Ejikele 36:35 - Bibilia Buk na Ŋun nagon koti luŋu a

³⁵ A ŋutu ti diŋit na popo mo kulyani adi, Na kak nagon köju gwon a murwö na aje wora gwoso melesen na Edene; a köjinö nagon köju a rubajin, ko kunie a murwöki, ko kunie a kökörötu kune soŋinana si ’darikin si ’darikin a gwe ko mariŋan nago.

Ejikele 36:35 ပူးပေါင်းရင်းမြစ်များ

Suluet 13:10

A Loto ’bi ’yi konyen kanyit ki i woŋu, a nye meddi jur liŋ lo kare ’Yardene, a ŋinu kak gwe a nadon gwoso melesen na MATAT, iŋkoi, gwoso jur lo Ejipeto ko ŋuto tu tojo Soar ŋinu diŋit gwon a kokwe nagon MATAT a ko nyuŋ koŋu Sodoma ko Gomora nu.

Saumajin 126:2

I nu diŋit a yi nyolani nyola parik, a sirani sira ko lyöŋön! Nyena a ŋutu ti jurön jambi i kulya kaŋ adi, MATAT a konakindya se ŋo dumalak.

Saumajin 58:11

Anyen ŋutu mo kulya adi, ’Diri ŋutu lo rigwo kata ko ’bulit; ’diri Ŋun kata lo ’du ’duŋgö ŋutet i na kak!

Saumajin 64:9

A kirut ŋutu liŋ mo kujönöni kujönö; a se mo tuŋge tuggö kita na Ŋun, a se mo yeyeji yeyeju ŋo nagon nye a kon kune.

Yisaya 51:3

kogwon nan a luŋgu lepeŋ nagwoŋdi nye geleŋ nu, a nan ’boroji lepeŋ a tiŋdi nye i ŋdi a ŋutu jore. Kogwon nan MATAT a suŋga Siona; a nan iŋge suŋga piritön murwöki kanyit, a nan tiŋdi yöbu nanyit i gwon gwoso Edene, ko yöbu nanyit na sese i gwon gwoso melesen nio na MATAT; a lyöŋön ko nyola mo ryeni kanyit, ko tiŋdu na lyöŋesi se ko yolo na kölisi.

Yisaya 62:4

A do mo köti tine ’dinya adi do a na Papaye, a jur ilot mo köti tine ’dinya adi do a Kölöki kana, ama a do mo luŋuni adi Lyöŋit nio gwon konut, a jur losu mo luŋuni a Ŋun na yeyema; kogwon MATAT a lyöŋön ko do, a jur ilot mo yemani yeitia.

Yeremia 23:8

ama a se mo milyeji adi, ’Diri ’diri gwoso na gwoŋdi MATAT na logon a joŋdya ko a nyömuŋdyö nyakwariat ti Yisaraele kaŋo i jur lo lobot, se ko i jurön liŋ logon nye a riköddu lepeŋat kata kulu. A se mo köti si ’dani i jur lose.

Yeremia 33:12

Nan MATAT lo kurumi lo kulya adi, Kayukuk se ko yidin kase mo köti peron kak i yukan i na pirit nagon a murwo ’bak ŋutu kode kijakwa na, ko i köjinö kanyit liŋ.

Yeremia 33:9

A na köji mo gwe köyö a karin na lyölyöpörikin, ko a pupuresi, ko a minyo i komor na ŋutu liŋ ti jurön ti kak, logon mo yiŋga po liŋ na ’but nagon nan konakin lepeŋat kune; a se mo kujönöni kujonö, a böböŋdi böböŋdu kogwon po liŋ na ’but se ko gwolor na ’but nagon nan titin ŋutu ti na köji kune.

Ejikele 28:13

Do köju si ’da Edene yu nagon a melesen na ŊUN; do jupu ŋurupö nakwekwelen liŋ na gwörö go, kweja adi, sardiö, ko topajo, ko yasipidi, ko krisölitö, ko berilo, ko onukion, ko sapira, ko antarak, se ko samaragado. Köti minyojin kulök logon a dakap lo tutulujö ko a gigiru a tetenaki do i lor lo yuŋwe ’i do lu.

Ejikele 31:9

Nan MATAT aje gweja lepeŋ kwekwelen i kenia kanyit nagon jore kune, nyena a kaden liŋ ti Edene nagon a melesen nio na ŊUN kulo be ’yi lepeŋ.

Ejikele 36:34

A kak nagon a kölöki a murwö na mo kuruni kuru, a ŋutu lo lwöŋöddi nyona kulo mo köti tine met nye a murwö.

Ejikele 37:13

Ta ŋutu kwe, ta mo deden adi nan logon a MATAT i diŋit na ŋaji nan gulömö kasu a toŋiuŋdye ta kaŋo kasu i gulömö nu.

Yoele 2:3

Kimaŋ tutuloro kase ŋerot, a ŋedep lo kimaŋ nyore nyoran kase i mukok. Kase ŋerot a kak gwe gwoso melesen na Edene, ama kase i mukök a kak kölökine kana, a nene ŋo gwe ’bayin nagon lepeŋat a pitun.