Ejikele 33:7 - Bibilia Buk na Ŋun nagon koti luŋu a

⁷ Nyena do ŋuro lo ŋuto, nan aje kon do a katiyunit lo kötumit na Yisaraele. Ko do yiyiŋ kulya na jam nan kine, a kirut ti do taki lepeŋat adi, MATAT lo kulya adi, Kunyar ta!

Ejikele 33:7 ပူးပေါင်းရင်းမြစ်များ

1 Moran 22:14

A Mikaya kulyani adi, ’Diri gwak gwoso na gwoŋdi MATAT na, nan de jambu kulya nagon MATAT a tukokin nan kune.

2 Dekat 19:10

A ko luŋösurök logon si ’da i köjino kase a joŋdya putet kasu i komor i kulya ti ŋutu logon a tuböŋöro, kode i ’beleŋgu na saresi, kode jujuwesi, kode saresi lo wurö, kode kulya na ’duŋö kune, a ta kirut kodyo sarakiŋdye lepeŋat adi ti lepeŋat kodyo gwe ti toroŋdya ko MATAT i komor; an woran nanyit yukokin kasu ki se ko luŋasirik kasu. Nyenagon ko ta koŋdya sona a ta tine gwon a katoronyak.

Koli Lo ’but Parik 3:3

A katiyuk lo wörö lorga köjikulo ryeji nan, a nan pipije se adi, Ta ŋona a met ŋuto logon nan nyanyar ko töili lio liŋ lo le?

Koli Lo ’but Parik 5:7

A katiyuk lo wörö lorga köji kulo ryeji nan, a se ’biddye nan, a böŋöddi nan; kilo katiyuk ti mariŋ na köji a ’dumaddu boŋgo nio duma na­gon a muit.

Yisaya 21:11

’Dolet i kulya ti Dumak adi, Lele a luŋgu nan Seir yu adi, Do ŋilo katiyunit, gwon ada i kulya ti tukwaje? Do katiyunit, kulya ti tukwaje gwon ada?

Yisaya 62:6

Do Yerusalema, nan aje saraki-ŋdya katiyuk i tiju na gorom inot nagon a mariŋ; a se mo tine yiŋa taliŋ kwöŋ ko tuparan ko tukwaje. Ta logon a katoyeyeok ti MATAT, ko yukan ta,

Yeremia 1:17

Ama do Yeremia, ŋine ki, kukunaki mugun ajo, jamaki lepeŋat ŋo liŋ nagon nan a sarakin do kine. An do ko kölökin lepeŋat i tokujöŋdu na do, an nan tokujön do kase i komor.

Yeremia 23:28

A ko nebi logon kata ko rudweet, ti nye tukokindye rudweet nanyit; ama ti ŋuto logon gwon ko kulyaet lio a ti nye jambi kulyaet lio ko to ’diri. Nan MATAT lo pija adi, Pudi ŋona a nyo i ’bolot?

Yeremia 26:2

Nan MATAT lo kulya adi, Gwo ’de i ’baŋ lo kadi nio na MATAT, ko jamaki ŋutu ti köjinö liŋ ti Yuda logon po i kwakwaddu i kadi nio na MATAT kulo, taki lepeŋat kulyaesi liŋ logon nan a sarakin do i jamakiŋdya na lepeŋat kulo; an do ko ’de ’ya lele kulyaet.

Yeremia 31:6

Kogwon lor mo kata logon katiyuk lo gwon i jur lo Epuraima logon a merya kulo mo woŋoro ki adi, Po ta, ti yi iti ta Siona ko MATAT ŋun likaŋ yu.

Yeremia 6:27

Nan a wulun do a katemanit lo ŋutu kwe i möŋu na se, anyen do ködyö deden ko tetem kikolin kase.

Mika 7:4

Ma ’di ŋuto logon a lo ’but kase kiden lo gwon gwoso kikwa, a ŋuto lo yiyiniki kase kiden lo gwe gwoso mariŋ nagon a kikwa. Lor aje po logon katiyuk kasu nebijin aje tuk kulya kanyit lo ŋilo a lor lo riparikin ta, a kilo ŋutu mo dyadyaŋgi dyadyaŋgu.

Abakuk 2:1

Nan mo gwogwo ’dan i tiju, a gwo ’de i taka loki, a diŋe ŋerot i meddya ko nye de jamakin nan nyo, koti ko nan waddu lepeŋ ada i kulya ti wiwinyesi kwe.

Konesi 20:20

Ta köti a den adi nan a ko ’de ’ya kunie kulya nagon bubulö parakiŋdya ta. Nan a tokujö a iŋge todinikin ta köke ŋutu memet, ko kasu i midijik.

Konesi 5:20

Iti ta tu gwo ’de ta i Kadi na Ŋun, ko jamaki ta ŋutu kulyaesi ti na gwiliŋit ludukotyo.

1 Korinto 11:23

Kogwon saresi logon nan todinikin ta kilo nan a wu ko Matat, adi, i tukwaje lo tiki ’e Matat Yesu i tatua lu, lepeŋ a ’dumuŋdya ambata,

1 Korinto 15:3

Nan aje todinikin ta ŋo duma togeleŋ nagon nan aje wu na, kweja adi, Kristo a twan kogwon toronjin kaŋ gwoso na wurörikin köju nu adi lepeŋ mo tatatua,

Epeso 4:11

’Dokesi kanyit gwon sona adi, nye a tiŋdu kulye ŋutu i gwon a luyökie, kulye a nebijin, kulye a katokuök ti Loŋe Lo ’but, kulye a kayukuk ti ŋutu se ko kulye a katodinok ti Loŋe Lo ’but.

Ebere 13:17

Twöji ta temejik kasu ko kuŋge ta lepeŋat, kogwon lepeŋat titi ta gwoso ŋutu logon mo pipiya i kulya kasu. Ti ta gwe ti todelyaju lepeŋat anyen se kita ko lyöŋön, kogwon ko se kita ko ’du ’duatu a kine kulya tine parakiŋdya ta.