 37:14 - Bibilia Buk na Ŋun nagon koti luŋu a

¹⁴ A nan mo tiŋdi mulökötyo lio kasu i mugunya, a ta mo gwe jörun, a nan mo tiŋdi ta i jur losu; a kirut ta mo deŋdi adi nan MATAT aje jambu kine kulya a nan mo kone kon se. Kilo a kulyaesi kwe ti MATAT.

Ejikele 37:14 ပူးပေါင်းရင်းမြစ်များ

Yisaya 32:15

tojo ko Mulökötyo mo a ’buköki yi ki yu, a yöbu naron mo worani a melesen, na raradan, a melesen nagon köju raradan na mo luguni a rudu tuŋ.

Ejikele 11:19

a nan mo tiŋdi se töilyet logon ka ’de, a nan mo tiŋdi se yeyeesi ludukö kase i mugunya, a nan mo ’dumaddi kaŋo töilyet iŋgo gwoso ŋurupö kase i mugunya a tiŋdi se töilyet ti mugunya,

Ejikele 17:24

A kaden liŋ ti mu ’diŋ mo dene den adi nan MATAT nyönyokun ködini lojo ki kak, a to ’duŋe ködini lorutut a lojo ki, a toliliŋge ködini lodon, a tiŋdi ködini loteyon i wilan. Nan MATAT aje jambu kine kulya, a nan mo kone kon se.

Ejikele 22:14

Töilyet ti ŋutu kulök ŋona mo yeŋon a purwat i lor logon nan mo tu i meddya na kulya kasu lu? Könisi kase ŋona mo yeŋon a iŋgo le? Nan MATAT aje jambu, a, nan mo kone kon.

Ejikele 36:27

a nan mo tiŋdi mulökötyo lio kasu i mugunya, a nan mo tiŋdi ta i wörö köyö i saresi lo wurö kulo, ko i tiriku i ’debba na jujuwesi kwe.

Ejikele 36:36

A kirut ŋutu ti jurön logon mo kölöki kasu nyona kulo mo deŋdi adi nan MATAT aje nyöggu ’duggö piritön nagon a kökörötu, ko aje nyöggu ’yuddu meleseno nagon a murwöki. Nan MATAT aje jambu kine kulya, a nan mo kone kon se.

Ejikele 37:13

Ta ŋutu kwe, ta mo deden adi nan logon a MATAT i diŋit na ŋaji nan gulömö kasu a toŋiuŋdye ta kaŋo kasu i gulömö nu.

Ejikele 37:15

A kulyaet lo MATAT poki köyö adi,

Ejikele 37:6

A nan mo to ’depakiŋdye ta murilö, a lokore na mugun mo juuŋdye juuŋdya kasu, a nan mo muŋge ŋina lokore ko ’böriköt, a tiŋdi köbuŋöt kasu i mugunya anyen ta yuyukan, a ta mo gwe jörun; a ta mo deŋdi adi nan logon a MATAT.

Ejikele 37:9

A kirut lepeŋ takiŋdye nan adi, Do ŋuro lo ŋuto, keŋ keju i kulya ti köbuŋöt, taki lepeŋ adi, MATAT ŊUN lo kulya adi, Do köbuŋöt, wukuŋdye i swötön iŋwan ti kak, lupökine i kilo lo tatua anyen se köti gwon jörun.

Ejikele 39:29

A nan köti kwöŋ mo tine ’de ’ya komor nio ko lepeŋat, kogwon nan a ’bukökiŋdyö mulökötyo lio i kötumit na Yisaraele. Kilo a kulyaesi kwe ti MATAT ŊUN.

Jakaria 12:10

A nan mo ’bukökiŋdye mulökotyo lo ’busan ko lo momolesi i kötumit na Dawidi ko ŋutu lo si ’da Yerusalema kulo, anyen na meddi se nye logon se a rem lo, a se mo gwine lepeŋ gwoso ŋuto logon gwi nuro lonyit lo geleŋ, a mo gwine parik tolikisien kanyit loki, gwoso ŋuto logon gwi ŋuro lonyit kayu.

Roma 8:11

A ko Mulökötyo lo Ŋun lo toŋiju Yesu i twan lo gwolor kasu i mugunya, a nye lo toŋiju Kristo Yesu i twan lo mo köti toruje mugunya kasu na ’bu ’burön kine, kogwon Mulökötyo lonyit lo gwolor kasu i mugunya ŋilo.

Roma 8:2

Kogwon saret lo Mulökötyo logon jakiŋdya yi ru ko Kristo Yesu i mugun lo, aje yukun nan kaŋo i saret lo toron se ko lo twan.

1 Korinto 15:45

a wurö adi, Adama ŋuto lo kokwe lo a wora a ŋo lo gwon jörun; ama a Adama lo ’dutet lo worani a mulökötyo katoruönit.