Ejikele 35:9 - Bibilia Buk na Ŋun nagon koti luŋu a

⁹ A nan mo koŋdi jur losu a murwö ŋupi, a köjinö kasu mo tine si ’darikin. A kirut ta mo deŋdi adi nan logon a MATAT.

Ejikele 35:9 ပူးပေါင်းရင်းမြစ်များ

Saumajin 109:17

Leŋeŋ nyanyar lömbu, nyena ti nye lömöni lömö! Leŋeŋ ti nyar ’boroja, nyena ti nye gwe ti ’boria!

Yeremia 49:13

Kogwon nan MATAT lo milyeju ’diŋdya mugun adi, ’Diri ’diri Bosera mo wora a ŋo torigwökit, ko a ’diuket, ko a murwö, ko a lömit; a turön kanyit liŋ mo gwe a murwö ŋupi.

Yeremia 51:62

Kulyani adi, Pon MATAT, do aje jambu adi do mo kökör na pirit asut, anyen ŋutu kode kijakwa mo gwon ti si ’da kata kwöŋ, a nye mo yeŋe a murwö ŋupi.

Ejikele 25:13

nyenagon nan MATAT ŊUN lo kulya adi, Nan mo ririörö könin lio i jur lo Edom, a mo tu ’baka ’yi ŋutu se ko kijakwa i lukata nanyit. A nan mo koŋdi lepeŋ a murwö suluja Teman ma ’di tojo ko Dedan, a se mo totokoni kak ko baŋdujin.

Ejikele 32:29

Edom ko moran kanyit se ko ŋutu kanyit liŋ logon a kasarak kulo gwon nyu. Ma ’di nagon se a ti riŋitön se a topiriki i pirit na geleŋ ko ŋutu logon a tatua ko baŋdujin kulo; iŋkoi, lepeŋat a topiriki i kiden na ŋutu logon a lawe a ko tawero, logon aje tu kak i dili nagon ’bak ’dutet kulo.

Ejikele 35:4

A nan mo koŋdi köjinö kasu a rubajin, a jur losu mo konani a murwö; a ta mo deŋdi adi nan logon a MATAT.

Ejikele 36:11

A nan mo tuŋdije ŋutu ko kijakwa kasu pini, a se mo ŋdine ŋdi jore parik, a nan mo tiŋdi ta i si ’darikin gwoso i diŋit na ’beron köju nu, a nan mo konakiŋdye ta ’bura lwölwöŋ na köju nu, a kirut ta mo deŋdi adi nan logon a MATAT.

Ejikele 37:6

A nan mo to ’depakiŋdye ta murilö, a lokore na mugun mo juuŋdye juuŋdya kasu, a nan mo muŋge ŋina lokore ko ’böriköt, a tiŋdi köbuŋöt kasu i mugunya anyen ta yuyukan, a ta mo gwe jörun; a ta mo deŋdi adi nan logon a MATAT.

Ejikele 6:14

A nan mo riöddi könin lio kase loki, a mo koŋdi jur lose a murwö i piritön liŋ nagon se sisi ’dari kune, iŋkoi, a naron parik lwölwöŋ yöbu na sese na gwon nyona ko Ribila. A kirut lepeŋat mo dene den adi nan logon a MATAT.

Ejikele 6:7

A ŋutu lo tatua mo ’do ’done kasu kiden, a ta mo dene den adi nan a MATAT.

Ejikele 7:4

A nan mo tine pitökin ta, a nan mo tine won konyen ko ta kwöŋ, ama nan mo roropakin ta konesi kasu se ko konesi kasu na mamana nagon ta nyuŋ kökon kine. A kirut ta mo dene den adi nan logon a MATAT.

Ejikele 7:9

A nan mo tine pitökin ta, a nan mo tine won konyen ko ta kwöŋ, a nan mo ropakiŋdye ta konesi kasu se ko konesi kasu na mamana nagon ta nyuŋ kökon kine. A kirut ta mo dene den adi ŋilo a nan MATAT lo riŋga ta.

Obadia 1:10

A do mo gwe ko yu na kwe a duma parik kogwon ŋonyan nagon a konaki kotumit na luŋaser ilot Yakobo na, a do mo ’dupojine kaŋo a tömönik,

Jepania 2:9

Nyenagon nan MATAT lo kurumi Ŋun lo Yisaraele lo kulya adi, ’Diri ’diri gwoso na gwoŋdi nan na, ko ŋina kwe Moaba mo wora gwoso Sodoma, a ŋina ŋutu ti Amon mo gwe gwoso Gomora, kweja adi a gwe a yobu na lo ’yu ’yuri ko a ’balan, ko a murwo ŋupi. A ŋinautu kwe ti MATAT logon a pitu-ŋdyo kulo mo ryaggi lepeŋat, iŋkoi, pitono ti ŋina ŋutu kwe lo pitu-ŋdyo kulo mo ruddya jur lo kulu ŋina ŋutu.