Ejikele 36:28 - Bibilia Buk na Ŋun nagon koti luŋu a

²⁸ A ta mo gwolore i jur logon nan aje tikin merenyejin kasu lu, a ta mo gwe a ŋutu kwe, a nan mo gwe a ŊUN losu.

Ejikele 36:28 ပူးပေါင်းရင်းမြစ်များ

Koli Lo ’but Parik 6:3

Nan a na nyaratti lio, nyarattilio a lio; lepeŋ yuggu yidin kanyit i kiden na köturön nator.

Yeremia 24:7

A nan mo tiŋdi se töilyet anyen se deden adi nan a MATAT; a se mo gwe a ŋutu kwe, a nan mo gwe a ŋun lose, kogwon se mo yiyitwe köyö ni ko töilyet kase liŋ.

Yeremia 31:1

Nan MATAT lo kulya adi, I ŋinu diŋit nan mo gwon a ŋun lo kötumitön liŋ ti Yisaraele, a se mo gwe a ŋutu kwe.

Yeremia 31:33

Nan MATAT lo kulya adi, Na a tomoret nagon nan mo teten ko kötumit na Yisaraele i mukök na kilo perok, kweja adi, Nan mo titin saresi kwe ko lepeŋat lukata, iŋkoi, nan mo wuwurökin se kase i töilyet; a nan mo gwe a ŋun lose, a se mo gwe a ŋutu kwe.

Yeremia 32:38

A se mo gwe a ŋutu kwe, a nan mo gwe a Ŋun lose.

Ejikele 11:20

anyen se böŋö wörö i saresi kwe lo wurö ko i ’debba na jujuwesi kwe ko i koŋdya na se. A se mo gwe a ŋutu kwe, a nan mo gwe a ŊUN lose.

Ejikele 14:11

A kötumit na Yisaraele mo köti tine girara kaŋo köyö, a se mo tine toluddya ’börik köti i laŋgu na saresi kwe, a se mo gwe a ŋutu kwe a nan mo gwe a ŊUN lose. Ŋilo a kulyaet lio lo MATAT ŊUN.

Ejikele 28:25

Nan MATAT ŊUN lo kulya adi, I diŋit na pepenuŋdye nan kötumit na Yisaraele i gweyajin ti ŋutu logon lepeŋat a tore aji kata kulu nu, a nan mo kwekiŋdye kelan nio kase kiden a ŋutu ti jurön memeddya, a kirut lepeŋat mo si ’dani i jur lose logon nan köju a tikin köliŋönit lio Yakobo lu.

Ejikele 34:30

A lepeŋat mo deŋdi adi nan MATAT ŊUN lose gwon ko se, köti adi se kötumit na Yisaraele gwon a ŋutu kwe, nan MATAT ŊUN aje jambu.

Ejikele 36:10

A nan mo tupöije ŋutu anyen si ’da kasu pini, kweja adi kilo a ŋutu ti kötumit na Yisaraele ’bukuluŋ. A köjinö mo si’darikin si ’darikin, a piritön nagon a rubajin kune mo nyököni ’dukö.

Ejikele 37:23

A lepeŋat köti kwöŋ mo tine toluddya ’börik ko nyö-muejin logon a ŋunyen kase, ko konesi kase na mamana, se ko lauŋdya nase na saresi kwe; a nan mo lwökuŋdye lepeŋat kaŋo i toronjin kase liŋ na kukuto-di se bot kune, a nan mo toke ’yi se; a se mo gwe a ŋutu kwe, a nan mo gwe a ŊUN lose.

Ejikele 37:25

A se mo gwolore i jur logon nan aje tikin köliŋönit lio Yakobo. (Ŋilo a jur logon merenyejin kasu si ’da kata lo.) A ŋutu ti Yisaraele ko ŋwajik kase se ko nyakwariat kase mo si ’dani nyu ŋupi ŋupi; a köliŋönit lio Dawidi mo gwe a kasaranit lose ŋupi.

Ejikele 37:27

A pirit nio si ’daet mo gwe ko lepeŋat i pirit na geleŋ; a nan mo gwe a ŊUN lose a se mo gwe a ŋutu kwe.

Ejikele 39:28

A lepeŋat mo deŋdi adi nan logon a MATAT ŊUN lose, kogwon nan köju a son lepeŋat i to ’dupien i kiden na jurön, a nan mo nyökuŋdye se bot i pirit na geleŋ kase i jur lomore. A nan mo tine pitökin lele lose bot kwöŋ i kiden na jurön.

Osea 1:10

Ama a kenet na ŋutu ti Yisaraele mo gwe gwoso sese na tor nagon ti bulo tema kode kena, a i ŋirit na taki ’e se koju adi, Ta ’bayin a ŋutu kwe nu, a Lepeŋat mo luŋuni a ŋwajik ti ŋun lo gwon jorun.

Jakaria 13:9

A nan mo gwurusökiŋdye ŋina tupet i kimaŋ, a mo ŋoŋoji se gwoso ŋuto lo ŋoŋoaddu korodo kaŋo i pödö, a nan mo tembi se gwoso na temari dakap na. A se mo luluŋgi karin kwe, a nan mo waddi se adi, Se a nutu kwe; a se mo kulyani adi, MATAT a ŋuri likaŋ.

Jakaria 8:8

a nan mo joŋdi se, a se mo gwolore i kiden na Yerusalema; a se mo gwe a ŋutu kwe a nan mo gwe a ŋun lose i to ’diri ko i löti lo rigwo.

Matayo 22:32

Nan a Ŋun lo Abarayama, ko a Ŋun lo Yisaka, ko a Ŋun lo Yakobo. Lepeŋ ti gwon a Ŋun lo ŋutu lo twatwa, ama a Ŋun lo ŋutu lo gwon jörun.

2 Korinto 6:16

Kadi na Ŋun ŋona bubulö gwon a ŋo geleŋ ko nyömuejin le? Kogwon yi a kadi na Ŋun lo gwon jörun; gwoso na kulyari ŋun nu adi, Nan mo gwolor ko se, a mo wöröni ko se; a nan mo gwe a ŋun lose, a se mo gwe a ŋutu kwe.

Ebere 11:16

kölumbö a se gwe ko pusök i jur lo ’but bia parik logon a lo ki. Nyena ŋina a kwe nagon Ŋun ti yu kwe i luŋu a Ŋun lose, kogwon lepeŋ aje tetenakin se köji.

Ebere 8:10

Ama na a tomoret nagon nan mo tetenakin i kötumit na Yisaraele i mukök na kilu perok, nan Matat lo kulya; nan mo titin saresi kwe kase i yeyeesi, a wurökiŋdye se kase i töilyet, a nan mo gwe a ŋun lose, a se mo gwe a ŋutu kwe.

Kweyatti 21:3

A nan yiŋge gworo lobot kuun i si ’daet na tumatyan, kulya adi, Lote, Ŋun aje ŋo i gwolor ko ŋutu kiden; lepeŋ mo sisi ’da, ko ŋutu kiden, a se mo gwe a ŋutu kanyit; a Ŋun ko mugun nanyit mo gwe kase kiden a Ŋun lose.

Kweyatti 21:7

Ŋuto lo te ’ya lo kine ŋo mo gwon a kanyit lomore, a nan mo gwe a Ŋun lonyit, a nye mo gwe a ŋuro liŋ.