Ejikele 35:6 - Bibilia Buk na Ŋun nagon koti luŋu a

⁶ nyenagon nan MATAT ŊUN lo kulya adi, ’Diri ’diri gwoso na gwoŋdi nan na, nan mo tetenakin ta i tatua, a rima na ’buköro ta kune mo kepoddi ta, iŋkoi, ta a ’buköddu rima, nyena a rima mo kepoddi ta.

Ejikele 35:6 ပူးပေါင်းရင်းမြစ်များ

Yisaya 34:3

A lo tatua kase mo gubajine kaŋo, a mön na öpuö kase mo möara ki; a merya mo ’doke ’dokon kö rimakase.

Ejikele 16:38

A nan mo ’duŋö-kiŋdye do gwoso i putet lo ŋutu wate nagon a diniki toluŋ ko i ’buköddu na rima, a nan mo ropakiŋdye do i yinö nio ko woran.

Ejikele 32:6

A naŋ mo popoggi kak ko rima kunök na ’do ’dokon ma ’di tojo ko merya, a luruki mo jorene jore ko öpu inot.

Ejikele 35:7

A nan mo koŋdi mere Seir a ruba ko a murwö. a nan mo tu ’baka ’yi kata ŋo liŋ lo popo ko lo tutu.

Obadia 1:15

Kogwon lor lio lo MATAT mo gwe nyona i gweyajin liŋ ti ŋutu. A do mo konakine sona koti gwoso na koŋdi do na, a konesi kunok mo yitokine konut i kwe.

Matayo 7:2

Kogwon liliet nagon ta lileŋ na mo liliki i ta, a temet nagon ta yeŋ temakiŋdye kulye ŋutu na nye mo köti na temaki ’e ta.

Kweyatti 18:24

Kine kulya ŋokin sona kogwon rima ti nebijin, ko ti ŋutu ti Ŋun, se ko ti ŋutu liŋ lo tatua i kak ni kulo iŋge rye i lukata na ŋina köji.

Kweyatti 18:6

Konaki ta lepeŋ gwoso na konakiŋdye nye kulye ŋutu na. Ropaki ta lepeŋ daŋin murek kogwon oŋ na kon nye kune. ’Yulöki ta lepeŋ i koŋo nagon nye yeŋ ’yulokiŋdye kulye ŋutu na.