Ejikele 36:37 - Bibilia Buk na Ŋun nagon koti luŋu a

³⁷ Nan MATAT ŊUN lo kulya adi, Nan mo köti rurukökin kötumit na Yisaraele i pija na nan i kitakiŋdya na lepeŋat. Iŋkoi, nan mo tutuŋdi ŋutu kase gwoso teŋ na yidin.

Ejikele 36:37 ပူးပေါင်းရင်းမြစ်များ

Saumajin 10:17

Pon MATAT, do de yiyiŋ ’dekesi ti ŋutu lo sasanya kulo; do de totogwo ’ya töilyet kase, do de yiyiŋ ko swö kulök

Saumajin 102:17

Nye yiyiŋ momolesi ti ŋutu likisojin, a tine laundya kwakwasesi kase.

Yeremia 30:19

A pupuresi se ko gworolo ti kalyöŋök mo kuörö kaŋo i kine köjinö lukata. A nan mo tuŋdije kilo ŋutu, a se mo tine kakaruŋdya ku ’dik. A nan mo tiŋdi lepeŋat i bula, a se mo tine lawe.

Ejikele 14:3

Ŋuro lo ŋuto, kilo ŋutu aje tiŋdu nyömuejin kase logon a ŋunyen kase i töilyet, a tiŋdi ŋo narok kase i komor nagon tiŋdu se i ’doro kune. Nan ŋona bubulö rukökiŋdyö ŋutu gwoso kilo i pija na nan le?

Ejikele 20:3

Ŋuro lo ŋuto, jambi ko kilo temejik ti Yisaraele ko taki lepeŋat adi, MATAT ŊUN lo pija adi, Ta po i piyuŋdya na nan le? Nan MATAT ŊUN lo kulya adi, ’Diri ’diri gwoso na gwoŋdi nan na, nan ti ’dekan ta i piyuŋdya na nan.

Ejikele 20:31

Na wukiŋdye ta ’dokesi se ko rubaŋgajin, a ’yuŋe ŋwajik kasu a rubaŋgajin nu, ta toluddya ’börik ko nyomuejin kasu liŋ logon a ŋunyen tojo ko lo lor. A kirut nan mo rukökiŋdye ta kötumit na Yisaraele i piyuŋdya na nan ada? Nan MATAT ŊUN lo kulya adi, ’Diri ’diri gwoso na gwoŋdi nan na, nan ti ’dekan ta i piyuŋdya na nan kwöŋ.

Ejikele 36:36

A kirut ŋutu ti jurön logon mo kölöki kasu nyona kulo mo deŋdi adi nan MATAT aje nyöggu ’duggö piritön nagon a kökörötu, ko aje nyöggu ’yuddu meleseno nagon a murwöki. Nan MATAT aje jambu kine kulya, a nan mo kone kon se.

Ejikele 36:38

Nyena a köjinö nagon köju a rubajin kune mo jorene jore ko teŋon ti ŋutu, gwoso teŋon ti yidin na gwon Yerusalema kune anyen wuki a rubaŋgajin i diŋitan ti roriot. A kirut lepeŋat mo deŋdi adi nan logon a MATAT.

Daniele 2:18

A nye takiŋdye lepeŋat anyen mo ’yu ŋun lo ki i won konyen ko se kogwon na ŋo nagon a lwön na, anyen nye Daniele ko luŋasirik kanyit gwon ti tatua i pirit na geleŋ ko kulye ŋutu lokoŋ ti Babela.

Mika 2:12

Ta ŋutu ti Yakobo, nan MATAT mo ’diri tutun ta liŋ, a nan mo momori pitono ti ŋutu ti Yisaraele; a nan mo momorakiŋdye lepeŋat i pirit na geleŋ gwoso köbilu i goro, ko gwoso teŋ na yidin i pirit yukit, a se mo woŋe adi, Gumm, kogwon se jore parik.

Jakaria 10:6

A nan mo togo ’yi kötumit na Yuda, a nan mo tiŋdi kötumit na Yosepa a katelak. A nan mo toyituŋdye se kogwon nan a won konyen ko se, a se mo gwe gwoso nagon nan a ko pa se; kogwon nan a MATAT ŋun lose a nan mo yiŋge se.

Jakaria 10:9

Ma ’di nagon nan a toreara se i kiden na gweyajin ti ŋutu, a se mo yiyiuŋdye nan i jurön ti pajo, a se mo wowoji ŋwajik kase, a mo yitwene yitwe.

Jakaria 13:9

A nan mo gwurusökiŋdye ŋina tupet i kimaŋ, a mo ŋoŋoji se gwoso ŋuto lo ŋoŋoaddu korodo kaŋo i pödö, a nan mo tembi se gwoso na temari dakap na. A se mo luluŋgi karin kwe, a nan mo waddi se adi, Se a nutu kwe; a se mo kulyani adi, MATAT a ŋuri likaŋ.

Nyökit 30:5

a MATAT Ŋun losu mo joŋdi ta i lu jur lomore lo merenyejin kasu, anyen ta mo ’debba lepeŋ a losu; a nye mo konakiŋdye ta ’bura, a mo tupöŋe ta lwölwöŋ merenyejin kasu.

Pilipoi 4:6

An ta ko wiwinya ta i nene ŋo, kölumbö pipije ta Ŋun i ŋo liŋ nagon ta ’de ’dekan i kwakwaddu nasu na lepeŋ, ko i momo ’yu nasu ko i tiŋdu nasu na lepeŋ tinate.

Ebere 4:16

Nyena ti yi gwe ti kujönö i mijöro nyona i si ’daet na Ŋun logon a ka ’buse lo, anyen yi böŋö yayataki, a ryeji ’busan nanyit i parakiŋdya na yi i diŋitan liŋ nagon yi ’de ’deggi kune.

1 Yoane 5:14

Yi gwon ko topurwan ko Ŋun i komor, kogwon koyi a pija nene ŋo gwoso na ’deggi nye na, lepeŋ yiyiŋ yi.