Ejikele 33:6 - Bibilia Buk na Ŋun nagon koti luŋu a

⁶ Ama ko katiyunit a met merok i po, a gwe a ko kuddya tore anyen toŋiju ŋutu, a ko merok a po a morgi lele lose, ŋilo ŋuto tatua nyuŋ gwon ko toron, ama a nan mo luŋgi rima kanyit ko katiyunit i könin.

Ejikele 33:6 ပူးပေါင်းရင်းမြစ်များ

Suluet 42:22

A Rubena waddi lepeŋat adi, Nan a ko jambu ko ta le adi, Ko koŋdya ta lo ŋuro arabat? Ama a ta tine ’bön yiŋga. Nyenagon mete ta, rima kanyit ’de ’dekarikin kayaŋ i kusik.

Suluet 9:5

’Diri nan mo pipi rima nagon a ru nasu; nan mo pipi se i kutusen ti gwuruŋin liŋ ko i könisi ti Ŋutu. lŋkoi, nan mo pipi ru na Ŋutu i könisi ti luŋasirik kase.

2 Samuele 4:11

Ada lolor nagon ŋutu katoronyak aje tatuja ŋuto loke kanyit kadi i dotoet loki, a nan ŋona ti bulö robba rima kanyit ko ta, anyen jogga ru nasu kaŋo i na kak le?

Tolupesi 14:32

Konesi narok ti ŋuto loron na to ’doro ’yu lepeŋ, ama ŋuto lo rigwo ryeju pirit ’danaet ko torigwo nanyit.

Yeremia 14:15

Nyena­gon nan MATAT lo kulya i kulya ti nebijin logon kekejutu ko karin kwe kulo ma ’di nan a ko soŋdu lepeŋat, logon kulya adi, Baŋdujin ko dyaŋ mo ti ’dukin i lo jur. Nan kulya sona adi, Kilo nebijin mo totogiröki ko baŋdujin se ko dyaŋ.

Ejikele 18:20

Ŋuto logon a toroŋdya lo mo kakaŋu. A ŋuro mo tine poŋga kogwon toron na monye, a monye mo tine poŋga kogwon toron na ŋuro. Ŋuto lo rigwo ropaki torigwo nanyit, a katoronyanit ropakine toron nanyit.

Ejikele 18:24

Ama ko ŋuto loron a löpukuŋdyö kapo i torigwo nanyit a iŋge toroŋdya, a koŋdi po na mamana jojo ko nagon ŋuto loron kökon kune, lepeŋ ŋona gwon jörun le? Iŋkoi, nene na konesi kanyit na rigwo nagon nye a kon kune ’bayin nagon yeyeŋ; lepeŋ twatwan kogwon nye a ko ’yu twöju a iŋge koŋdya toron.

Ejikele 34:10

Nan MATAT ŊUN lo kulya adi, Mete ta, nan a miriku losu lo kayukuk; a nan mo luŋgi köbilu kwe kasu i konisi; a nan mo teŋgi ta i tunyeju na köbilu; a ta kayukuk köti mo tine tunyeju ’borik asut; a nan mo ryakuŋdye köbilu kwe kaŋo kasu i kutusen anyen gwon ’bayin a kinyo losu.

Konesi 18:6

A lepeŋat renyani lepeŋ, a momoroji lepeŋ. Nyena a Paulo nanaji boŋgwat kanyit kune, a kulyani ko se adi, Ti rima kasu gwe kasu i kusik! Nan a loke. Soŋinana nan lo iti i ŋutu ti kulye jurön.