Ejikele 36:27 - Bibilia Buk na Ŋun nagon koti luŋu a

²⁷ a nan mo tiŋdi mulökötyo lio kasu i mugunya, a nan mo tiŋdi ta i wörö köyö i saresi lo wurö kulo, ko i tiriku i ’debba na jujuwesi kwe.

Ejikele 36:27 ပူးပေါင်းရင်းမြစ်များ

Saumajin 105:45

anyen se ködyö ’debba saresi kanyit lo wurö, ko i twöju na saresi kanyit. Pupurje ta MATAT!

Tolupesi 1:23

Yiŋge ta kukuesi kwe, mete ta, nan de ŋaŋakin ta yeyeesi kwe ti toili, a nan de tokurukindye ta ŋo nagon nan jajam.

Yisaya 59:21

Nyena nan MATAT lo kulya sona adi, Na a tomoret nio ko se, adi, Mulökötyo liŋ logon gwon kasu, ko kulyaesi kwe logon nan aje tiŋdu kasu i kutusen kulo, mo ti tu kaŋo kasu i kutusen, kode i kutusen ti ŋwajik kasu, kode i kutusen ti nyakwariat kasu, suluja i na diŋit teŋ ko ŋupi ŋupi. Ŋilo a kulyaet liŋ lo MATAT.

Yeremia 31:33

Nan MATAT lo kulya adi, Na a tomoret nagon nan mo teten ko kötumit na Yisaraele i mukök na kilo perok, kweja adi, Nan mo titin saresi kwe ko lepeŋat lukata, iŋkoi, nan mo wuwurökin se kase i töilyet; a nan mo gwe a ŋun lose, a se mo gwe a ŋutu kwe.

Yeremia 32:40

A nan mo teteŋdi tomoret na yeŋ nyin ko se adi nan mo ti löpuköddu kaŋo i konakiŋdya na se ŋo na ’but; a nan mo tiŋdi se i kujönö na nan kase i töilyet; anyen se gwon ti löpuköddu kaŋo köyö.

Ejikele 11:20

anyen se böŋö wörö i saresi kwe lo wurö ko i ’debba na jujuwesi kwe ko i koŋdya na se. A se mo gwe a ŋutu kwe, a nan mo gwe a ŊUN lose.

Ejikele 37:14

A nan mo tiŋdi mulökötyo lio kasu i mugunya, a ta mo gwe jörun, a nan mo tiŋdi ta i jur losu; a kirut ta mo deŋdi adi nan MATAT aje jambu kine kulya a nan mo kone kon se. Kilo a kulyaesi kwe ti MATAT.

Ejikele 37:24

A köliŋönit lio Dawidi mo lo gwe a mor lose, a se liŋ mo gwe ko kayukunit geleŋ. A se mo kebbi jujuwesi kwe, a tirikuni ’debba saresi kwe lo wurö.

Ejikele 39:29

A nan köti kwöŋ mo tine ’de ’ya komor nio ko lepeŋat, kogwon nan a ’bukökiŋdyö mulökötyo lio i kötumit na Yisaraele. Kilo a kulyaesi kwe ti MATAT ŊUN.

Ejikele 43:11

A ko kusik kase aje yu ko ŋo liŋ na kon se kune, nyönyököki lepeŋat kulya liŋ ti ŋina kadi, ko gweya nanyit, ko kötumitön na lupörikin kaŋo se ko lukata, ko miret nanyit ko saresi ’dukesi. Nyönyököki lepeŋat kine ŋo liŋ ko wuröki se kak a lepeŋat memeddya, anyen se ködyö yeye kine ŋo ko kökon se.

Jakaria 12:10

A nan mo ’bukökiŋdye mulökotyo lo ’busan ko lo momolesi i kötumit na Dawidi ko ŋutu lo si ’da Yerusalema kulo, anyen na meddi se nye logon se a rem lo, a se mo gwine lepeŋ gwoso ŋuto logon gwi nuro lonyit lo geleŋ, a mo gwine parik tolikisien kanyit loki, gwoso ŋuto logon gwi ŋuro lonyit kayu.

Luka 11:13

a ko ta logon a ŋutu lorok kulo deden tiŋdu ŋwajik kasu ŋo na ’but, a bia parik Monye losu lo gwon ki lu mo titin ŋutu logon a pija lepeŋ kulo Mulökotyo Loke!

Roma 8:9

’Diri ko Mulökötyo lo Ŋun gwolor kasu i mugunya, a ta tine gwolor gwoso i kulya ti gwiliŋit lo na kak, ama gwolor gwoso i kulya ti Mulökötyo. ’Diri ko lele ŋuto ’bak Mulökötyo lo Kristo nye ’bayin a lonyit kwöŋ.

1 Korinto 3:16

Iŋkoi, ta ŋona ti den le adi, ta a kadi na Ŋun a Mulokotyo lo Ŋun gwolore kasu i mugunya?

Galatia 5:16

Ama nan kulya adi, Ko ta wörö ko Mulökötyo Loke a kirut ta mo tine toyimönöju ’dekesi kasu ti mugunya ti na kak kune.

Galatia 5:5

Kogwon Mulökötyo Loke lo tiŋöju yi i yeŋdu ko yupet adi yi mo tetenaki rigwo ko Ŋun i komor.

Nyökit 30:8

A ta köti mo yiŋge gworo lo MATAT a koŋdi saresi kanyit liŋ logon nan a saŋi ta i lo lor kulo.

Kolosai 2:6

Nyenagon kogwon ta aje wuju Kristo Yesu a Matat losu na, nyena ti ta gwolore kanyit i mugun.

2 Tesalonike 2:13

Ama ta luŋasirik logon Matat nyanyar kilo, yi agu ködyö tiŋdu Ŋun tinate i diŋitan liŋ kogwon kulya kasu, kogwon lepeŋ a wulun ta suluja i suluet, anyen ta lwölwökö ko anyen tokela ko Mulökötyo Loke ko i yubbö na kulya ti to ’diri.

Ebere 13:21

Ti Ŋilo Ŋun logon taliŋ liŋ gwon ko lepeŋ lo tojubbi ta ko ŋo liŋ na ’but, anyen ta boŋo koŋdya ŋo na ’deggi nye kune. Ti nye kitani kayaŋ i mugunya anyen yi tulyoŋgu lepeŋ kogwon kulya ti Yesu Kristo. Ti lepeŋ bulani bula ŋupi ŋupi. Amin.

1 Petero 1:2

Ta koju aje wulwe ko yeyeet na Ŋun Monye anyen tokela ko Mulokötyo lonyit, anyen twoju Yesu Kristo, ko anyen gwagwata ko rima kanyit. Nan roman ko ta adi, Ti ’busan ko taliŋ gwe ko ta bia parik.

1 Petero 1:22

Ta soŋinana aje toke ’ya ’börik i twöju nasu na kulya ’diri, a ta nyaŋi luŋasirik lo yubbö kilo ko tugwakan, nyena nyare ta nyar ’börik ko töilyet kasu liŋ.

1 Yoane 3:24

Ŋutu liŋ logon ’de ’dep saresi kanyit kilo, lepeŋat gwolor ko Ŋun i mugun a ŋun gwolore kase i mugunya. Mulokotyo Loke logon ŋun aje tikin yi lo tiŋdu yi i deŋdya adi ŋun gwolor kayaŋ i mugunya.

2 Yoane 1:6

Nyaŋu gwon sona adi, yi ködyö gwolor i saresi kanyit. Ŋilo a saret logon ta aje yiŋ i suluwa lo adi, Gwolore ta i nyaŋu.