Ejikele 36:21 - Bibilia Buk na Ŋun nagon koti luŋu a

²¹ Ama a nan delyani karin kwe nake na rurwan, nagon kötumit na Yisaraele aje kör kune i kiden na jurön logon lepeŋat tu kata kulu.

Ejikele 36:21 ပူးပေါင်းရင်းမြစ်များ

Saumajin 103:1

Do töili lio, pupurje MATAT! Ti nan ko mugun nio liŋ pupurje karin kanyit nake!

Saumajin 74:18

Pon MATAT, yeyeji miriku i ’dö ’döju, yeyeji köti ŋutu logon ti twöju do logon laundya karin kunök kilo.

Yisaya 37:35

Kogwon nan mo gaju ŋina köji i lwösiju na lepeŋ, kogwon kulya kwe se ko kulya ti kölipönit liŋ Dawidi.

Yisaya 48:9

Kogwon karin kwe nan a ’dikö i woran nio, kogwon pupura nio a nan teŋgi lepeŋ an ’durökin konut, an nan ko tukaŋu do.

Ejikele 20:14

Ama a nan iŋge kita kogwon kulya ti karin kwe anyen ködyö gwon ti körö i metet na ŋutu ti jurön logon a met nan i joŋdya na se kaŋo kulu.

Ejikele 20:22

Ama a nan goji könin lio, a nan iŋge kita kogwon kulya ti karin kwe, anyen ködyö gwon ti körö i metet na ŋutu ti jurön logon a met nan i joŋdya na se kaŋo kulu.

Ejikele 20:44

Ta kötumit na Yisaraele, ta mo deden adi nan a MATAT i diŋit nagon nan mo ti konakiŋdya ta gwoso i kikolin kasu lorok, se ko i konesi kasu narok na kon ta kine, ama kölumbö a nan mo konakiŋdye ta gwoso nagon jujukin i karin kwe. Ŋilo a kulyaet lio lo MATAT ŊUN.

Ejikele 20:9

Ama a nan iŋge kita kogwon kulya ti karin kwe anyen ködyö gwon ti körö i metet na ŋutu ti jurön logon se ŋutu ti Yisaraele si ’da kase kiden kulu, logon nan a tikin mugun i dena kase i metet na joŋdi nan Yisaraele kaŋo i jur lo Ejipeto köju nu.

Ejikele 39:25

Nyenagon nan MATAT ŊUN lo kulya adi, Soŋinana nan de nyönyökun ŋutu ti Yakobo bot i to ’dupien, iŋkoi, nan wowon konyen ko kötumit na Yisaraele ’bukuluŋ; a nan mo yinöni kogwon karin kwe nake na rurwan.