Ejikele 36:9 - Bibilia Buk na Ŋun nagon koti luŋu a

⁹ Kogwon mete ta, nan juŋdyo ta, a nan mo löpuköddi kasu pini, a kak nasu mo kuruni kuru a weyani weya.

Ejikele 36:9 ပူးပေါင်းရင်းမြစ်များ

Saumajin 46:11

MATAT lo kurumi gwon koyi; Ŋun lo Yakobo gwon a ŋirit ’danaet nikaŋ nago!

Saumajin 99:8

Pon MATAT Ŋun likaŋ, do a ruk lepeŋat; do a Ŋun logon a pitundyö se, ma ’di nagon do a robba konesi kase narok.

Yeremia 31:27

Nan MATAT lo kulya adi, Perok kilo popo logon nan mo weja kötumit na Yisaraele se ko na Yuda ko nyomot logon a ŋutu se ko logon a toro ’bo.

Ejikele 28:26

A lepeŋat mo gwolore nyu ’bura ’bak kujönö, a mo ’duŋge kadijik, a mo ’yuddi lukö-biöt ti kaden ti binyo. A lepeŋat mo gwolore ’bura ’bak kujönö i diŋit na ’duŋökiŋdye nan maratejin kase putesi nu, kweja adi kilo a maratejin logon a ’do ’doju se. A kirut lepeŋat mo dene den adi nan a MATAT ŊUN lose.

Ejikele 34:14

A nan mo tunyeji lepeŋat i pi-riton nagon a leme, a merya lojo ti Yisaraele mo gwe a piritön nagon lepeŋat nyesu kata. Nyu a lepeŋat mo pere kak i pirit nagon döru a duma kata, lepeŋat mo nyesu i loki na merya ti Yisaraele.

Ejikele 36:34

A kak nagon a kölöki a murwö na mo kuruni kuru, a ŋutu lo lwöŋöddi nyona kulo mo köti tine met nye a murwö.

Yoele 3:18

A i ŋilu lor a merya mo ’bukun-dye binyo na paleleŋ, a lurwat mo ’doke ’dokon a le, a luruki lio ti Yuda mo ’buŋge a piŋo. A piŋo mo leleku köyö i kadi na MATAT a popoggi pirit na ’dir na Sitim.

Lewi 26:9

A nan mo memeddi ta ko töili lo ’but, a mo tiŋdi ta i yuŋwe jore a mo tuŋdije ta, a nan mo togo ’yi tomoret nio ko ta.

Kagai 2:19

Kinyo nyuŋ kata i gugu le? A kaden ti binyo, ko ti ki ’bi, ko ti ruman, ko ti jeitun nyuŋ ti radan le? ’Bayin sona, suluja i lo lor tojo ko ŋerot nan mo ’bo ’boro ta.

Jakaria 8:12

A taliŋ ko kulya na ’but mo weyani weya; a ködini lo binyo mo rade ludweki kanyit, a kak mo rade radan, a ki mo lilimbe lilimba; a nan mo tiŋdi pitönö ti kilo ŋutu i ruddya na kine ŋo liŋ.

Roma 8:31

Nyena a yi de kulyani ada i kine kulya? Ko Ŋun gwon kayaŋ i swöt, a ŋa lo ŋisani koyi?