Ejikele 36:8 - Bibilia Buk na Ŋun nagon koti luŋu a

⁸ Ama ta merya ti Yisaraele, kenia kasu mo wiwilan, a mo rade ludweki a ti ŋutu kwe Yisaraele, kogwon lepeŋat mo yiyito mede i diŋit a na ’dit.

Ejikele 36:8 ပူးပေါင်းရင်းမြစ်များ

Saumajin 67:6

Nyenagon kak aje radan; do Ŋun likaŋ a ’boroja yi.

Saumajin 85:12

Iye, MATAT mo titindu ŋo nagon a na ’but, a jur likaŋ mo rade radan ludweki.

Yisaya 27:6

A i kilu perok lo popo kulu a kötumit na Yakobo mo ’bekoddi kokorite nanyit kak, a ŋina kötumit na Yisaraele mo turöne turö, a wile wilan, a mo töjoreji kak ko ludweki.

Yisaya 30:23

A MATAT mo tiŋdi kudu lo ’yutuki ’e nyomot kak, ko ’bolot lo radun kak, logon mo gwon a löbot ko jore. I ŋilu lor a, toro ’bo kasu mo nyööddu i Piton yukisi nagalaŋak;

Yisaya 4:2

A i ŋilo lor a wilun na MATAT mo gwe gwoso kene nakwekwelen ko na bubula, a ludweki ti kak mo gwe a todumalesi ko a kwelenyesi i ŋutu ti Yisaraele lo lwököddu ’börik kilo.

Yisaya 65:9

A nan mo topukuŋdye nyakwariat ko Yakobo, a mo topukuŋdye ŋutu ko Yuda logon ruddya merya kwe; a nutu kwe lo wulwe mo ruddye lepeŋat, a kölipönök kwe mo si ’dani nyu.

Ejikele 12:25

Kogwon nan MATAT mo jajambu ŋo nagon nan ’de ’dekan, a kulya nagon nan mo jajam kune mo konani kona, a kine kulya mo tine jaran i kona. Ta kötumit na karerenyak, nan mo jajambu kulyaet a nan mo kitari kitari ŋilo kulyaet i perok kasu. Ŋilo a kulyaet lio lo MATAT ŊUN.

Ejikele 17:23

iŋkoi, nan mo ’yutukin nye i kwe na mere lojo lo Yisaraele, a kenia kanyit mo garani gara, a rade ludweki a mo worani a ködini lo ’but lokwewelen. A gweyajin liŋ ti kwen mo sakani i kenia kanyit, iŋkoi, lepeŋat mo yukan i tölimot na kenia kanyit.

Ejikele 36:7

Nyenagon nan MATAT ŊUN lo kulya adi, Nan a milyeju adi, ’Diri ’diri jurön logon dipö ko ta kilo, lepeŋat ko ’börik mo tomiö ko ’dö ’dö-yosi.

Yoele 2:22

Ta kijakwa ti mu ’diŋ, an ta ko kujono ta, kogwon piriton yukisi na gwon i yobu kune gwe a leme; a kaden rade ludweki, kaden ti ki ’biet ko ti binyo raradan ’bura.

Yoele 2:24

A piriton gwutesi ti ’bolot mo jorene jore ko ’bolot, a binyo se ko welet mo baraŋdi ba-raŋdu i piriton ’delesi.

Pilipoi 4:5

Ti ŋutu liŋ deŋedeŋ adi tagwon kotöilyet lo lilik. Matat gwe nyona.

Ebere 10:37

Kogwon yöŋgi diŋit a na ’dit nye logon popo lo mo ’du ’dur, nye mo ti karakin.