Ejikele 36:23 - Bibilia Buk na Ŋun nagon koti luŋu a

²³ A nan mo kwekiŋdye adi karin kwe nakukwön a nake na rurwan. Kine karin kwe a körö i kiden na jurön, kilo a ta lo köŋu kine karin i kiden na kilo juron. A i diŋit nagon nan mo kweji mugun a loke kogwon kulya kasu a ŋutu ti juron memeddya nu, a lepeŋat mo deŋdi adi nan logon a MATAT, ŋilo a nan MATAT ŊUN lo jambu.

Ejikele 36:23 ပူးပေါင်းရင်းမြစ်များ

Saumajin 46:10

Yiŋani ta taliŋ, dendi ta adi nan logon a Ŋun. Nan totoŋun ŋutu ti jurön, nan totopundya i kak ’bukuluŋ!

Yisaya 37:20

Nyena soŋinana pon MATAT Ŋun likaŋ, lwöki yi i könin lonyit, anyen tumatyanjin liŋ ti kak boŋö kuruŋdyö adi do geleŋ lo gwon a MATAT.

Yisaya 5:16

Ama a MATAT lo kurumi todumalakine ki i ’duggö gwogwo, a Ŋun Loke kwekiŋdye mugun a loke i löti lo rigwo.

Yisaya 52:5

Nyenagon nan MATAT lo kulya adi, Soŋinana a nan koŋdi nyo, kogwon ŋutu kwe aje joŋa kaŋo ko kana? A nan MATAT kulyani adi, Kasarak kase maraŋgi maraŋgu, a karin kwe lawene lawe perok liŋ.

Ejikele 20:41

A i diŋit na joŋdi nan ta kaŋo i kiden na gweyajin ti ŋutu, a tutunuŋdye ta kaŋo i jurön logon ta a tore aji kata kulu nu, a nan mo wuji ta gwoso rubaŋga lo mon paleleŋ; a nan mo kweji mugun a loke kogwon kulya kasu a ŋutu ti jurön memeddya.

Ejikele 20:42

A ta mo dene den adi nan a MATAT na joŋdi nan ta i jur lo Yisaraele nu, kweja adi ŋilo a jur logon nan koju a milyekin tiŋdu merenyejin kasu lu.

Ejikele 28:22

Tambi ko lepeŋ adi, MATAT ŊUN lo kulya adi, Do Sidona, mete, nan a miriku ilot, a nan mo kweji minyo lio konut kiden. A ŋutu mo deŋdi adi nan logon a MATAT i diŋit nagon nan mo ’duŋökiŋdye Sidona putesi, a mo kweji kelan nio kanyit kiden nu.

Ejikele 28:25

Nan MATAT ŊUN lo kulya adi, I diŋit na pepenuŋdye nan kötumit na Yisaraele i gweyajin ti ŋutu logon lepeŋat a tore aji kata kulu nu, a nan mo kwekiŋdye kelan nio kase kiden a ŋutu ti jurön memeddya, a kirut lepeŋat mo si ’dani i jur lose logon nan köju a tikin köliŋönit lio Yakobo lu.

Ejikele 38:16

A ta mo ’diku i mörö ko ŋutu kwe Yisaraele gwoso ’diko na muggö kak. Kweja adi i perok lo popo a nan mo joŋdi ta i mörö ko jur lio, anyen jurön böpö deden nan i diŋit na tokitaji nan do Goga i kweja na kelan nio kase i komor nu.

Ejikele 39:21

A nan mo kweji minyo lio i kiden na jurön; a ŋutu liŋ ti jurön mo meddi ’duŋgö nio na putet logon nan ’du ’duŋökin lo, a se mo meddi könin lio logon nan a sopakin kase ki i riŋga na se lo.

Ejikele 39:25

Nyenagon nan MATAT ŊUN lo kulya adi, Soŋinana nan de nyönyökun ŋutu ti Yakobo bot i to ’dupien, iŋkoi, nan wowon konyen ko kötumit na Yisaraele ’bukuluŋ; a nan mo yinöni kogwon karin kwe nake na rurwan.

Ejikele 39:27

A i diŋit na momoruŋdye nan se kaŋo i jurön ti merok kase, i kiden na gweyajin ti ŋutu a joŋdi se mede nu, a nan mo kweji mugun a loke kogwon kulya kase a jurön jore memeddya.

Ejikele 39:28

A lepeŋat mo deŋdi adi nan logon a MATAT ŊUN lose, kogwon nan köju a son lepeŋat i to ’dupien i kiden na jurön, a nan mo nyökuŋdye se bot i pirit na geleŋ kase i jur lomore. A nan mo tine pitökin lele lose bot kwöŋ i kiden na jurön.

Ejikele 39:7

A nan mo tiŋdi ŋutu kwe Yisaraele i deŋdya na karin kwe nake na rurwan, a nan mo tine kölökiŋdyö karin kwe nake na rurwan i körö köti kwöŋ, a jurön mo deŋdi adi nan logon a MATAT ŋilo Loke lo Yisaraele.

Daniele 2:47

A mor kulyani ko Daniele adi, ’Diri gwak ŋun ilot a Ŋun lo ŋunyen ko a duma lo moran, ko a kakweyanit lo Iwono, kogwon do a den kweja na Iwono.

1 Petero 2:9

Ama ta a kötumit na wulwe, a koanejin ti mor, a jur lo gelwe a loke, ko a ŋutu lomoriot ti Ŋun, anyen ta böŋö tokuoddu konesi na ’but parik nakwekwelen ti lepeŋ logon aje lupuŋdya ta kaŋo i mudwe anyen po i parara nanyit sorit lo.

1 Petero 3:15

ama twöji ta Kristo a Matat kasu i töilyet. Gwe ta ajo ŋupi i nyönyökökiŋdyö na ŋutu liŋ logon pija ta i ŋo na yen ta kine. Ama tokuruki ta se ko tokoyokan se ko twöju.