Ejikele 36:24 - Bibilia Buk na Ŋun nagon koti luŋu a

²⁴ a nan mo joŋdi ta kaŋo i jurön, a pepenuŋdye ta kaŋo i jurön liŋ, a nyökuŋdye ta kasu i jur.

Ejikele 36:24 ပူးပေါင်းရင်းမြစ်များ

Yeremia 30:18

Nan MATAT lo kulya adi, Mete, nan mo nyönyökökin kötu­mit na Yakobo kadijik kase, iŋkoi, nan mo wowon konyen ko piritön kase si ’daesi, a köjinö mo nyököni ’dukö kase i sudiet, iŋkoi, kadijik temejik mo nyökö ’dukö kase i piritön ti köju kunu.

Yeremia 30:3

Kogwon mete, nan MATAT lo kulya adi, Perok mo popo logon nan mo nyökuŋdye ŋutu kwe Yisaraele se ko Yuda bot i to ’dupien, a nan mo toyituŋdye se i jur logon nan köju aje tin merenyejin kase lo, a se mo ruddye lepeŋ. ŋilo a nan MATAT lo jambu.

Yeremia 31:8

Mete, nan mo jojon ŋutu kwe lo gwon i jur lo lobot kulu, a nan mo pepenuŋdye se lo gwon i ’dutesi ti kak kulu, mora ko ŋutu mo ’dokeno, ko ŋodeki, ko wate na gwon ko ŋwajik se ko wate nagon gwe nyona ko ta ’du kune, a lepeŋat mo yitwene yitwe a lodir duma parik.

Yeremia 32:37

Mete, nan mo pepenun lepeŋat i jurön liŋ logon nan a riköddu se kata ko ŋoma ko yulön se ko woran duma kulu; a nan mo nyökuŋdye se bot i na pirit, a nan mo tiŋdi se i gwolor ’bura ’bak nene ŋo.

Ejikele 11:17

Nyenagon kulyani adi, MATAT ŊUN lo kulya adi, Nan mo tutunun se kaŋo i gweyajin ti ŋutu, nan mo momorun se kaŋo i jurön logon se a toreki kata kulu, a nan mo tiŋdi se jur lo Yisaraele.

Ejikele 20:42

A ta mo dene den adi nan a MATAT na joŋdi nan ta i jur lo Yisaraele nu, kweja adi ŋilo a jur logon nan koju a milyekin tiŋdu merenyejin kasu lu.

Ejikele 34:13

A nan mo joŋdi lepeŋat kaŋo i gweyajin ti ŋutu, a nan mo pepenuŋdye lepeŋat i jurön, a nan mo toyituŋdye lepeŋat i lukata na jur lose; a nan mo tunyeji lepeŋat i loki na merya ti Yisaraele nyona ko karya ko i piritön liŋ ti jur nagon sisi ’darikin kune.

Ejikele 37:12

Nyena kikiŋdye lepeŋat adi, MATAT ŊUN lo kulya adi, Ta ŋutu kwe, mete ta, nan mo ŋaŋa gulömö kasu, a mo toŋiuŋdye ta kaŋo kasu i gulömo, a nan mo nyomuŋdye ta mede i jur lo Yisaraele.

Ejikele 37:21

A kirut kulyani ko lepeŋat adi, MATAT ŊUN lo kulya adi, Mete ta, nan mo jojon ŋutu ti Yisaraele kaŋo i jurön logon lepeŋat aje tu kata kulu, a nan mo momoruŋdye lepeŋat i swötön liŋ, a nan mo nyökuŋdye lepeŋat i jur lose.

Ejikele 37:25

A se mo gwolore i jur logon nan aje tikin köliŋönit lio Yakobo. (Ŋilo a jur logon merenyejin kasu si ’da kata lo.) A ŋutu ti Yisaraele ko ŋwajik kase se ko nyakwariat kase mo si ’dani nyu ŋupi ŋupi; a köliŋönit lio Dawidi mo gwe a kasaranit lose ŋupi.

Ejikele 38:8

A i mukök na perok jore a ta mo lupuni lupu i mörö; iŋkoi, a i kiŋajin ti ’dutet a ta mo lupöni i mörö ko jur logon a nyököki i gwolor nanyit na kokwe i mukök na mörö, kweja adi ŋilo a jur logon ŋutu kanyit aje po kaŋo i jurön jore a momorakiŋdye i merya ti Yisaraele logon yeŋon a rubajin ko diŋit a najo kulo. Kilo ŋutu köju a jwe kaŋo i jurön, lepeŋat liŋ soŋinana si ’dani ’bura ’bak kujönö;

Osea 1:11

A ŋutu ti Yuda ko ti Yisaraele mo momori i ŋirit na geleŋ, a se mo wulokiŋdye ’borik duma lose geleŋ; a se mo puputuru ŋerot ’bura i jur, kogwon molu gwon a lor duma lo Yejerele.