Ejikele 34:24 - Bibilia Buk na Ŋun nagon koti luŋu a

²⁴ A nan MATAT mo gwe a ŊUN lose, a koliŋonit lio Dawidi mo gwe a kasaranit kase kiden. Nan MATAT aje jambu.

Ejikele 34:24 ပူးပေါင်းရင်းမြစ်များ

Saumajin 2:6

Nan aje tosi ’dakindya ŋuto lio logon nan aje welakin a mor lo, i mere lio loke logon a Siona.

Yisaya 55:3

Togwo ’yi ta swö kasu ko poŋdi ta köyö ni; yiŋge ta nan, anyen ta böŋö ruru; a nan mo teteŋdi tomoret na yeŋ nyin ko ta, i nyaŋu na ta ko to ’diri gwoso na nyaŋi nan Dawidi köju nu.

Yisaya 55:4

Mete, nan köju a tiridu lepeŋ i gwon a katokuönit i gweyajin ti ŋutu, ko a kanyömönit ko a kasaranit lo gweyajin ti ŋutu.

Yeremia 30:21

A matat lose mo gwe a ŋuto lose, iŋkoi, a lele lose mo puku i saŋuna se. A nan mo tiŋdi lepeŋ i mijun köyö nyona, a nye mo poŋdi köyö nyona, ko ’bayin sona, a ŋa logon papakanyit pukun i kalet no kiŋdya ru nanyit i po köyö nyona? ŋilo a nan MATAT lo pija.

Yeremia 30:9

Ama a se mo kitakiŋdye nan MATAT Ŋun lose se ko Dawidi mor lose logon mo titiki kase ŋerot lo.

Yeremia 31:1

Nan MATAT lo kulya adi, I ŋinu diŋit nan mo gwon a ŋun lo kötumitön liŋ ti Yisaraele, a se mo gwe a ŋutu kwe.

Yeremia 31:33

Nan MATAT lo kulya adi, Na a tomoret nagon nan mo teten ko kötumit na Yisaraele i mukök na kilo perok, kweja adi, Nan mo titin saresi kwe ko lepeŋat lukata, iŋkoi, nan mo wuwurökin se kase i töilyet; a nan mo gwe a ŋun lose, a se mo gwe a ŋutu kwe.

Yeremia 32:38

A se mo gwe a ŋutu kwe, a nan mo gwe a Ŋun lose.

Ejikele 20:5

nyena taki lepeŋat adi, MATAT ŊUN lo kulya adi, I lor lo wuluŋdye nan Yisaraele köju lu, nan a ’doggu könin ki i mi-lyekiŋdyö na nyakwariat ti kötumit na Yakobo, a tiŋdi mugun i dena ko se i jur lo Ejipeto; a nan iŋge ’doggu könin ki a milyekiŋdye lepeŋat adi, Nan a MATAT ŊUN losu.

Ejikele 20:7

Nan a takin se adi, Ta liŋ geleŋ geleŋ, gubara ta ŋo kasu na mamana kaŋo nagon tulyöŋgu konyen kasu kine, an ta ko toluddya ta ’börik ko nyömuejin logon a ŋunyen ti Ejipeto. Nan logon a MATAT ŊUN losu.

Ejikele 21:27

Söpuket! Sopuket! Nan mo kökon söpuket a duma nagon köju a ko gwon sona, tojo kasaranit a po logon ŋo liŋ a kanyit lo, a nan mo tiŋdi lepeŋ kine ŋo liŋ.

Ejikele 36:28

A ta mo gwolore i jur logon nan aje tikin merenyejin kasu lu, a ta mo gwe a ŋutu kwe, a nan mo gwe a ŊUN losu.

Ejikele 37:22

A nan mo koŋdi se a jur geleŋ i kak nase i merya ti Yisaraele, a lepeŋat liŋ mo gwe ko mor geleŋ; a lepeŋat köti mo tine gwon a jurön murek, kode kora a tumatyanjin murek.

Ejikele 37:23

A lepeŋat köti kwöŋ mo tine toluddya ’börik ko nyö-muejin logon a ŋunyen kase, ko konesi kase na mamana, se ko lauŋdya nase na saresi kwe; a nan mo lwökuŋdye lepeŋat kaŋo i toronjin kase liŋ na kukuto-di se bot kune, a nan mo toke ’yi se; a se mo gwe a ŋutu kwe, a nan mo gwe a ŊUN lose.

Ejikele 37:24

A köliŋönit lio Dawidi mo lo gwe a mor lose, a se liŋ mo gwe ko kayukunit geleŋ. A se mo kebbi jujuwesi kwe, a tirikuni ’debba saresi kwe lo wurö.

Ejikele 37:25

A se mo gwolore i jur logon nan aje tikin köliŋönit lio Yakobo. (Ŋilo a jur logon merenyejin kasu si ’da kata lo.) A ŋutu ti Yisaraele ko ŋwajik kase se ko nyakwariat kase mo si ’dani nyu ŋupi ŋupi; a köliŋönit lio Dawidi mo gwe a kasaranit lose ŋupi.

Ejikele 37:27

A pirit nio si ’daet mo gwe ko lepeŋat i pirit na geleŋ; a nan mo gwe a ŊUN lose a se mo gwe a ŋutu kwe.

Ejikele 39:22

Suluja i ŋinu diŋit tojo ko ŋerot, a kötumit na Yisaraele mo deŋdi adi nan logon a ŊUN lose.

Ejikele 44:3

Ake kasaranit tuŋ ködyö bubulö si ’da kata i nyesu na kinyo köyö i komor nan MATAT; lepeŋ bubulö lupöri baraŋöa na gwon i kadi najo na gwon i kötumit na, a yitöri kiko lo geleŋ.

Ejikele 45:7

A koret na kasaranit ködyö gwe i lele swot lo kak nake na rurwan nagon didiŋö ko kak nagon a na köji na ko i lele swöt, kweja adi nene kak ’dakara i swöt lo tokotyaŋ na kak nake na rurwan nagon didiŋö ko kak nagon a na köji na, a nene ’dakara i swöt lo ’yure lo ŋina kak. A jolan nan kak na kasaranit ködyö gwe jojo ko kak jin nagon a koraki gwoso i ’duŋesi ti kötumit na Yisaraele, a ŋina kak nanyit suluje i lokökorit lo gwon i swöt lo tokotyaŋ tojo ko lokökorit lo gwon i swöt lo ’yure lo jur.

Ejikele 48:21

A pitönö na pituŋdyö i swöton murek ti koret na pirit nake se ko na köji na kodyö gwe a na kasaranit. A kak na kasaranit ködyö suluje i swöt lo yure lo koret nake nagon a lokiliŋan aliŋan merya murek wot mukanat na, a ’dakara i swöt lo ’yure tojo ko lokökorit lo jur. A köti suluje i swöt lo tokotyaŋ lo koret na pirit nake nagon a lokiliŋan aliŋan merya murek wot mukanat na, a ’dakara i swöt lo tokotyaŋ tojo ko lokökorit lo jur. A ŋina kak na kasaranit ködyö diŋöni ko kak jin nagon a koraki kötumitön kune. A koret na pirit nake se ko pirit nake na rurwan na kadi na ŊUN ködyö gwe i kiden na kine kak jin.

Osea 3:5

A i mukok a ŋutu ti Yisaraele mo yitwene i ga ’yu na MATAT Ŋun lose se ko Dawidi mor lose; a se mo ŋoŋdi ko Matai ni bobonuŋdyo yinuŋdyo kulya kanyit na ’but ti molu nu.

Mika 5:2

Ama ta ŋutu ti Beteleme na gwon i jur lo Eparata, ma ’di kodyo kotumit nasu a na ’dit i kiden na kotumiton ti Yuda, ama lele ŋuto mo pupukun kasu kiden a lio logon a kasaranit lo Yisaraele, logon pipiluŋdya ’beron koju nu, i perok ti ’beron kulu.

Jakaria 13:7

Nan MATAT lo kurumi lo kulya adi, Do baŋdu, piki ki i mörö ko kayu-kunit lio ko i marate lio. Gwutöki ŋilo kayukunit kak, a yidin kwe mo reki rekin; a nan mo gwuddye kayukuk lo ’di ’dik.

Jakaria 13:9

A nan mo gwurusökiŋdye ŋina tupet i kimaŋ, a mo ŋoŋoji se gwoso ŋuto lo ŋoŋoaddu korodo kaŋo i pödö, a nan mo tembi se gwoso na temari dakap na. A se mo luluŋgi karin kwe, a nan mo waddi se adi, Se a nutu kwe; a se mo kulyani adi, MATAT a ŋuri likaŋ.

Matayo 28:18

A Yesu miju nyona, a kulyani ko se adi, Kido liŋ ki yu ko kak ni aje tiki nan.

Konesi 5:31

A Ŋun iŋge toduma ’yu lepeŋ kanyit i könin lutaten a Kasaranit ko a Kalwökönit, anyen tiŋdu ŋutu ti Yisaraele i Iöpuggö na töilyet, anyen toronjin kase boŋo pipitöki.

1 Korinto 15:25

Kogwon Kristo agu ködyö tutumatyan tojo Ŋun a tikin lepeŋ i ryokakiŋdya na merok kanyit liŋ kak.

Kweyatti 21:3

A nan yiŋge gworo lobot kuun i si ’daet na tumatyan, kulya adi, Lote, Ŋun aje ŋo i gwolor ko ŋutu kiden; lepeŋ mo sisi ’da, ko ŋutu kiden, a se mo gwe a ŋutu kanyit; a Ŋun ko mugun nanyit mo gwe kase kiden a Ŋun lose.