Ejikele 36:26 - Bibilia Buk na Ŋun nagon koti luŋu a

²⁶ A nan mo tiŋdi ta toilyet ludukö, a mo tiŋdi yeyeesi ludukö kasu i mugunya; a nan mo ’dumaddi kaŋo töilyet iŋgo gwoso ŋurupo kasu i mugunya a tiŋdi ta töilyet ti mugunya.

Ejikele 36:26 ပူးပေါင်းရင်းမြစ်များ

Saumajin 51:10

Pon Ŋun, gwekindye toili loke köyo i mugun; tiki nan toili ludukotyo logon ti wiwiŋo i keŋoddu na do.

Yeremia 24:7

A nan mo tiŋdi se töilyet anyen se deden adi nan a MATAT; a se mo gwe a ŋutu kwe, a nan mo gwe a ŋun lose, kogwon se mo yiyitwe köyö ni ko töilyet kase liŋ.

Yeremia 32:39

A nan mo tiŋdi se töili geleŋ ko kiko geleŋ anyen se böŋö kukujönö nan ŋupi, anyen gwon a na ’but kase ko i nyakwariat kase.

Ejikele 18:31

Gubara ta lauŋdya nasu na saresi liŋ kaŋo nagon ta a toroŋdi nan kine. Galakiŋdye ta ’börik töilyet ludukö se ko yeyeesi ludu-kö! Ta kötumit na Yisaraele, ko nyo nagon ta ködyö twatwa?

Ejikele 39:29

A nan köti kwöŋ mo tine ’de ’ya komor nio ko lepeŋat, kogwon nan a ’bukökiŋdyö mulökötyo lio i kötumit na Yisaraele. Kilo a kulyaesi kwe ti MATAT ŊUN.

Jakaria 7:12

A se togo’yi toilyet kase gwoso ŋurupit iŋgo an se ko yiŋga saresi ko kulyaesi logon nan MATAT lo kurumi aje sunyun ko Mulo-kotyo lio i nebijin ti ’beron kulu. Nyenagon a woran duma poŋdi kaŋo koyo nan MATAT lo kurumi.

Matayo 13:5

A kulye nyomot ’do ’done i kujoŋ nagon a röpökiŋdyö i lelya loki, a ’de ’de se pune pun kogwon kujoŋ ti gwon jore;

Luka 5:38

Ama binyo ludukö ködyö turaki i jurakan ludukö.

2 Korinto 3:18

Nyena yi liŋ komorsikan a ko mukö, yi liŋ mokuŋdya minyo lo Matat gwoso maŋöara, a yi toworani gwoso gwesin kanyit i minyo logon ’yaladdu ŋerot. ŋina a kita na Matat logon a ŋilo Mulökötyo.

2 Korinto 3:3

Kogwon meta köke adi ta a leta nagon po ko Kristo, a iŋge tiki yi anyen yeyek. Ŋina leta a ko wuro ko inka, ama wuro ko Mulökötyo lo Ŋun lo gwon jorun lo, a ko wuroki i ŋurupo na ’dayatak ama wuroki ko ŋutu i toilyet.

2 Korinto 5:17

Nyenagon ko lele ŋuto gwon ko Kristo i mugun, nye aje gweya a ludukötyo; kulya ti ’beron kune aje ’duddyö, mete, ŋo liŋ gwe a ludukö.

Galatia 6:15

Kogwon ko ŋuto a tawero kode a ko tawero ti gwon a nene ŋo; ama ŋo duma tuŋ gwon adi ŋuto ködyö gweya a ludukotyo.

Epeso 2:10

Kogwon yi a tobodwan nanyit; yi a gweki ko Kristo Yesu i mugun anyen koŋdya konesi na ’but nagon Ŋun a tetenakin a kokwe kunu, anyen yi böŋö wörö kata.

Nyökit 30:6

a MATAT Ŋun losu mo taweŋi ’böriköt na muggö töilyet kasu ko töilyet ti ŋwajik kasu, anyen ta böŋö mo nyaŋu MATAT Ŋun losu ko töilyet kasu liŋ se ko ködu dwölön kasu liŋ anyen ta böŋö gwon jörun.

Kweyatti 21:5

A nye lo si ’da i si ’daet na tumatyan lo kulyani adi, Mete, nan kökon ŋo liŋ a ludukö. A lepeŋ köti ’ya ’yi kulya adi, Wure wur kine kulya, kogwon kulo a kulyaesi lo yiyiniki ko a gwak.

1 Samuele 10:9

A ko gwe sona nagon Samuele koruŋdye mugun kaŋo i nyömöddu na Saula nu, a Ŋun tiŋdi yeyeesi ti töili lo Saula i gwon a ludukö; a kine kweyesi liŋ kweyani kweya i ŋilu lor.