Ejikele 36:38 - Bibilia Buk na Ŋun nagon koti luŋu a

³⁸ Nyena a köjinö nagon köju a rubajin kune mo jorene jore ko teŋon ti ŋutu, gwoso teŋon ti yidin na gwon Yerusalema kune anyen wuki a rubaŋgajin i diŋitan ti roriot. A kirut lepeŋat mo deŋdi adi nan logon a MATAT.

Ejikele 36:38 ပူးပေါင်းရင်းမြစ်များ

1 Moran 8:63

A Solomona ’duŋökiŋdye MATAT rubaŋgajin ti taliŋ logon a dwönin aliŋan merya murek wot murek, ko köbilu aliŋan mia geleŋ ko merya murek. A mor se ko ŋutu liŋ ti Yisaraele ’boroji nu kadi na MATAT.

2 Dekat 7:8

A i nu diŋit a Solomona se ko Yisaraele liŋ koŋdi rorwe ko perok buryo, a ŋutu lo momora kulo gwe jore parik logon a po suluja i kwake nagon lupörikin Kamat tojo ko Lorolo Ejipeto.

Saumajin 100:3

Dendi ta adi MATAT a Ŋun ’diri! Nye lo aje gweja yi, a yi gwe a kanyit; yia ŋutu kanyit, nye a kayukunit lo yuggu yi köbilu kanyit.

Saumajin 74:1

Pon Ŋun, nyo do a ŋaju yi asut? Ko nyo woran inot a tulekin i yi yidin nagon do yuyuk kune?

Yuörö 23:17

Ŋutu kasu lyan liŋ ködyö popo ko MATAT Ŋun i komor i kine daŋin musala temba i kiŋa.

Yuörö 34:23

Ŋutu kasu lyan liŋ ködyö ŋoŋo ko MATAT ŊUN lo Yisaraele i komor dapin musala temba i kiŋa.

Yeremia 23:1

Nan MATAT lo kulya adi, Wöidiö kayukuk logon tiŋdu teŋ nio na köbilu i rekin, a liki likin kulo!

Yeremia 30:19

A pupuresi se ko gworolo ti kalyöŋök mo kuörö kaŋo i kine köjinö lukata. A nan mo tuŋdije kilo ŋutu, a se mo tine kakaruŋdya ku ’dik. A nan mo tiŋdi lepeŋat i bula, a se mo tine lawe.

Ejikele 34:31

Ta a teŋ na köbilu kwe, ta a ŋutu kwe, iŋkoi ta a teŋ na köbilu nagon nan lo tunyeju, a nan gwe a ŊUN losu. Kilo a kulyaesi kwe ti MATAT ŊUN.

Ejikele 36:37

Nan MATAT ŊUN lo kulya adi, Nan mo köti rurukökin kötumit na Yisaraele i pija na nan i kitakiŋdya na lepeŋat. Iŋkoi, nan mo tutuŋdi ŋutu kase gwoso teŋ na yidin.

Ejikele 46:9

A ko ŋutu ti jur a po köyö i komor nan Matat i roriot lo wulwe, ŋutu lo lupöri kötumit na gwon i swöt lo lobot i kwakwaddu kulo ködyö tu kaŋo i kötumit na gwon i swöt lo loki na; a ŋutu lo lupöri i kötumit na gwon i swöt lo loki kulo ködyö iti kaŋo i kötumit na gwon i swöt lo lobot na;a kulye ŋutu ködyö gwe ’bayin logon yitöri kötumit na lupöri se lukata na, ama se liŋ geleŋ geleŋ ködyö tu kaŋo gwogwo.

Yoane 10:16

Kunie yidin kwe kata nagon ’bayin a ti lo goro. Nan ködyö jojon se köti, a se mo yiŋge gworo liŋ, a se mo gwe a teŋ geleŋ ko kayukunit geleŋ.

Yoane 10:7

Nyena a Yesu köti jamakiŋdye lepeŋat adi, ’Diri ’diri nan takiŋdya ta adi, Nan a kötumit na yidin.

Yoane 10:9

Nan a kötumit; ko lele ŋuto lupöri köyö ni a lepeŋ mo lwököni lwökö, lepeŋ mo lulupö lukata ko tutu kaŋo a mo ryeji pirit nyeŋ.

Yoane 2:14

A lepeŋ ryeji ŋutu i Kadi na Ŋun lukata logon tugwöŋu dwönin, ko köbilu, ko gureki, köti ko ŋutu lo lölöpuggö gurut sisi ’da kase i misajin.

Nyökit 16:16

Ti ŋutu lyan kasu liŋ kwekiŋdye ’börik ko MATAT Ŋun losu i komor daŋin musala temba i kiŋa i nu pirit nagoŋ nye mo wuwulun nu; kweja adi i rorwe lo ambata nagoŋ ’bak kape, i rorwe lo jimalan, ko i rorwe lo murugujin. A se ködyö tine po ko MATAT i komor ko könisi kana;