Ejikele 35:10 - Bibilia Buk na Ŋun nagon koti luŋu a

¹⁰ Ta kulya adi, kulu gweyajin murek ti ŋutu, kweja adi kulu jurön murek mo gwon a kasu, a ta mo morgi se a lomo-riot kasu, ma ’di ködyö nan MATAT gwon nyu.

Ejikele 35:10 ပူးပေါင်းရင်းမြစ်များ

Saumajin 76:1

Ŋun dedena i Yuda, karin kanyit a temejik i Yisaraele.

Saumajin 83:13

Pon Ŋun lio, kondi lepeŋat gwoso ŋutu na witö ko libibiu, gwoso ŋudi na wuköji ko köbuŋöt.

Yisaya 12:6

Ta lo si ’da Siona kulo, maraŋgi ta ko gwililije ta kogwon lyöŋön, kogwon Ŋilu Loke lo Yisaraele a duma kasu kiden.

Yisaya 31:9

A lurutat lose mo wusaddi ko kujönö, a temejik ti kamörök kase logon a kujönö kulo mo wöki kaŋo i mukök na beret nase, Matai lo kulya kine kulya, logon kimaŋ nanyit gwon Siona a namet nanyit gwe Yerusalema lo.

Yeremia 49:1

’Dolet i kulya ti ŋutu ti Amon. MATAT lo pija adi, Yisaraele ŋona ’bak ŋwajik lulyan le? Lepeŋ ŋona ’bak ŋuro lo ruddya ŋo kanyit le? Ko nyo nagon Milikom aje ruddya Gada? Ko nyo nagon ŋutu ti Amon si ’da i köjinö ti Gada?

Ejikele 26:2

Ŋuro lo ŋuto, kogwon Turo a ’dö ’döju i kulya ti Yerusalema adi, Aha! Nye nagon a kötumit na tiri ŋutu ti jurön na aje ’beleŋo, kötumit nanyit aje paki nan; lepeŋ aje kona a murwö, a nan mo worani a kwörinit.

Ejikele 36:2

Nan MATAT ŊUN lo kulya adi, Merok a kweni ko ta adi, Aha! piritön nagon a ko ’dulan na yeŋ nyin kune gwe a kaŋ.

Ejikele 36:5

Nyenagon nan MATAT ŊUN lo kulya adi, I yulön nio na pape nan jambu po narok i kulya ti kulye jurön, kegga nan jambu i kulya ti Edom. Ŋutu ti Edom ’de ’dekan jur lio a lose, lepeŋat lyölyöpi ko töilyet liŋ jambu ’da ’daresi, anyen morga jur a ryaggi nye.

Ejikele 48:35

A temet na köji ’bukuluŋ gwe a lokiliŋan aliŋan puök wot budok. Nyena suluja i ŋilu lor tojo ko ŋupi, a ŋina köji mo luŋuni adi MATAT-kata-ni.

Yoele 3:2

a nan mo momoruŋdye jurön liŋ, a mo joŋdi se kak i pirit na ’dir na Yosepata, a nan mo ’duŋokiŋdye putet nyu kogwon kulya ti Yisaraele logon a ŋutu kwe lomoriot, kogwon se a torekin lepeŋat i kiden na jurön, a iŋge kökörö jur lio.

Amosa 1:13

Nan MATAT lo kulya adi, Nan mo ti lopuk riŋet, kogwon ŋutu ti Amon a koŋdya aka toronjin jore; kogwon se aje kikilija ŋutu wate na gwon ko pelela Gilada yu, anyen se tugalaŋgu lokökorit lo jur lose.

Obadia 1:11

I ŋilu lor logon do a gwo ’di ’e a wok. i lor logon lwaka aje yekara tukwo-rien nanyit, a juron luponi kanyit i kotumiton a gumbe guralan i kulya ti Yerusa-lema, a do gwe a lele lose.

Obadia 1:13

Do kodyo ti lupöri kotumit na ŋutu kwe i lor lose logusu; a do kodyo tine lyöŋön i meddya na delyaesi kase i lor lose logusu, a do kodyo tine ryaggu toro ’bo kase i lor lose logusu.

Jepania 3:15

MATAT aje jöŋga kaŋö ’duŋesi nagon a ’duŋöki ŋutu kulök arabat kune, nye aje rikoddu merok kulök kaŋö. MATAT logon a mor lo Yisaraele gwon konut kiden, a ŋutu kulök mo köti tine kujönö nene ŋö naron kwöŋ.

Jakaria 2:5

Kogwon MATAT lo kulya adi, Nan mo gwon kanyit a mariŋ nagon a kimaŋ, a nan mo gwe a minyo kanyit kiden.

Kenet 35:34

Ta ködyö ti toluddya jur logon ta si ’da kata lu. logon nan si ’da i kiden nanyit lu; kogwon nan MATAT si ’da i kiden na ŋutu ti Yisaraele.