Ejikele 36:36 - Bibilia Buk na Ŋun nagon koti luŋu a

³⁶ A kirut ŋutu ti jurön logon mo kölöki kasu nyona kulo mo deŋdi adi nan MATAT aje nyöggu ’duggö piritön nagon a kökörötu, ko aje nyöggu ’yuddu meleseno nagon a murwöki. Nan MATAT aje jambu kine kulya, a nan mo kone kon se.

Ejikele 36:36 ပူးပေါင်းရင်းမြစ်များ

Saumajin 126:2

I nu diŋit a yi nyolani nyola parik, a sirani sira ko lyöŋön! Nyena a ŋutu ti jurön jambi i kulya kaŋ adi, MATAT a konakindya se ŋo dumalak.

Yeremia 32:41

A nan mo lyöŋi lyöŋön i konakiŋdya na se ’bura, a nan ’diri mo ’deke ’dekan i ’yuddu na se i lo jur ko töili lio liŋ se ko ködudwö nio liŋ.

Yeremia 42:10

Ko ta mo nyuŋ si ’da i lo jur, a nan mo gweuŋdye ta ki, a tine dukakin ta kak, iŋkoi, nan mo ’yu ’yut ta, a tine gwunyun ta kaŋo, kogwon nan lölöpuggö i ŋo naron nagon nan a yeyeju konakiŋdya ta na.

Ejikele 17:24

A kaden liŋ ti mu ’diŋ mo dene den adi nan MATAT nyönyokun ködini lojo ki kak, a to ’duŋe ködini lorutut a lojo ki, a toliliŋge ködini lodon, a tiŋdi ködini loteyon i wilan. Nan MATAT aje jambu kine kulya, a nan mo kone kon se.

Ejikele 22:14

Töilyet ti ŋutu kulök ŋona mo yeŋon a purwat i lor logon nan mo tu i meddya na kulya kasu lu? Könisi kase ŋona mo yeŋon a iŋgo le? Nan MATAT aje jambu, a, nan mo kone kon.

Ejikele 24:14

Nan MATAT aje jambu, kine ŋo mo kokona, ’diri nan mo kökon se; a nan mo tine kukutörö bot, a nan mo tine pitökiŋdyö kode löpuggö i ŋo nagon nan mo kökon na. Nan mo ’du ’duŋökin do putet gwoso i kikolin kulök ko i konesi kunök. Kilo a kulyaesi kwe ti MATAT ŊUN.

Ejikele 34:30

A lepeŋat mo deŋdi adi nan MATAT ŊUN lose gwon ko se, köti adi se kötumit na Yisaraele gwon a ŋutu kwe, nan MATAT ŊUN aje jambu.

Ejikele 36:37

Nan MATAT ŊUN lo kulya adi, Nan mo köti rurukökin kötumit na Yisaraele i pija na nan i kitakiŋdya na lepeŋat. Iŋkoi, nan mo tutuŋdi ŋutu kase gwoso teŋ na yidin.

Ejikele 37:14

A nan mo tiŋdi mulökötyo lio kasu i mugunya, a ta mo gwe jörun, a nan mo tiŋdi ta i jur losu; a kirut ta mo deŋdi adi nan MATAT aje jambu kine kulya a nan mo kone kon se. Kilo a kulyaesi kwe ti MATAT.

Ejikele 37:28

A jurön mo dene den adi nan MATAT a tiŋdu ŋutu ti Yisaraele i gwon a ŋutu kwe loke lomore, kogwon pirit nio nake na rurwan gwon kase kiden ŋupi.

Kenet 23:19

Ŋun ’bayin a ŋuto anyen nye ’bu ’burönö, nye ’bayin a ŋuto logon a lipo anyen nye löpuggö yeyeesi kanyit. A ko nye a jambu, a nye mo tine koŋdya le? Kode ko nye a kulya, a nye mo tine töjukin gwoso na jambi nye na le?

Matayo 24:35

Ki ko kak mo ’du ’duddyö, ama kulyaesi kwe mo ti ’duddyö kwöŋ.