Ejikele 35:15 - Bibilia Buk na Ŋun nagon koti luŋu a

¹⁵ Nyena nan mo kokonakin jur losu gwoso na lyöŋgi ta ko jur lomore lo kötumit na Yisaraele kogwon nye a kona a murwö. Do mere Seir, iŋkoi, do jur lo Edom liŋ mo gwon a murwöki kweja adi i swötön kulök liŋ. A kirut ŋutu mo deŋdi adi nan logon a MATAT.

Ejikele 35:15 ပူးပေါင်းရင်းမြစ်များ

Saumajin 137:7

Pon MATAT, yiyiundye toron na ŋutu ti Edom i lor lo telari Yerusalema lu, na kulyari se adi, Duke ta lepeŋ kak, duke ta kak tojo ko ŋiŋilesi kanyit gwak!

Tolupesi 17:5

Ŋuto logon kwekweni ko lomeri-ka laundya ŋun lo gweja lepeŋat lo, a nye lo nyola ko ŋutu lo totomie lo mo tine tu kana ’bak riŋet.

Yeremia 50:11

Ta karyakak lo ryaggu ŋutu kwe lomoriot kilo, ma ’di ködyö ta lyölyöŋi, ma ’di ködyö ta nyonyola, ma ’di ködyö ta wörö abur gwoso tagwok i döru kata, ma ’di ködyö ta wuwuŋi gwoso kusanjin kaluwak,

Delyasi 4:21

Ta ŋutu ti Edom logon si ’da i jur lo Usa kilo, lyoŋi ta lyoŋon ko nyolani ta nyola; kolumbo dikori na woran na ŋun mo ’du ’durökin a kiyuk kasu i jur, a ta mo mere meran, a mo yoköji ’borik ’buson.

Ejikele 25:6

Nyena nan MATAT ŊUN aje jambu adi, Kogwon ta aje naŋgu könisi kasu, a lame lam, a lyöŋi lyöŋön ko ’dö ’döju kasu i töilyet i maŋdu na jur lo Yisaraele,

Ejikele 32:29

Edom ko moran kanyit se ko ŋutu kanyit liŋ logon a kasarak kulo gwon nyu. Ma ’di nagon se a ti riŋitön se a topiriki i pirit na geleŋ ko ŋutu logon a tatua ko baŋdujin kulo; iŋkoi, lepeŋat a topiriki i kiden na ŋutu logon a lawe a ko tawero, logon aje tu kak i dili nagon ’bak ’dutet kulo.

Ejikele 35:9

A nan mo koŋdi jur losu a murwö ŋupi, a köjinö kasu mo tine si ’darikin. A kirut ta mo deŋdi adi nan logon a MATAT.

Ejikele 36:1

Nyena do ŋuro lo ŋuto, keŋ keju, taki merya ti Yisaraele adi, Ta merya ti Yisaraele, yiŋge ta kulyaet lo MATAT.

Obadia 1:1

Ŋina a ŋo na met Obadia kanyit i toili na. Kilo a kulyaesi ti MATAT Ŋun i kulya ti Edom. MATAT aje soŋdu luyökie i kiden na gweyajin ti ŋutu, a yi yiŋge lore lonyit adi, Ŋine ta ki, ti yi ŋiki ta i mörö ko Edom.

Obadia 1:12

Ama do kodyo ti lyoŋon i med-dya na lor delyaet lo lupösurök, do kodyo ti kwekweni ko ŋutu ti Yuda i lor lose tukaret; a do kodyo tine jambu a lulayak i lor delyaet.

Obadia 1:15

Kogwon lor lio lo MATAT mo gwe nyona i gweyajin liŋ ti ŋutu. A do mo konakine sona koti gwoso na koŋdi do na, a konesi kunok mo yitokine konut i kwe.

Marako 3:8

ko Yerusalema, ko i kak na Idumea, ko i nu pele na Yardene, se ko ŋutu ti jur lo Turo ko Sidona. Kilo ŋutu jore parik a tu ko lepeŋ yu kogwon se a yiŋ liŋio ti ŋo liŋ nagon lepeŋ aje kon kune.