Ejikele 36:18 - Bibilia Buk na Ŋun nagon koti luŋu a

¹⁸ Nyena a nan iŋge ’bukökin woran nio ko lepeŋat loki kogwon rima nagon se a ’buk i jur kune, koti kogwon nyömuejin logon a punyen logon se a toluddye jur kulo.

Ejikele 36:18 ပူးပေါင်းရင်းမြစ်များ

2 Dekat 34:21

Iti ta i pija na MATAT i kulya kwe se ko ti ŋutu logon a pituŋdyö i Yisaraele ko Yuda kulo, i kulya ti kulyaesi ti buk nagon aje rye ŋina. Woran na MATAT gwe a duma kayaŋ, a iŋge yukokin kayaŋ loki, kogwon merenyejin kaŋ köju a ko ’debba kulyaet lo MATAT anyen koŋdya gwoso i ŋo liŋ nagon a wuröki i ŋina buk kune.

2 Dekat 34:25

Kogwon se aje ko ’yu nan ko aje ’yurakiŋdya kulye ŋunyen bökur, anyen se towoŋa nan ko kitajin liŋ ti könisi kase, nyenagon woran nio mo yuyukokin i ŋina pirit, a mo tine peŋa.

2 Dekat 34:26

A ta kulyani sona ko mor lo Yuda logon a sunyuŋdyo ta i piyuŋdya ko MATAT lo adi, MATAT Ŋun lo Yisaraele lo jambu sona i kulya ti kulyaesi logon do mor aje yiŋ kulo adi,

Yisaya 42:25

Nyenagon a nye ’bukökiŋdye woran nanyit na pape ko riŋit na gor i kötumit na Yakobo, a nye totule ’yi mara kanyit ko kimaŋ, ama a nye tine yeye; a ’yuŋe lepeŋ, ama a nye tine tin kine kulya kanyit i töili.

Yeremia 16:18

A nan mo kiyaŋ riŋge lepeŋat daŋin murek kogwon konesi kase narok se ko toronjin kase, kogwon se aje toluddya jur lio lomore ko nyömuejin kase loron köŋu keri a iŋge tojore lepeŋ ko kitajin kase na mamana.

Yeremia 44:6

Nyenagon a woran nio se ko ŋoma nio ’diköro i köjinö ti Yuda ko i kikolin ti Yerusale­ma, a iŋge tu ’baka ’yu ŋo liŋ; a se gwe a murwöki gwoso i lo lor na.

Yeremia 7:20

Nyenagon nan MATAT Ŋun lo kulya adi, Mete, nan mo ’bu ’bukökin woran nio ko ŋoma nio i na pirit, i ŋutu loki, ko i kijakwa, ko i kaden ti mu ’diŋ, ko i kinyojin ti kak; ŋina woran nio mo tutule a tine bulö peŋa kwöŋ.

Delyasi 2:4

Lepeŋ gwo ’dan gwoso kamonyi ko könin lonyit lo lutaten a rioji i rokuŋdya na dan; a nye iŋge tatu ŋo liŋ nagon meta a na ’but, a nye ’bukokiŋdye woran nanyit nagon gwoso kimaŋ na i kadijik ti köji na Siona.

Delyasi 4:11

MATAT aje woran a tömönik, nye aje koluŋdyo woran nanyit abur; a nye mokakiŋdye kimaŋ Siona a totumbe pipilesi kanyit.

Ejikele 14:19

A ko nan a soŋdu twanti iŋgo i ŋilu jur, a ’bukökiŋdye woran nio kata i tatuja na ŋutu ko toro ’bo—

Ejikele 21:31

Nan mo ’bu ’bukökin woran nio kasu loki, a nan mo kutakiŋdye woran nio na pape kasu loki, a nan mo ŋutukiŋdye ta i könisi ti ŋutu kipajin logon a diniki tukaŋu.

Ejikele 22:20

gwoso nagon ŋutu tutunakiŋdye pödo, ko mölwö, ko witiöt, ko risasi, ko bödili i tuka na, a yuŋge kimaŋ anyen kine ŋo totolu-sökö. Nyena a nan mo pepenakiŋdye ta Yerusalema lukata ko woran se ko ŋoma nio anyen totolusökö.

Ejikele 22:22

Nyena a ta mo tolusököni tolusökö gwoso na tolusökörikin pödö i tuka na, a ta mo dene den adi nan MATAT lo ’bukökiŋdyö woran nio kasu loki.

Ejikele 23:37

Kogwon se aje biryeri ’börik a kalupejin, a könisi kase iŋge ’buköddu rima, iŋkoi, se aje koŋdya toluŋ ko nyömuejin logon a punyen kase, a wukiŋdye se ma ’di ŋwajik logon se a yuŋwekin nan kulo. Kilo ŋwajik tiki se a kinyo lose.

Ejikele 33:25

Nyenagon taki lepeŋat adi, MATAT ŊUN lo kulya adi, Ta nyesu lokore nagon nyuŋ gwon ko rima, a ’bi ’yi konyen kasu ki i twöju na nyömuejin kasu logon a punyen kilo, a tatuje ŋutu; ta ŋona ’diri mo wuwu ŋilo jur a lomore losu le?

Ejikele 39:23

A jurön mo deŋdi adi kötumit na Yisaraele aje joŋa i to ’dupien kogwon toronjin kase, kogwon lepeŋat a dudumuja nan. Nyena a nan iŋge ’de ’ya komor nio ko lepeŋat, a ŋutukiŋdye lepeŋat i könisi ti merok kase, a lepeŋat liŋ totokoni kak ko baŋdujin.

Ejikele 7:8

Nyena, ’de ’de kijek nan mo ’bu ’bukökin woran nio kasu loki, a nan pomani ko ta asut, a ’duŋökiŋdye ta putesi gwoso i konesi kasu, a nan mo ropakiŋdye ta gwoso i konesi kasu na mamana kine.

Naum 1:6

Ko lepeŋ a woran ŋa logon bubulo gwo ’dan? ŋa logon bubulo ŋoŋga woran nanyit na pape? Woran nanyit ’bukuŋdyo kaŋo gwoso kimaŋ. a lelya gwagwalakani gwagwalaka ka ’de ka ’de kanyit i komor.

Kweyatti 14:10

mo köti mömöju binyo nagon a woran na Ŋun, nagon ’buköki a ko ’yulö i koŋo na ŋoma nanyit. A se mo tomieni ko kimaŋ se ko pisek i komor na malaikajin loke se ko na ŋilo Kilolor.