Ejikele 34:27 - Bibilia Buk na Ŋun nagon koti luŋu a

²⁷ A kaden ti mu ’diŋ mo rade ludweki kase, a kak mo topunuŋdye ŋo kanyit, a lepeŋat mo gwe ’bura kase i jur. Lepeŋat mo deden adi nan logon a MATAT i diŋit na ’be ’beleŋgi nan kaden gwolor kase i murutö nu, a lwökuŋdye lepeŋat i könisi ti ŋutu lo ri ’dikiŋdya se i gwon a ’dupi kulu.

Ejikele 34:27 ပူးပေါင်းရင်းမြစ်များ

Eyobo 5:23

kogwon do mo totorukökin ko ŋurupo gwoso ŋutu adi se mo ti gwon jore parik konut i meleseno, a kijakwa ti mu ’diŋ mo gwe a julin kulok.

Saumajin 67:6

Nyenagon kak aje radan; do Ŋun likaŋ a ’boroja yi.

Saumajin 85:12

Iye, MATAT mo titindu ŋo nagon a na ’but, a jur likaŋ mo rade radan ludweki.

Tolupesi 3:24

Ko do a si ’daki kak a do mo tine kujönö; a na piriki ’e do kak i doto nu, a doto inot mo gwe paleleŋ.

Yisaya 10:27

a mo gwe sona i ŋilu lor adi, ŋo na sopakin nye nu mo ’dumaji kaŋo kasu i gelya, a gwuluŋi lonyit mo koroni kasu i muruto. Miriku a ŋien i swot lo Rimon,

Yisaya 35:9

A kömiruöt mo tine gwon nyu, kode gwuruŋin lo maŋora mo tinekiyaddu i ŋilu kiko; ma ’di geleŋ mo tine rye nyu, ama ŋutu logon Ŋun a dakun kilo mo lo wörö nyu.

Yisaya 4:2

A i ŋilo lor a wilun na MATAT mo gwe gwoso kene nakwekwelen ko na bubula, a ludweki ti kak mo gwe a todumalesi ko a kwelenyesi i ŋutu ti Yisaraele lo lwököddu ’börik kilo.

Yisaya 61:3

i tetenakiŋdya na se lo dedelya i Siona, i tiŋdu na lepeŋat jibia ti kusik i pirit na kurök, ko welet lyögit i pirit na delya, ko boŋgwat pupuresi i pirit na ködudwölön na dododdya; a se mo luguni a kaden ti löti lo rigwo, logon MATAT a ’yut anyen nye böŋö bubula.

Yisaya 9:4

Kogwon do aje ’beleŋgu gwuluŋi lo soparikin lepeŋat, ko ture lo gwutörikin ki ’dirinö kase, ko puri lo kasasanyanit lose, gwoso i lor lo Midiyan köju nu.

Yeremia 2:20

Köju ’beron do a ’beleŋgu gwuluŋi ilota gigiŋdye nekenejin nagon torarikin do kune; a do kulyani adi, Nan ti ’bön kita. Iŋkoi, a do dulakiŋdye mugun kak i ko ’dulan ti merya liŋ, ko i mukökö ti kaden liŋ lo rurwan. a do biryeri mugun gwoso kalupe i twöju na kulye ŋunyen.

Yeremia 23:4

A nan mo wuluŋdye kayukuk logon mo yuggu se, a köbilu kwe mo tine kujönö köti, kode delya, a nene nase mo tine likin köti. Kilo a kulyaesi kwe ti MATAT.

Yeremia 25:14

A jurön jore ko moran temejik mo konakiŋdye ma ’di lepeŋat i gwon a ’dupi, a nan mo ropakiŋdye lepeŋat konesi kase na kon se kune.

Yeremia 27:7

Jurön liŋ mo kitakiŋdya lepeŋ ko ŋuro lonyit se ko ŋuro lo ŋuro lonyit, tojo ko diŋit na jur lonyit a po, a kirut jurön jore ko moran temejik mo koŋdi lepeŋ a ’dupiet lose.

Yeremia 30:8

Nan MATAT lo kurumi lo kulya adi, I ŋilu lor nan mo ’be ’beleŋ kaden gwolor lo gwon kase i murutö kulo, a nan mo gigiŋdye patala kaŋo kase; a Lwaka köti mo tine tokitaju se a ’dupi kase.

Ejikele 28:25

Nan MATAT ŊUN lo kulya adi, I diŋit na pepenuŋdye nan kötumit na Yisaraele i gweyajin ti ŋutu logon lepeŋat a tore aji kata kulu nu, a nan mo kwekiŋdye kelan nio kase kiden a ŋutu ti jurön memeddya, a kirut lepeŋat mo si ’dani i jur lose logon nan köju a tikin köliŋönit lio Yakobo lu.

Ejikele 30:18

A tuparan mo gwe a mudwe i Takapenesa, i diŋit na ’beleŋgi nan gwuluŋi saret lo Ejipeto nyu nu, a riŋit nanyit nagon nye bu ’ye mugun na mo ’bakani ’baka; a ’dikolo mo muŋge lepeŋ, a ŋwajik kanyit nawate mo joŋani i to ’dupien.

Ejikele 33:29

A kirut lepeŋat mo deŋdi adi nan logon a MATAT, i diŋit nagon nan aje koŋdya jur a murwö ko a ruba nu, kogwon po kase liŋ na mamana nagon lepeŋat aje kon kune.

Ejikele 34:10

Nan MATAT ŊUN lo kulya adi, Mete ta, nan a miriku losu lo kayukuk; a nan mo luŋgi köbilu kwe kasu i konisi; a nan mo teŋgi ta i tunyeju na köbilu; a ta kayukuk köti mo tine tunyeju ’borik asut; a nan mo ryakuŋdye köbilu kwe kaŋo kasu i kutusen anyen gwon ’bayin a kinyo losu.

Ejikele 34:25

A nan ko se mo teteŋdi tomoret na taliŋ; a nan mo tu ’baka ’yi gwuruŋin i jur, anyen ŋutu kwe böŋö gwolor ’bura i yöbu a dotoni ’bura i ruduö.

Ejikele 34:29

A nan mo tiŋdi lepeŋat meleseno nagon gwon ko kujöŋ na ’but, anyen lepeŋat mo gwon ti twatwa ko magor kase i jur, a ŋutu ti jurön köti mo tine tomijö se ko ’dö ’dö-yösi.

Ejikele 36:29

A nan mo lwökuŋdye ta kaŋo i konesi kasu liŋ nagon a lut kine, a nan mo saŋi ’bolot anyen radan jore, a nan mo tine jakiŋdya ta dyaŋ.

Ejikele 36:30

a nan mo tiŋdi ludweki ti kaden se ko ŋo liŋ lo toran i meleseno i radan jore, anyen ŋutu ti jurön köti böŋö gwon ti ’dö ’doju ta kwöŋ i kulya ti magor.

Ejikele 36:8

Ama ta merya ti Yisaraele, kenia kasu mo wiwilan, a mo rade ludweki a ti ŋutu kwe Yisaraele, kogwon lepeŋat mo yiyito mede i diŋit a na ’dit.

Ejikele 38:11

A do mo kulyani adi do mo tu i mörö ko jur logon turön kanyit a ko gömö ko goroma nagon a maripan, a do mo ’dorone i ŋutu logon ti mörö, logon si ’da kata ’bura ’bak kujönö kulo, kweja adi, kilo a ŋutu logon si ’da ’bak goroma nagon a maripan a gwe ’bak kötumitön ko rigilesi kulo.

Ejikele 38:8

A i mukök na perok jore a ta mo lupuni lupu i mörö; iŋkoi, a i kiŋajin ti ’dutet a ta mo lupöni i mörö ko jur logon a nyököki i gwolor nanyit na kokwe i mukök na mörö, kweja adi ŋilo a jur logon ŋutu kanyit aje po kaŋo i jurön jore a momorakiŋdye i merya ti Yisaraele logon yeŋon a rubajin ko diŋit a najo kulo. Kilo ŋutu köju a jwe kaŋo i jurön, lepeŋat liŋ soŋinana si ’dani ’bura ’bak kujönö;

Ejikele 39:26

A i diŋit nagon se köti mo si ’dani ’bura kase i jur nu, a ŋutu mo gwe ’bayin lo tokujöŋdu se, a se mo böŋöni yu nase na kusik se ko dumesi liŋ nagon se köju a dudumuje nan kune.

Ejikele 39:28

A lepeŋat mo deŋdi adi nan logon a MATAT ŊUN lose, kogwon nan köju a son lepeŋat i to ’dupien i kiden na jurön, a nan mo nyökuŋdye se bot i pirit na geleŋ kase i jur lomore. A nan mo tine pitökin lele lose bot kwöŋ i kiden na jurön.

Ejikele 47:12

A gwe-yarijin liŋ ti kaden logon ludweki kase nyenyei kulo mo ’duŋe i kijitön ti ŋilo kare i swötön kanyit liŋ murek. Koropo kase mo ti teteyon, a ludweki kase mo tine jaran i toran, ama se mo radan ludweki logon a ludukö temba i yapa, kogwon pioŋ kase ’dukun i pirit nake na rurwan. Ludweki kase mo gwon a kinyo, a koropo kase mo gwe a tolikesi.

Osea 11:11

se mo ŋoŋo ko pusök köyö ni Ejipeto yu böböpuŋdyö gwoso kwen a ŋoŋdi i jur lo Asura yu gwoso gureki; a nan mo nyökökiŋdye se kase i midijik. Kilo a kulyaesi kwe ti MATAT.

Osea 2:20

A nan mo yemuŋdye do a mo tine loruggo; a do mo deŋdi nan MATAT.

Lewi 26:13

Nan logon a MATAT ŋun losu logon a joŋdya ta kaŋo i jur lo Ejipeto, an ta ködyö yeŋon gwon a ’dupi ti kulu ŋutu; a nan aje ’beleŋgu ködini gwuluŋi losu a tiŋdi ta i wörö gwogwo.

Lewi 26:4

nyena a nan mo tiŋdi ta kuduöt i diŋitan kase, a kak mo tore toran, a kaden ti mu ’diŋ mo rade ludweki kase.

Lewi 26:6

A nan mo tiŋdi jur i gwon taliŋ, a ta mo pere kak i doto, a lele ŋuto gwe ’bayin lo tokujöŋdu ta. A nan mo tiŋdi gwuruŋin i gwon ’bayin i jur, köti a merok tine po i köŋu na jur losu.

Jakaria 8:12

A taliŋ ko kulya na ’but mo weyani weya; a ködini lo binyo mo rade ludweki kanyit, a kak mo rade radan, a ki mo lilimbe lilimba; a nan mo tiŋdi pitönö ti kilo ŋutu i ruddya na kine ŋo liŋ.