Ejikele 34:28 - Bibilia Buk na Ŋun nagon koti luŋu a

²⁸ A jurön mo tine ryaggu lepeŋat köti, a gwuruŋin ti mu ’diŋ mo köti tine koja lepeŋat; a lepeŋat mo si ’dani ’bura lele ŋo ’bayin lo tokujöŋdu se.

Ejikele 34:28 ပူးပေါင်းရင်းမြစ်များ

Eyobo 11:19

A do mo pirikine kak a lele ŋuto mo gwe ’bayin lo tokujöŋdu do; a nutu jore mo mo ’yi ’busan konut.

Yisaya 32:18

A ŋutu kwe mo si ’dani i piritön ti taliŋ, ko i kadijik nagon se gwon ’bak kujönö, ko i yukaesi ti taliŋ.

Yeremia 30:10

Do Yakobo köliŋönit lio, an do ko kujönö, iŋkoi, do Yisaraele, an do ko delya, ŋilo a nan MATAT lo jambu.Kogwon nan mo lwölwökun do pajo nyu, iŋkoi, nan mo lwölwökun nyakwa­riat kulök i jur lo gwoŋdi se a ’dupi lu. Kötumit inot na Yakobo mo yiyitwe, a mo si ’dani ’bura ko taliŋ, a lele ŋuto mo gwe ’bayin lo tokujöŋdu se.

Yeremia 32:37

Mete, nan mo pepenun lepeŋat i jurön liŋ logon nan a riköddu se kata ko ŋoma ko yulön se ko woran duma kulu; a nan mo nyökuŋdye se bot i na pirit, a nan mo tiŋdi se i gwolor ’bura ’bak nene ŋo.

Yeremia 46:27

Ama do Yakobo köliŋönit lio, an do ko kujönö, iŋkoi, do Yisaraele, an do ko delya, kogwon nan mo lwölwökun do pajo nyu, iŋkoi, nan mo lwölwökun nyakwa­riat kulök i jur lo gwoŋdi se a ’dupi lu. Kötumit inot na Yakobo mo yiyi­twe, a mo si ’dani ’bura ko taliŋ, a lele ŋuto mo gwe ’bayin lo tokujöŋdu se.

Ejikele 34:25

A nan ko se mo teteŋdi tomoret na taliŋ; a nan mo tu ’baka ’yi gwuruŋin i jur, anyen ŋutu kwe böŋö gwolor ’bura i yöbu a dotoni ’bura i ruduö.

Ejikele 34:29

A nan mo tiŋdi lepeŋat meleseno nagon gwon ko kujöŋ na ’but, anyen lepeŋat mo gwon ti twatwa ko magor kase i jur, a ŋutu ti jurön köti mo tine tomijö se ko ’dö ’dö-yösi.

Ejikele 34:5

Nyena a lepeŋat iŋge rekin kogwon kayukunit ’bayin, a lepeŋat iŋge kölöki i nyei ko gwuruŋin.

Ejikele 34:8

Nan MATAT ŊUN lo kulya adi, ’Diri ’diri gwoso na gwoŋdi nan na, kogwon köbilu kwe aje kölöki i kokoa, iŋkoi, köbilu kwe aje nyei ko gwuruŋin, kogwon kayukunit ’bayin; köti kogwon ŋutu kwe logon a kayukuk a ko galaddu köbilu kwe, ama lepeŋat deŋdi tunyeju ’borik, a gwe a ko tunyeju köbilu kwe;

Ejikele 36:15

A nan mo köti tine tin do i yiŋga na ŋutu ti jurön i ’da ’daŋu na do, a ŋutu mo köti tine tomijö do ko ’dö ’döyösi, a köti mo tine tiŋdu jur ilot i ’doro kwöŋ. Kilo a kulyaesi kwe ti MATAT ŊUN.

Ejikele 36:4

Nyenagon ta merya ti Yisaraele, yiŋge ta kulyaesi kwe ti MATAT ŊUN, na kulyari nan ko merya, ko lurwat, ko karya, ko piritön na ’dir, ko piritön nagon a murwoki, ko köjinö nagon aje kölöki kana ’bak ŋutu ko a ryaka, nagon ŋutu ti kulye jurön lo didipö kulo ’dö ’dö se.

Ejikele 39:26

A i diŋit nagon se köti mo si ’dani ’bura kase i jur nu, a ŋutu mo gwe ’bayin lo tokujöŋdu se, a se mo böŋöni yu nase na kusik se ko dumesi liŋ nagon se köju a dudumuje nan kune.

Osea 11:11

se mo ŋoŋo ko pusök köyö ni Ejipeto yu böböpuŋdyö gwoso kwen a ŋoŋdi i jur lo Asura yu gwoso gureki; a nan mo nyökökiŋdye se kase i midijik. Kilo a kulyaesi kwe ti MATAT.

Amosa 9:15

A nan mo nyöggi ’yuddu lepepat kase i jur, a lepepat mo köti tine gwunye kaŋo kwön i jur logon nan aje tikin lepeŋat lo. Kilo a kulyaesi kwe ti MATAT Ŋun losu.

Jepania 3:13

a se mo tine koŋdya nene ŋo naron, a tine jambu ’burönö, a kulyaesi mumulukesi mo tine rye kase i kutusen; kogwon se mo nyenyesu a pere kak ’bak ŋutu lo tokujöŋdu se.

Jakaria 8:12

A taliŋ ko kulya na ’but mo weyani weya; a ködini lo binyo mo rade ludweki kanyit, a kak mo rade radan, a ki mo lilimbe lilimba; a nan mo tiŋdi pitönö ti kilo ŋutu i ruddya na kine ŋo liŋ.