Ejikele 36:15 - Bibilia Buk na Ŋun nagon koti luŋu a

¹⁵ A nan mo köti tine tin do i yiŋga na ŋutu ti jurön i ’da ’daŋu na do, a ŋutu mo köti tine tomijö do ko ’dö ’döyösi, a köti mo tine tiŋdu jur ilot i ’doro kwöŋ. Kilo a kulyaesi kwe ti MATAT ŊUN.

Ejikele 36:15 ပူးပေါင်းရင်းမြစ်များ

Saumajin 123:3

Won konyen koyi ŋon MATAT, won konyen koyi, kogwon yi aje lawe bia parik.

Saumajin 89:50

MATAT, yeyene yeye ’dö ’döyö nio nan köliŋönit ilot; yeyene yeye ŋoŋga nio i töili i kulya ti laundya na gweyajin jore ti ŋutu.

Yisaya 54:4

Ko kujönö, kogwon do mo ti yu kwe; an do ko delya, kogwon do mo tine wuju yu na kwe; kogwon do mo böböŋöri yu na kwe na tukö ’disen inot, a do mo tine yeyeju lawet na tuka-ru ’ben inot köti kwöŋ.

Yisaya 60:14

A ŋwajik ti ŋutu logon yöyöŋgu do kulo mo poŋdi gu ’dula konut ni; a se liŋ logon köju a lauŋdya do kulo mo rosokakine kak konut i mokosi; a se mo luŋgi do a köji nio na MATAT, iŋkoi, a Siona nio nan Loke lo Yisaraele.

Yisaya 63:13

ko a nyömöddu lepeŋat i kiden na kö ’bulwöt. A se tine köpukö mokosi gwoso kusanjin na wörö i sese.

Yisaya 65:19

A nan mo lyölyöŋine ko Yerusalema, a nan mo lyöŋi lyöŋön ko ŋutu kwe; a gwiesi ko luluesi mo tine yiŋa i lukata nanyit köti kwöŋ.

Yeremia 13:16

Bu ’ye ta MATAT ŋun losu i ŋerot nagon nye a ko nyuŋ joŋdya mudwe, a kokwe nagon ta a ko nyuŋ kopuko i merya logon gwoso korikori na kak kulu; ta ga ’yu parara ama a nye mo lopuke a mudwe lurwo adi ’dii.

Yeremia 18:15

Ama ŋutu kwe aje boŋori nan, a lepeŋat ’yurakiŋdye gunyen kana bokur. A kilo gunyen tiŋdi lepeŋat i kopuko kase i kikolin loron a ti ’beron kulu, a tiŋdi se i wöröji i gwokiot ’bayin i kiko duma.

Ejikele 21:28

Ŋuro lo ŋuto, keŋ keju, kulyani adi, MATAT ŊUN lo kulya ko ŋutu ti Amon logon a kalaak kulo adi, Baŋdu aje ’dutwe kaŋo anyen tatatuarikin, baŋdu aje poto anyen kokobbu, ko anyen meme ’yu gwoso meme’dekta na ki!

Ejikele 22:4

Do ŋina köji gwon ko toron kogwon rima na ’bukörö ŋutu kulök kune, a do iŋge toluta ko nyömuejin lo teten ŋutu kulök kulo. Do aje ’duŋgö perok kulök ku ’dik, kipajin kulök ti ’dutet gwe nyona. Nyenagon nan aje kon do a po nagon gweyajin ti ŋutu ’dö ’dö ko a po nagon jurön kwekweni ’e.

Ejikele 34:29

A nan mo tiŋdi lepeŋat meleseno nagon gwon ko kujöŋ na ’but, anyen lepeŋat mo gwon ti twatwa ko magor kase i jur, a ŋutu ti jurön köti mo tine tomijö se ko ’dö ’dö-yösi.

Ejikele 36:14

nyena a do mo köti tine tatuja ŋutu kwöŋ, a do mo köti tine tolikiŋdyö ŋwajik ti ŋutu kulök konut lukata kulo, ŋilo a nan MATAT Ŋun lo kulya.

Ejikele 36:16

A kulyaet lo MATAT poki koyö adi,

Ejikele 36:6

Nyena keŋ keju i kulya ti jur lo Yisaraele. Taki merya, ko lurwat, ko karya, se ko piritön na ’dir kune adi, MATAT ŊUN lo kulya adi, Mete ta, nan jambi i yulön nio na pape, kogwon ŋutu ti jurön a tomijö ta ko ’dö ’döyösi.

Ejikele 36:7

Nyenagon nan MATAT ŊUN lo kulya adi, Nan a milyeju adi, ’Diri ’diri jurön logon dipö ko ta kilo, lepeŋat ko ’börik mo tomiö ko ’dö ’dö-yosi.

Ejikele 38:18

Nan MATAT ŋun lo kulya adi, I lor lo pöri do Goga i mörö ko jur lo Yisaraele nu, a woran nio mo yune yu.

Yoele 2:19

A MATAT waddi ŋutu kanyit adi, Mete ta, nan susunyukin ta ’bolot, ko binyo, se ko welet, a ta mo yimononi yimönö, a nan mo koti tine tiŋdu ta i ’do’doyo kwoŋ i kiden na juron.

Jepania 2:8

Nan MATAT aje yiŋ ŋutu ti Moaba i momoröju se ko ŋutu ti Amon i ’dö ’döju ko i lauŋdya na ŋutu kwe, nan a yiŋ bu ’ya nase na ’börik i riŋuŋdya na kak na ŋutu ti Yisaraele anyen ’ya ’yu kak nase.

Jepania 3:15

MATAT aje jöŋga kaŋö ’duŋesi nagon a ’duŋöki ŋutu kulök arabat kune, nye aje rikoddu merok kulök kaŋö. MATAT logon a mor lo Yisaraele gwon konut kiden, a ŋutu kulök mo köti tine kujönö nene ŋö naron kwöŋ.